New Delhi: ਸਿੱਖ ਭਾਈਚਾਰੇ ‘ਤੇ ਰਾਹੁਲ ਗਾਂਧੀ ਦੇ ਬਿਆਨ ‘ਤੇ ਭਾਜਪਾ ਲਗਾਤਾਰ ਹਮਲਾ ਕਰ ਰਹੀ ਹੈ। ਬੁੱਧਵਾਰ ਨੂੰ ਭਾਜਪਾ ਦੇ ਆਈਟੀ ਸੈੱਲ ਦੇ ਮੁਖੀ ਅਮਿਤ ਮਾਲਵੀਆ ਨੇ ਕਿਹਾ ਕਿ ਸਿੱਖ ਭਾਈਚਾਰੇ ਨੂੰ ਭੜਕਾਉਣ ਅਤੇ ਅਪਮਾਨਿਤ ਕਰਨ ਵਾਲਾ ਬਿਆਨ ਰਾਹੁਲ ਗਾਂਧੀ ਦੀ ਪਰਿਵਾਰਕ ਵਿਰਾਸਤ ਹੈ। ਇੰਦਰਾ ਗਾਂਧੀ ਤੋਂ ਲੈ ਕੇ ਰਾਜੀਵ ਗਾਂਧੀ ਤੱਕ, ਕਾਂਗਰਸ ਨੇ ਸਿਰਫ਼ ਸਿੱਖਾਂ ਨੂੰ ਤੁੱਛ ਸਮਝਿਆ ਅਤੇ ਉਨ੍ਹਾਂ ਨਾਲ ਹਿੰਸਾ ਕੀਤੀ।
ਬੁੱਧਵਾਰ ਨੂੰ ਐਕਸ ਪਲੇਟਫਾਰਮ ‘ਤੇ ਅਮਿਤ ਮਾਲਵੀਆ ਨੇ ਕਿਹਾ ਕਿ ਭਾਰਤ ਦੇ ਕਿਹੜੇ ਸਿੱਖ ਨੂੰ ਪਿਛਲੇ ਦਹਾਕੇ ਜਾਂ 1990 ਦੇ ਦਹਾਕੇ ਤੋਂ ਭਾਜਪਾ ਸ਼ਾਸਿਤ ਸੂਬਿਆਂ ਵਿੱਚ ਦਸਤਾਰ ਜਾਂ ਕੜਾ ਪਹਿਨਣ ਲਈ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ ਹੈ? ਕਿਸੇ ਸਿੱਖ ਨੂੰ ਜਾਂ ਸਿੱਖਾਂ ਨੂੰ ਭਾਈਚਾਰੇ ਵਜੋਂ ਸਿਰਫ਼ ਇੱਕ ਵਾਰ ਖ਼ਤਰਾ ਅਤੇ ਬੇਗਾਨਗੀ ਮਹਿਸੂਸ ਹੋਇਆ ਸੀ, ਇਹ ਉਦੋਂ ਸੀ ਜਦੋਂ ਰਾਹੁਲ ਗਾਂਧੀ ਦੇ ਪਿਤਾ ਰਾਜੀਵ ਗਾਂਧੀ ਨੇ 1982 ਦੀਆਂ ਏਸ਼ੀਆਈ ਖੇਡਾਂ ਤੋਂ ਪਹਿਲਾਂ ਸਾਰੇ ਸਿੱਖਾਂ ਨੂੰ ਦਿੱਲੀ ਵੱਲ ਜਾਣ ਤੋਂ ਰੋਕ ਦਿੱਤਾ ਸੀ ਅਤੇ ਉਨ੍ਹਾਂ ਸਾਰਿਆਂ ਨੂੰ ਸੰਭਾਵੀ ‘ਖ਼ਤਰਾ’ ਕਰਾਰ ਦਿੱਤਾ ਸੀ।
ਉਨ੍ਹਾਂ ਕਿਹਾ ਕਿ ਰਾਜੀਵ ਗਾਂਧੀ ਦੀਆਂ ਹਦਾਇਤਾਂ ’ਤੇ ਹਰਿਆਣਾ ਪੁਲਸ ਅਤੇ ਦਿੱਲੀ ਪੁਲਸ ਨੇ ਸਿੱਖਾਂ ਨੂੰ ਬੱਸਾਂ ਅਤੇ ਕਾਰਾਂ ’ਚੋਂ ਘਸੀਟ ਕੇ ਉਨ੍ਹਾਂ ਦੀਆਂ ‘ਪੱਗਾਂ ਤੇ ਕੜਿਆਂ’ ਤੋਂ ਪਛਾਣ ਕੀਤੀ। ਸਿੱਖ ਪਛਾਣ ਅਤੇ ਹੋਂਦ ‘ਤੇ ਅਗਲਾ ਹਮਲਾ ਰਾਹੁਲ ਗਾਂਧੀ ਦੀ ਦਾਦੀ ਇੰਦਰਾ ਗਾਂਧੀ ਤੋਂ ਹੋਇਆ, ਜਦੋਂ ਉਨ੍ਹਾਂ ਨੇ ਬਿਨਾਂ ਕਿਸੇ ਤਿਆਰੀ ਅਤੇ ਜ਼ਮੀਨੀ ਸਥਿਤੀ ਨੂੰ ਸਮਝੇ ਬਿਨਾਂ ‘ਆਪਰੇਸ਼ਨ ਬਲਿਉ ਸਟਾਰ’ ਦਾ ਹੁਕਮ ਦੇ ਦਿੱਤਾ। ਉਨ੍ਹਾਂ ਨੇ ਹਰਿਮੰਦਰ ਸਾਹਿਬ ਕੰਪਲੈਕਸ ‘ਤੇ ਹਮਲਾ ਕਰਵਾਇਆ ਅਤੇ ਅਕਾਲ ਤਖ਼ਤ ਸਾਹਿਬ ‘ਤੇ ਬੰਬਾਰੀ ਕਰਕੇ ਸਿੱਖਾਂ ਦੀਆਂ ਧਾਰਮਿਕ ਭਾਵਨਾਵਾਂ ਨੂੰ ਕੁਚਲ ਦਿੱਤਾ। ਉਹ ਜ਼ਖ਼ਮ ਅਜੇ ਵੀ ਭਰਿਆ ਨਹੀਂ ਹੈ।
सिख समाज को भड़काने और उनका अपमान करने वाला बयान राहुल गांधी की पारिवारिक विरासत है। इंदिरा गांधी से लेकर राजीव गांधी तक, कांग्रेस ने सिखों को सिर्फ़ तिरस्कृत किया और उनके साथ हिंसा की।
भारत में किस सिख को पिछले दशक में या 1990 के दशक से, भाजपा शासित राज्यों में पगड़ी या कड़ा… pic.twitter.com/shR4Uafj6S
— Amit Malviya (@amitmalviya) September 18, 2024
कांग्रेस के DNA में है ‘पंजाब से धोखा’… pic.twitter.com/ifrPOzk2qe
— BJP (@BJP4India) September 18, 2024
ਮਾਲਵੀਆ ਨੇ ਕਿਹਾ ਕਿ ਸਿੱਖ ਕੌਮ ‘ਤੇ ਤੀਜਾ ਵੱਡਾ ਹਮਲਾ ਇੰਦਰਾ ਗਾਂਧੀ ਦੀ ਹੱਤਿਆ ਤੋਂ ਬਾਅਦ ਹੋਇਆ, ਜਦੋਂ ਕਾਂਗਰਸੀ ਗੁੰਡਿਆਂ ਦੀ ਭੀੜ ਨੇ ਉਨ੍ਹਾਂ ਦਾ ਕਤਲ ਅਤੇ ਲੁੱਟਮਾਰ ਕੀਤੀ ਅਤੇ ਮੌਤ ਅਤੇ ਤਬਾਹੀ ਦਾ ਡੂੰਘਾ ਨਿਸ਼ਾਨ ਛੱਡ ਦਿੱਤਾ – ਹਜ਼ਾਰਾਂ ਸਿੱਖਾਂ ਦਾ ਕਤਲੇਆਮ ਕੀਤਾ ਗਿਆ। ਰਾਹੁਲ ਗਾਂਧੀ ਇੱਕ ਵਾਰ ਫਿਰ ਉਨ੍ਹਾਂ ਜ਼ਖ਼ਮਾਂ ਨੂੰ ਰਗੜ ਰਹੇ ਹਨ।
ਜ਼ਿਕਰਯੋਗ ਹੈ ਕਿ ਕਾਂਗਰਸ ਦੇ ਸੰਸਦ ਮੈਂਬਰ ਰਾਹੁਲ ਗਾਂਧੀ ਨੇ ਅਮਰੀਕਾ ਦੀਆਂ ਦੋ ਵੱਖ-ਵੱਖ ਯੂਨੀਵਰਸਿਟੀਆਂ ‘ਚ ਆਪਣੇ ਸੰਬੋਧਨ ‘ਚ ਸਿੱਖ ਭਾਈਚਾਰੇ ਦੀ ਮਿਸਾਲ ਦਿੰਦਿਆਂ ਕਿਹਾ ਕਿ ਭਾਰਤ ‘ਚ ਉਨ੍ਹਾਂ ਦੀ ਧਾਰਮਿਕ ਆਜ਼ਾਦੀ ਨੂੰ ਖੋਹਿਆ ਜਾ ਰਿਹਾ ਹੈ ਅਤੇ ਸੂਬਿਆਂ ਵਿਚਾਲੇ ਮਤਭੇਦ ਪੈਦਾ ਕੀਤੇ ਜਾ ਰਹੇ ਹਨ, ਯਾਨੀ ਕਿ ਸੰਘਵਾਦ ਦੀ ਬੁਨਿਆਦ ਤੋੜੀ ਜਾ ਰਹੀ ਹੈ।
ਹਿੰਦੂਸਥਾਨ ਸਮਾਚਾਰ
