Assam News: ਸ਼ਾਰਦੀਆ ਦੁਰਗਾ ਪੂਜਾ ਤਿਉਹਾਰ ਦੇ ਦੌਰਾਨ ਸ਼ੁੱਕਰਵਾਰ ਸਵੇਰੇ ਧੁਬੜੀ ਜ਼ਿਲੇ ‘ਚ ਇਕ ਦਰਦਨਾਕ ਸੜਕ ਹਾਦਸੇ ‘ਚ ਚਾਰ ਬੱਚਿਆਂ ਦੀ ਮੌਤ ਹੋ ਗਈ। ਇਹ ਹਾਦਸਾ ਧੁਬੜੀ ਜ਼ਿਲ੍ਹੇ ਦੇ ਸੋਨਾਖੁਲੀ ਵਿਖੇ ਅੱਜ ਸਵੇਰੇ ਵਾਪਰਿਆ।
ਧੁਬੜੀ ਦੇ ਸੋਨਾਖੁਲੀ ‘ਚ ਸਵੇਰੇ 40 ਦਿਨਾਂ ਦੇ ਬੱਚੇ ਨੂੰ ਗੋਦ ‘ਚ ਲੈ ਕੇ ਬੱਚੇ ਨੈਸ਼ਨਲ ਹਾਈਵੇਅ 17 ‘ਤੇ ਖੜ੍ਹੇ ਸਨ, ਇਸੇ ਦੌਰਾਨ ਇਕ ਤੇਜ਼ ਰਫਤਾਰ ਚਾਰ ਪਹੀਆ ਵਾਹਨ ਨੇ ਉਨ੍ਹਾਂ ਨੂੰ ਜ਼ੋਰਦਾਰ ਟੱਕਰ ਮਾਰ ਦਿੱਤੀ, ਜਿਸ ਕਾਰਨ ਤਿੰਨ ਬੱਚਿਆਂ ਦੀ ਮੌਕੇ ’ਤੇ ਹੀ ਮੌਤ ਹੋ। ਇਕ ਹੋਰ ਬੱਚੇ ਦੀ ਹਸਪਤਾਲ ਲਿਜਾਂਦੇ ਸਮੇਂ ਮੌਤ ਹੋ ਗਈ। ਮ੍ਰਿਤਕਾਂ ਦੀ ਪਛਾਣ ਮਰੀਅਮ ਖਾਤੂਨ (10), ਜ਼ੁਬੈਰ ਹੁਸੈਨ (7), ਅਬੂ ਰੇਹਾਨ (40 ਦਿਨ) ਅਤੇ ਮੇਂਹਦੀ ਹੁਸੈਨ (5) ਵਜੋਂ ਹੋਈ ਹੈ।
ਹਾਦਸੇ ਦਾ ਕਾਰਨ ਬਣੇ ਵਾਹਨ (ਏ.ਐਸ.-17ਐਲ-6331) ਨੂੰ ਪੁਲਿਸ ਨੇ ਕਬਜ਼ੇ ਵਿੱਚ ਲੈ ਲਿਆ ਹੈ। ਸੂਚਨਾ ਮਿਲਦੇ ਹੀ ਸਥਾਨਕ ਪੁਲਿਸ ਮੌਕੇ ‘ਤੇ ਪਹੁੰਚ ਗਈ ਪਰ ਡਰਾਈਵਰ ਮੌਕੇ ਤੋਂ ਫਰਾਰ ਹੋ ਗਿਆ। ਪੁਲਿਸ ਨੇ ਇਸ ਸਬੰਧੀ ਐਫਆਈਆਰ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।
ਹਿੰਦੂਸਥਾਨ ਸਮਾਚਾਰ
