Tirupati News: ਵਿਸ਼ਵ ਪ੍ਰਸਿੱਧ ਤਿਰੂਪਤੀ ਬਾਲਾਜੀ ਮੰਦਰ ‘ਚ ਪ੍ਰਸਾਦ ਵਿਵਾਦ ਨੂੰ ਲੈ ਕੇ ਆਂਧਰਾ ਪ੍ਰਦੇਸ਼ ਤੋਂ ਲੈ ਕੇ ਰਾਜਧਾਨੀ ਦਿੱਲੀ ਤੱਕ ਹੰਗਾਮਾ ਹੋ ਰਿਹਾ ਹੈ। ਪ੍ਰਸਾਦ ਵਿੱਚ ਵਰਤੇ ਜਾਣ ਵਾਲੇ ਘਿਓ ਦੀ ਜਾਂਚ ਰਿਪੋਰਟ ਵਿੱਚ ਮੱਛੀ ਦੇ ਤੇਲ ਅਤੇ ਜਾਨਵਰਾਂ ਦੀ ਚਰਬੀ ਵਿੱਚ ਮਿਲਾਵਟ ਦੀ ਪੁਸ਼ਟੀ ਹੋਈ ਹੈ। ਜਿਸ ਤੋਂ ਬਾਅਦ ਸੰਤਾਂ ਵਿੱਚ ਭਾਰੀ ਰੋਸ ਹੈ। ਸੰਤਾਂ ਨੇ ਮੰਗ ਕੀਤੀ ਹੈ ਕਿ ਤਿਰੂਪਿਤ ਮੰਦਰ ਦੇ ਟਰੱਸਟ ਬੋਰਡ ਨੂੰ ਜਲਦੀ ਤੋਂ ਜਲਦੀ ਭੰਗ ਕੀਤਾ ਜਾਵੇ।
ਇਸੀ ਮਾਮਲੇ ਵਿੱਚ ਹੁਣ ਆਂਧਰਾ ਪ੍ਰਦੇਸ਼ ਦੇ ਉਪ ਮੁੱਖ ਮੰਤਰੀ ਅਤੇ ਜਨ ਸੈਨਾ ਪਾਰਟੀ ਦੇ ਮੁਖੀ ਪਵਨ ਕਲਿਆਣ ਦੀ ਪ੍ਰਤੀਕਿਰਿਆ ਵੀ ਸਾਹਮਣੇ ਆਈ ਹੈ, ਉਨ੍ਹਾਂ ਨੇ ਰਾਸ਼ਟਰੀ ਪੱਧਰ ‘ਤੇ ‘ਸਨਾਤਨ ਧਰਮ ਰਕਸ਼ਾ ਬੋਰਡ’ ਦੇ ਗਠਨ ਦੀ ਮੰਗ ਚੁੱਕੀ ਹੈ।
ਪਵਨ ਕਲਿਆਣ ਨੇ ਆਪਣੇ ਸੋਸ਼ਲ ਮੀਡਿਆ ਹੈਂਡਲ ‘ਤੇ ਪੋਸਟ ਕੀਤਾ ਹੈ ਕਿ ‘ਤਤਕਾਲੀ YCP ਸਰਕਾਰ ਦੁਆਰਾ ਗਠਿਤ TTD ਬੋਰਡ ਨੂੰ ਕਈ ਸਵਾਲਾਂ ਦੇ ਜਵਾਬ ਦੇਣੇ ਪੈਣਗੇ! ਇਸ ਸੰਦਰਭ ਵਿੱਚ, ਸਾਡੀ ਸਰਕਾਰ ਹਰ ਸੰਭਵ ਸਖ਼ਤ ਕਾਰਵਾਈ ਕਰਨ ਲਈ ਵਚਨਬੱਧ ਹੈ। ਪਰ, ਇਹ ਪੂਰਾ ਘਟਨਾਕ੍ਰਮ ਮੰਦਰਾਂ ਦੀ ਬੇਅਦਬੀ, ਜ਼ਮੀਨ ਨਾਲ ਸਬੰਧਤ ਮੁੱਦਿਆਂ ਅਤੇ ਹੋਰ ਧਾਰਮਿਕ ਕਦਰਾਂ ਕੀਮਤਾਂ ਨਾਲ ਜੁੜੇ ਹੋਰ ਕਈ ਮੁੱਦਿਆਂ ‘ਤੇ ਗੰਭੀਰ ਰੌਸ਼ਨੀ ਪਾਉਂਦਾ ਹੈ।
पिछली सरकार के कार्यकाल दौरान, तिरुपति बालाजी प्रसाद में पशु मेद (मछली का तेल, सूअर की चर्बी और बीफ़ वसा) मिलाए जाने की बात के संज्ञान में आने से हम सभी अत्यंत विक्षुब्ध हैं। तत्कालीन वाईसीपी (YCP) सरकार द्वारा गठित टीटीडी (TTD) बोर्ड को कई सवालों के जवाब देने होंगे! इस सन्दर्भ… https://t.co/SA4DCPZDHy
— Pawan Kalyan (@PawanKalyan) September 20, 2024
ਡਿਪਟੀ ਸੀਐਮ ਪਵਨ ਕਲਿਆਣ ਨੇ ਅੱਗੇ ਲਿਖਿਆ, ‘ਹੁਣ ਸਮਾਂ ਆ ਗਿਆ ਹੈ ਕਿ ਭਾਰਤ ਭਰ ਦੇ ਮੰਦਰਾਂ ਨਾਲ ਜੁੜੇ ਸਾਰੇ ਮੁੱਦਿਆਂ ‘ਤੇ ਵਿਚਾਰ ਕਰਨ ਲਈ ਰਾਸ਼ਟਰੀ ਪੱਧਰ ‘ਤੇ ‘ਸਨਾਤਨ ਧਰਮ ਰਕਸ਼ਾ ਬੋਰਡ’ ਦਾ ਤੁਰੰਤ ਗਠਨ ਕੀਤਾ ਜਾਵੇ। ਸਾਰੇ ਨੀਤੀ ਘਾੜਿਆਂ, ਧਾਰਮਿਕ ਮੁਖੀਆਂ, ਨਿਆਂਪਾਲਿਕਾ, ਆਮ ਨਾਗਰਿਕਾਂ, ਮੀਡੀਆ ਅਤੇ ਹੋਰ ਸਾਰੇ ਆਪਣੇ-ਆਪਣੇ ਖੇਤਰਾਂ ਦੇ ਮੋਹਰੀ ਵਿਅਕਤੀਆਂ ਦੁਆਰਾ ਰਾਸ਼ਟਰੀ ਪੱਧਰ ‘ਤੇ ਸਾਰਥਕ ਬਹਿਸ ਹੋਣੀ ਚਾਹੀਦੀ ਹੈ। ਉਨ੍ਹਾਂ ਅੱਗੇ ਲਿਖਿਆ ਕਿ ‘ਮੇਰਾ ਮੰਨਣਾ ਹੈ ਕਿ ‘ਸਨਾਤਨ ਧਰਮ’ ਦੇ ਅਪਮਾਨ ਨੂੰ ਕਿਸੇ ਵੀ ਰੂਪ ਵਿਚ ਰੋਕਣ ਲਈ ਸਾਨੂੰ ਸਾਰਿਆਂ ਨੂੰ ਬਿਨਾਂ ਕਿਸੇ ਦੇਰੀ ਦੇ ਇਕੱਠੇ ਹੋਣਾ ਚਾਹੀਦਾ ਹੈ।’
ਦੱਸ ਦੇਈਏ ਕਿ ਇਸ ਮਾਮਲੇ ਨੂੰ ਲੈ ਕੇ ਸੀਐਮ ਚੰਦਰਬਾਬੂ ਨਾਇਡੂ ਸਮੇਤ ਕਈ ਐਨਡੀਏ ਨੇਤਾਵਾਂ ਨੇ ਸਾਬਕਾ ਸੀਐਮ ਜਗਨ ਮੋਹਨ ਰੈਡੀ ‘ਤੇ ਤਿੱਖੇ ਹਮਲੇ ਕੀਤੇ ਹਨ। ਇਸ ਦੇ ਜਵਾਬ ‘ਚ ਮੋਹਨ ਅਤੇ ਉਨ੍ਹਾਂ ਦੀ ਪਾਰਟੀ ਵਾਈਐੱਸਆਰ ਕਾਂਗਰਸ ਨੇ ਇਸ ਵਿਵਾਦ ‘ਤੇ ਆਂਧਰਾ ਪ੍ਰਦੇਸ਼ ਹਾਈ ਕੋਰਟ ਤੱਕ ਪਹੁੰਚ ਕੀਤੀ। ਵਾਈਐਸਆਰ ਕਾਂਗਰਸ ਨੇ ਹਾਈ ਕੋਰਟ ਵਿੱਚ ਅਪੀਲ ਕੀਤੀ ਹੈ। ਅਤੇ ਚੰਦਰਬਾਬੂ ਨਾਇਡੂ ਅਤੇ ਟੀਡੀਪੀ ਦੇ ਦੋਸ਼ਾਂ ਦੀ ਜਾਂਚ ਲਈ ਨਿਆਂਇਕ ਕਮੇਟੀ ਬਣਾਉਣ ਦੀ ਮੰਗ ਕੀਤੀ। ਹਾਈ ਕੋਰਟ ਇਸ ਮਾਮਲੇ ਦੀ ਸੁਣਵਾਈ 25 ਸਤੰਬਰ ਨੂੰ ਕਰੇਗਾ।
ਲੈਬ ਰਿਪੋਰਟ ਘਿਉ ਵਿੱਚ ਜਾਨਵਰਾਂ ਦੀ ਚਰਬੀ ਹੋਣ ਦੀ ਪੁਸ਼ਟੀ
NDDB ਕਾਲਫ ਲੈਬ ਦੀ ਰਿਪੋਰਟ ਨੇ YSRCP ਸ਼ਾਸਨ ਦੌਰਾਨ ਵਰਤੇ ਗਏ ਘਿਓ ਵਿੱਚ ਜਾਨਵਰਾਂ ਦੀ ਚਰਬੀ ਦੀ ਮੌਜੂਦਗੀ ਦੀ ਪੁਸ਼ਟੀ ਕੀਤੀ ਹੈ। ਦੱਸਿਆ ਗਿਆ ਹੈ ਕਿ ਰਾਸ਼ਟਰੀ ਡੇਅਰੀ ਵਿਕਾਸ ਬੋਰਡ ਦੀ ਲੈਬ ਵਿੱਚ ਤਿਰੂਪਤੀ ਲੱਡੂ ਵਿੱਚ ਘਿਓ ਸਬੰਧੀ ਟੈਸਟ ਕਰਵਾਏ ਗਏ ਹਨ। ਤੇਲਗੂ ਦੇਸ਼ਮ ਪਾਰਟੀ ਵਲੋਂ ਜਾਰੀ ਕੀਤੀ ਗਈ ਲੈਬ ਰਿਪੋਰਟ ‘ਚ ਸਪੱਸ਼ਟ ਕੀਤਾ ਗਿਆ ਹੈ ਕਿ ਘਿਓ ‘ਚ ਮੱਛੀ ਦੇ ਤੇਲ, ਪਾਮ ਆਇਲ ਅਤੇ ਬੀਫ ‘ਚ ਪਾਏ ਜਾਣ ਵਾਲੇ ਤੱਤ ਮਿਲਾਏ ਗਏ ਹਨ।
ਪ੍ਰਸਾਦ ਦੀ ਜਾਂਚ ਰਿਪੋਰਟ ‘ਚ ਕੀ ਆਇਆ ਸਾਹਮਣੇ?
ਮੰਦਰ ਦੇ ਪ੍ਰਸ਼ਾਦ ‘ਚ ਵਰਤੇ ਜਾਣ ਵਾਲੇ ਘਿਓ ਦੀ ਜਾਂਚ ਰਿਪੋਰਟ ‘ਚ ਕਿਹਾ ਗਿਆ ਹੈ ਕਿ ਪ੍ਰਸ਼ਾਦ ‘ਚ ਮਿਲੇ ਲੱਡੂਆਂ ‘ਚ ਮਿਲਾਵਟੀ ਘਿਓ ਦੀ ਵਰਤੋਂ ਕੀਤੀ ਗਈ ਸੀ। ਇਸ ਵਿੱਚ ਮੱਛੀ ਦਾ ਤੇਲ, ਐਨੀਮਲ ਟੈਲੋ ਅਤੇ ਲਾਰਡ ਪਾਇਆ ਗਿਆ ਹੈ।
ਦੱਸ ਦੇਈਏ ਕਿ ਐਨੀਮਲ ਟੇਲੋ ਦਾ ਮਤਲਬ ਹੈ ਜਾਨਵਰ ਵਿੱਚ ਮੌਜੂਦ ਚਰਬੀ। ਇਸ ਵਿੱਚ ਲਾਰਡ ਵੀ ਮਿਲਾਇਆ ਜਾਂਦਾ ਸੀ। ਲਾਰਡ ਦਾ ਅਰਥ ਹੈ ਜਾਨਵਰਾਂ ਦੀ ਚਰਬੀ। ਇਸ ਘਿਓ ਵਿੱਚ ਮੱਛੀ ਦਾ ਤੇਲ ਵੀ ਪਾਇਆ ਗਿਆ ਹੈ। ਇਸ ਦੇ ਨਾਲ ਹੀ ਪ੍ਰਸਾਦ ਵਿੱਚ ਬੀਫ ਟੇਲੋ (ਬੀਫ ਫੈਟ) ਦੀ ਵੀ ਵਰਤੋਂ ਕੀਤੀ ਜਾਂਦੀ ਸੀ।
ਜਾਣੋ ਪੂਰਾ ਮਾਮਲਾ
ਦਰਅਸਲ, ਆਂਧਰਾ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਚੰਦਰਬਾਬੂ ਨਾਇਡੂ ਨੇ ਬੁੱਧਵਾਰ ਨੂੰ ਦਾਅਵਾ ਕੀਤਾ ਸੀ ਕਿ ਜਗਨ ਮੋਹਨ ਸਰਕਾਰ ਦੇ ਕਾਰਜਕਾਲ ਦੌਰਾਨ ਤਿਰੂਪਤੀ ਮੰਦਰ ‘ਚ ਮਿਲਣ ਵਾਲੇ ਪ੍ਰਸ਼ਾਦ ‘ਚ ਘਿਓ ਦੀ ਬਜਾਏ ਜਾਨਵਰਾਂ ਦੀ ਚਰਬੀ ਅਤੇ ਮੱਛੀ ਦੇ ਤੇਲ ਦੀ ਵਰਤੋਂ ਕੀਤੀ ਜਾ ਰਹੀ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਕਿਹਾ ਕਿ ਜਿਸ ਕੰਪਨੀ ਦਾ ਘਿਉ ਪ੍ਰਸਾਦ ਬਣਾਉਣ ਲਈ ਵਰਤਿਆ ਜਾਂਦਾ ਸੀ , ਉਸ ਨਾਲ ਕਰਾਰ ਖਤਮ ਕਰ ਦਿੱਤਾ ਹੈ। ਅਤੇ ਕੰਪਨੀ ਨੂੰ ਬਲੈਕਲਿਸਟ ਕੀਤਾ ਜਾ ਰਿਹੈ। ਮਾਮਲੇ ਦੀ ਜਾਂਚ ਵਿਜੀਲੈਂਸ ਨੂੰ ਸੌਂਪ ਦਿੱਤੀ ਗਈ ਹੈ।
ਦਰਅਸਲ, ਜੂਨ 2024 ਵਿੱਚ ਸਰਕਾਰ ਬਦਲਣ ਤੋਂ ਬਾਅਦ, ਨਵੀਂ ਸਰਕਾਰ ਨੇ 9 ਜੁਲਾਈ ਨੂੰ ਗੁਜਰਾਤ ਸਥਿਤ ਪਸ਼ੂ ਧਨ ਲੈਬ (NDDB CALF Ltd.) ਨੂੰ ਘਿਓ ਦੇ ਨਮੂਨੇ ਭੇਜੇ ਸਨ ਅਤੇ ਲੈਬ ਦੀ ਰਿਪੋਰਟ 16 ਜੁਲਾਈ ਨੂੰ ਆਈ ਸੀ। ਰਿਪੋਰਟ ਵਿੱਚ ਮਿਲਾਵਟਖੋਰੀ ਪਾਈ ਗਈ ਸੀ। ਇੱਕ ਫਰਮ ਦਾ ਘੀ . ਨੈਸ਼ਨਲ ਡੇਅਰੀ ਡਿਵੈਲਪਮੈਂਟ ਬੋਰਡ ਦੀ ਫੂਡ ਲੈਬ CALF ਨੇ ਦੱਸਿਆ ਕਿ ਪਸ਼ੂਆਂ ਦੀ ਚਰਬੀ ਅਤੇ ਮੱਛੀ ਦੇ ਤੇਲ ਤੋਂ ਤਿਆਰ ਘਿਓ ਵਿੱਚ ਪ੍ਰਸਾਦਮ ਦੇ ਲੱਡੂ ਬਣਾਏ ਜਾ ਰਹੇ ਹਨ।
ਪਿਛਲੀ ਸਰਕਾਰ ‘ਤੇ ਇਹ ਦੋਸ਼ ਲੱਗੇ ਹਨ
ਕਰਨਾਟਕ KMF ਪਿਛਲੇ 50 ਸਾਲਾਂ ਤੋਂ ਤਿਰੂਪਤੀ ਮੰਦਰ ਟਰੱਸਟ ਨੂੰ ਰਿਆਇਤੀ ਦਰਾਂ ‘ਤੇ ਘਿਓ ਦੀ ਸਪਲਾਈ ਕਰ ਰਿਹਾ ਸੀ। ਮੰਦਰ ਵਿੱਚ ਹਰ 6 ਮਹੀਨੇ ਬਾਅਦ 1400 ਟਨ ਘਿਓ ਦੀ ਵਰਤੋਂ ਹੁੰਦੀ ਹੈ। ਪਰ ਜੁਲਾਈ 2023 ‘ਚ ਕੰਪਨੀ ਨੇ ਘੱਟ ਰੇਟ ‘ਤੇ ਸਪਲਾਈ ਕਰਨ ਤੋਂ ਇਨਕਾਰ ਕਰ ਦਿੱਤਾ, ਜਿਸ ਤੋਂ ਬਾਅਦ ਤਤਕਾਲੀ ਜਗਨ ਮੋਹਨ ਸਰਕਾਰ ਨੇ 5 ਫਰਮਾਂ ਨੂੰ ਸਪਲਾਈ ਦਾ ਕੰਮ ਦਿੱਤਾ। ਇਹਨਾਂ ਵਿੱਚੋਂ ਇੱਕ ਏਆਰ ਡੇਅਰੀ ਫੂਡਜ਼ ਹੈ ਜੋ ਡਿੰਡੀਗੁਲ, ਤਾਮਿਲਨਾਡੂ ਵਿੱਚ ਸਥਿਤ ਹੈ। ਜਿਸ ਦੇ ਉਤਪਾਦ ਵਿੱਚ ਇਸ ਸਾਲ ਜੁਲਾਈ ਵਿੱਚ ਇੱਕ ਨੁਕਸ ਪਾਇਆ ਗਿਆ ਸੀ। ਇਸ ਸਾਲ ਜੁਲਾਈ ਵਿੱਚ ਨਮੂਨਿਆਂ ਵਿੱਚ ਬੇਨਿਯਮੀਆਂ ਪਾਏ ਜਾਣ ਤੋਂ ਬਾਅਦ, ਨਾਇਡੂ ਸਰਕਾਰ ਚੌਕਸ ਹੋ ਗਈ ਅਤੇ 29 ਅਗਸਤ ਨੂੰ ਦੁਬਾਰਾ ਸਪਲਾਈ ਦਾ ਕੰਮ ਕੇਐਮਐਫ ਨੂੰ ਸੌਂਪ ਦਿੱਤਾ।
