ਪੰਜਾਬ ਪੁਲਸ ਭਰਤੀ 2025:ਪੰਜਾਬ ਪੁਲਸ ਨੇ 1700 ਤੋਂ ਵੱਧ ਅਸਾਮੀਆਂ ਲਈ ਕਾਂਸਟੇਬਲਾਂ ਦੀ ਭਰਤੀ ਦਾ ਐਲਾਨ ਕੀਤਾ ਹੈ। ਇਸ ਭਰਤੀ ਲਈ ਅਧਿਕਾਰਤ ਇਸ਼ਤਿਹਾਰ ਜਾਰੀ ਕਰ ਦਿੱਤਾ ਗਿਆ ਹੈ। ਇਸ ਦੇ ਨਾਲ ਹੀ, ਪੰਜਾਬ ਪੁਲਸ ਵਿੱਚ ਅਰਜ਼ੀ ਦੀ ਪ੍ਰਕਿਰਿਆ 21 ਫਰਵਰੀ 2025 ਨੂੰ ਸ਼ਾਮ 7 ਵਜੇ ਸ਼ੁਰੂ ਹੋਵੇਗੀ। ਇਸ ਕਾਂਸਟੇਬਲ ਭਰਤੀ ਲਈ ਔਨਲਾਈਨ ਫਾਰਮ ਸਵੀਕਾਰ ਕਰਨ ਦੀ ਆਖਰੀ ਮਿਤੀ 13 ਮਾਰਚ ਰਾਤ 11.55 ਵਜੇ ਤੱਕ ਅਧਿਕਾਰਤ ਵੈੱਬਸਾਈਟ www.punjabpolice.gov.in ‘ਤੇ ਹੈ।

ਪੰਜਾਬ ਪੁਲਸ ਭਰਤੀ 2025: ਅਸਾਮੀਆਂ ਦੇ ਵੇਰਵੇ
ਪੰਜਾਬ ਪੁਲਸ ਕਾਂਸਟੇਬਲ ਦੀਆਂ ਇਹ ਅਸਾਮੀਆਂ ਜ਼ਿਲ੍ਹਾ ਪੁਲਸ ਕੇਡਰ ਅਤੇ ਆਰਮਡ ਪੁਲਸ ਕੇਡਰ ਲਈ ਜਾਰੀ ਕੀਤੀਆਂ ਗਈਆਂ ਹਨ। ਤਿਹਾਨੂੰਦਸਦੇ ਹਾਂ ਕਿ ਕਿਸ ਖਾਲੀ ਥਾਂ ਲਈ ਕਿੰਨੀਆਂ ਅਸਾਮੀਆਂ ਖਾਲੀ ਹਨ…ਪੰਜਾਬ ਪੁਲਸ ਕਾਂਸਟੇਬਲ (ਜ਼ਿਲ੍ਹਾ ਕੇਡਰ) 1261
ਪੰਜਾਬ ਪੁਲਸ ਕਾਂਸਟੇਬਲ (ਆਰਮਡ ਕੇਡਰ) 485
ਕੁੱਲ 1746

ਪੰਜਾਬ ਪੁਲਸ ਕਾਂਸਟੇਬਲ ਯੋਗਤਾ
ਪੰਜਾਬ ਪੁਲਸ ਦੀ ਇਸ ਭਰਤੀ ਵਿੱਚ ਅਪਲਾਈ ਕਰਨ ਲਈ, ਉਮੀਦਵਾਰਾਂ ਦਾ ਕਿਸੇ ਮਾਨਤਾ ਪ੍ਰਾਪਤ ਬੋਰਡ ਤੋਂ 10+2 ਯਾਨੀ 12ਵੀਂ ਪਾਸ ਹੋਣਾ ਲਾਜ਼ਮੀ ਹੈ। ਸਾਬਕਾ ਸੈਨਿਕਾਂ ਲਈ ਘੱਟੋ-ਘੱਟ ਯੋਗਤਾ 10ਵੀਂ ਪਾਸ ਨਿਰਧਾਰਤ ਕੀਤੀ ਗਈ ਹੈ। ਇਸ ਤੋਂ ਇਲਾਵਾ, ਉਮੀਦਵਾਰਾਂ ਨੇ 10ਵੀਂ ਜਮਾਤ ਵਿੱਚ ਪੰਜਾਬੀ ਭਾਸ਼ਾ ਨੂੰ ਇੱਕ ਵਿਸ਼ੇ ਵਜੋਂ ਪੜ੍ਹਿਆ ਹੋਣਾ ਚਾਹੀਦਾ ਹੈ। ਵਿਦਿਅਕ ਯੋਗਤਾ ਤੋਂ ਇਲਾਵਾ, ਉਮੀਦਵਾਰਾਂ ਦੀ ਸਰੀਰਕ ਯੋਗਤਾ ਵੀ ਨਿਰਧਾਰਤ ਕੀਤੀ ਗਈ ਹੈ।
ਪੰਜਾਬ ਪੁਲਸ ਵਿੱਚ ਕਿੰਨੀ ਉਚਾਈ ਦੀ ਲੋੜ ਹੁੰਦੀ ਹੈ?

ਪੰਜਾਬ ਪੁਲਸ ਕਾਂਸਟੇਬਲ ਜ਼ਿਲ੍ਹਾ ਅਤੇ ਆਰਮਡ ਪੁਲਸ ਲਈ ਪੁਰਸ਼ਾਂ ਅਤੇ ਔਰਤਾਂ ਲਈ ਲੋੜੀਂਦੀ ਉਚਾਈ ਵੱਖਰੀ ਹੈ

ਪੰਜਾਬ ਪੁਲਸ ਵਿੱਚ ਪੁਰਸ਼ਾਂ ਦਾ ਕੱਦ- 5 ਫੁੱਟ 7 ਇੰਚ (170.2 ਸੈਂਟੀਮੀਟਰ)
ਪੰਜਾਬ ਪੁਲਸ ਕਾਂਸਟੇਬਲ ਵਿੱਚ ਕੁੜੀਆਂ ਦਾ ਕੱਦ – 5 ਫੁੱਟ 2 ਇੰਚ (157.5 ਸੈਂਟੀਮੀਟਰ)

12ਵੀਂ ਪਾਸ ਪੁਲਿਸ ਭਰਤੀ 2025: ਉਮਰ ਸੀਮਾ
ਉਮਰ ਹੱਦ- ਉਮੀਦਵਾਰਾਂ ਦੀ ਘੱਟੋ-ਘੱਟ ਉਮਰ 18 ਸਾਲ ਅਤੇ ਵੱਧ ਤੋਂ ਵੱਧ 28 ਸਾਲ ਹੋਣੀ ਚਾਹੀਦੀ ਹੈ। ਉਮੀਦਵਾਰਾਂ ਦੀ ਉਮਰ ਦੀ ਗਣਨਾ 1 ਜਨਵਰੀ 2025 ਦੇ ਆਧਾਰ ‘ਤੇ ਕੀਤੀ ਜਾਵੇਗੀ।

ਨੋਟੀਫਿਕੇਸ਼ਨ ਮੁਤਾਬਕ ਇਸ ਭਰਤੀ ਲਈ ਅਰਜ਼ੀ ਪ੍ਰਕਿਰਿਆ 21 ਫ਼ਰਵਰੀ ਤੋਂ ਹੀ ਸ਼ੁਰੂ ਹੋ ਜਾਵੇਗੀ। ਕਾਂਸਟੇਬਲ ਦੀਆਂ ਅਸਾਮੀਆਂ ਲਈ ਯੋਗਤਾ ਦੇ ਮਾਪਦੰਡ ਪੂਰੇ ਕਰਨ ਵਾਲੇ ਉਮੀਦਵਾਰ ਅਰਜ਼ੀ ਪ੍ਰਕਿਰਿਆ ਸ਼ੁਰੂ ਹੁੰਦੇ ਹੀ ਅਪਲਾਈ ਕਰ ਸਕਦੇ ਹਨ।