5 Important changes from July News: ਨਵਾਂ ਮਹੀਨਾ ਜੁਲਾਈ ਆਪਣੇ ਨਾਲ ਕਈ ਬਦਲਾਅ ਲੈ ਕੇ ਆਇਆ ਹੈ। ਅੱਜ ਯਾਨੀ ਪਹਿਲੀ ਤੋਂ ਕਈ ਚੀਜ਼ਾਂ ਦੀਆਂ ਕੀਮਤਾਂ ਬਦਲ ਰਹੀਆਂ ਹਨ। ਜਿਸ ਦਾ ਸਿੱਧਾ ਅਸਰ ਆਮ ਆਦਮੀ ਦੀ ਜੇਬ ‘ਤੇ ਪਵੇਗਾ। ਆਓ ਜਾਣਦੇ ਹਾਂ ਅਜਿਹੇ ਬਦਲਾਅ ਬਾਰੇ
ਹੀਰੋ ਮੋਟੋਕਾਰਪ ਕੰਪਨੀ ਨੇ ਕੀਮਤ ਵਧਾਇਆਂ
ਹੀਰੋ ਮੋਟੋਕਾਰਪ ਕੰਪਨੀ ਦੀਆਂ ਗੱਡੀਆਂ ਅੱਜ ਤੋਂ 1500 ਰੁਪਏ ਮਹਿੰਗੀਆਂ ਹੋ ਜਾਣਗੀਆਂ। ਕੰਪਨੀ ਨੇ ਕੁਝ ਚੋਣਵੇਂ ਵਾਹਨਾਂ ਦੀਆਂ ਐਕਸ-ਸ਼ੋਰੂਮ ਕੀਮਤਾਂ ‘ਚ 1,500 ਰੁਪਏ ਦਾ ਵਾਧਾ ਕਰਨ ਦਾ ਐਲਾਨ ਕੀਤਾ ਹੈ। ਕੰਪਨੀ ਦਾ ਕਹਿਣਾ ਹੈ ਕਿ ਵਸਤੂਆਂ ਦੀਆਂ ਕੀਮਤਾਂ ਵਧਣ ਕਾਰਨ ਉਨ੍ਹਾਂ ਨੂੰ ਕੀਮਤ ਵਧਾਉਣੀ ਪਈ ਹੈ।
ਟਾਟਾ ਮੋਟਰਜ਼ ਦੀਆਂ ਗੱਡੀਆਂ 2 ਫੀਸਦੀ ਮਹਿੰਗੀਆਂ ਹੋਇਆਂ
ਇਸ ਦੇ ਨਾਲ ਹੀ ਟਾਟਾ ਮੋਟਰਸ ਨੇ ਵੀ ਆਪਣੇ ਵਾਹਨਾਂ ਦੇ ਰੇਟ ਵਧਾ ਦਿੱਤੇ ਹਨ ਅਤੇ ਹੁਣ ਕੰਪਨੀ ਦੇ ਵਾਹਨ 2 ਫੀਸਦੀ ਮਹਿੰਗੇ ਹੋਣਗੇ। ਵਾਧਾ ਵੱਖ-ਵੱਖ ਮਾਡਲਾਂ ਅਤੇ ਰੂਪਾਂ ਅਨੁਸਾਰ ਵੱਖ-ਵੱਖ ਹੁੰਦਾ ਹੈ। ਕੰਪਨੀ ਨੇ ਕਿਹਾ ਕਿ ਲਾਗਤ ਵਧਣ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ।
ਵਪਾਰਕ ਸਿਲੰਡਰ ਦੀਆਂ ਕੀਮਤਾਂ ‘ਚ 31 ਰੁਪਏ ਦੀ ਕਟੌਤੀ
ਵਪਾਰਕ ਗੈਸ ਸਿਲੰਡਰ ਦੀ ਕੀਮਤ ਘਟਾਈ ਗਈ ਹੈ। 19 ਕਿਲੋ ਦਾ ਕਮਰਸ਼ੀਅਲ ਸਿਲੰਡਰ 31 ਰੁਪਏ ਸਸਤਾ ਹੋ ਗਿਆ ਹੈ। ਰਾਜਧਾਨੀ ਦਿੱਲੀ ਵਿੱਚ ਵਪਾਰਕ ਸਿਲੰਡਰ ਦੀ ਕੀਮਤ ਹੁਣ 30 ਰੁਪਏ ਘੱਟ ਕੇ 1646 ਰੁਪਏ ਹੋ ਗਈ ਹੈ। ਪਹਿਲਾਂ ਇਸ ਦੀ ਕੀਮਤ 1676 ਰੁਪਏ ਸੀ। ਪਰ 14.2 ਕਿਲੋਗ੍ਰਾਮ ਘਰੇਲੂ ਗੈਸ ਸਿਲੰਡਰ ਦੀ ਕੀਮਤ ‘ਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ।
ਸਿਮ ਚੋਰੀ ਹੋਣ ਤੇ ਨਵੇਂ ਸਿਮ ਲਈ ਕਰਨਾ ਹੋਏਗਾ 7 ਦਿਨਾਂ ਦਾ ਇੰਤਜ਼ਾਰ
ਇਸ ਦੇ ਨਾਲ ਹੀ ਸਰਕਾਰ ਨੇ ਮੋਬਾਈਲ ਨੰਬਰ ਪੋਰਟੇਬਿਲਟੀ (MNP) ਅਤੇ ਸਿਮ ਸਵੈਪ ਨਾਲ ਜੁੜੇ ਨਿਯਮਾਂ ਵਿੱਚ ਬਦਲਾਅ ਕੀਤਾ ਹੈ। ਹੁਣ ਜੇਕਰ ਤੁਹਾਡਾ ਸਿਮ ਕਾਰਡ ਚੋਰੀ ਹੋ ਜਾਂਦਾ ਹੈ ਜਾਂ ਖਰਾਬ ਹੋ ਜਾਂਦਾ ਹੈ ਤਾਂ ਤੁਹਾਨੂੰ ਨਵਾਂ ਸਿਮ ਲੈਣ ਲਈ ਇੱਕ ਹਫ਼ਤੇ ਤੱਕ ਇੰਤਜ਼ਾਰ ਕਰਨਾ ਪਵੇਗਾ। ਪਹਿਲਾਂ ਸਿਮ ਕਾਰਡ ਸਟੋਰ ਤੋਂ ਤੁਰੰਤ ਮਿਲ ਜਾਂਦਾ ਸੀ। ਪਰ ਹੁਣ MNP ਨਿਯਮਾਂ ‘ਚ ਬਦਲਾਅ ਤੋਂ ਬਾਅਦ ਤੁਹਾਨੂੰ ਅਗਲੇ ਸੱਤ ਦਿਨਾਂ ਬਾਅਦ ਹੀ ਨਵਾਂ ਸਿਮ ਕਾਰਡ ਮਿਲੇਗਾ।
ਵੋਡਾਫੋਨ, ਜੀਓ ਅਤੇ ਏਅਰਟੈੱਲ ਦਾ ਰੀਚਾਰਜ ਹੋਏਗਾ
Jio, Airtel ਅਤੇ Vodafone Idea ਟੈਲੀਕਾਮ ਕੰਪਨੀਆਂ ਨੇ ਆਪਣੇ ਰੀਚਾਰਜ ਪਲਾਨ ਨੂੰ ਮਹਿੰਗਾ ਕਰਨ ਦਾ ਐਲਾਨ ਕੀਤਾ ਹੈ। ਜਿਓ, ਏਅਰਟੈੱਲ ਦੇ ਪਲਾਨ 3 ਜੁਲਾਈ ਤੋਂ ਮਹਿੰਗੇ ਹੋ ਜਾਣਗੇ, ਜਦਕਿ ਵੋਡਾਫੋਨ ਦੇ ਨਵੇਂ ਪਲਾਨ 4 ਜੁਲਾਈ ਤੋਂ ਲਾਗੂ ਹੋਣਗੇ। ਜਿਓ ਦੀ ਗੱਲ ਕਰੀਏ ਤਾਂ ਜੀਓ ਨੇ ਆਪਣੇ ਬੇਸਿਕ ਪਲਾਨ ਦੀ ਕੀਮਤ 155 ਰੁਪਏ ਤੋਂ ਵਧਾ ਕੇ 189 ਰੁਪਏ ਕਰ ਦਿੱਤੀ ਹੈ। ਇਸੇ ਤਰ੍ਹਾਂ ਏਅਰਟੈੱਲ ਦਾ 179 ਰੁਪਏ ਦਾ ਸਭ ਤੋਂ ਸਸਤਾ ਪਲਾਨ 199 ਰੁਪਏ ‘ਚ ਮਿਲੇਗਾ। VI ਦਾ 179 ਰੁਪਏ ਦਾ ਸਭ ਤੋਂ ਸਸਤਾ ਪਲਾਨ ਵੀ 199 ਰੁਪਏ ‘ਚ ਮਿਲੇਗਾ।
ਹਿੰਦੂਸਥਾਨ ਸਮਾਚਾਰ
