Almora News: ਅਲਮੋੜਾ ‘ਚ ਭਾਰੀ ਮੀਂਹ ਦੇ ਦੌਰਾਨ ਇੱਕ ਦਰਦਨਾਕ ਘਟਨਾ ਸਾਹਮਣੇ ਆਈ ਹੈ। ਹਲਦਵਾਨੀ ਤੋਂ ਪਿਥੌਰਾਗੜ੍ਹ ਜਾ ਰਹੀ ਆਲਟੋ ਕਾਰ ਲਮਗੜਾ ਤਹਿਸੀਲ ਵਿੱਚ ਸਾਂਗੜ ਮੋਟਰ ਰੋਡ ’ਤੇ ਬੇਕਾਬੂ ਹੋ ਕੇ ਖੱਡ ਵਿੱਚ ਜਾ ਡਿੱਗੀ। ਹਾਦਸੇ ਵਿੱਚ ਡਰਾਈਵਰ ਸਮੇਤ ਤਿੰਨ ਲੋਕਾਂ ਦੀ ਮੌਤ ਹੋ ਗਈ। ਜਦਕਿ ਦੋ ਜ਼ਖ਼ਮੀ ਹੋ ਗਏ। ਡਿਜ਼ਾਸਟਰ ਮੈਨੇਜਮੈਂਟ ਟੀਮ ਅਤੇ ਪੁਲਸ ਨੇ ਪਿੰਡ ਵਾਸੀਆਂ ਦੀ ਮਦਦ ਨਾਲ ਸਾਰਿਆਂ ਨੂੰ ਬਾਹਰ ਕੱਢਿਆ ਅਤੇ ਜ਼ਖਮੀਆਂ ਨੂੰ ਐਂਬੂਲੈਂਸ ਰਾਹੀਂ ਬੇਸ ਹਸਪਤਾਲ ਪਹੁੰਚਾਇਆ।
ਆਫ਼ਤ ਪ੍ਰਬੰਧਨ ਦਫ਼ਤਰ, ਅਲਮੋੜਾ ਅਨੁਸਾਰ ਆਲਟੋ ਕਾਰ ਨੰਬਰ ਯੂਕੇ 05 ਟੀਏ 4577 ਵਿੱਚ ਪੰਜ ਵਿਅਕਤੀ ਸਵਾਰ ਸਨ। ਸਾਰੇ ਹਲਦਵਾਨੀ ਤੋਂ ਪਿਥੌਰਾਗੜ੍ਹ ਜਾ ਰਹੇ ਸੀ। ਰਸਤੇ ‘ਚ ਲਮਗੜਾ ਤਹਿਸੀਲ ‘ਚ ਸਾਂਗੜ ਮੋਟਰਵੇਅ ‘ਤੇ ਕਾਰ ਬੇਕਾਬੂ ਹੋ ਜਾਣ ਕਾਰਨ ਹਾਦਸਾਗ੍ਰਸਤ ਹੋ ਗਈ। ਦੇਰ ਰਾਤ ਵਾਪਰੇ ਇਸ ਕਾਰ ਹਾਦਸੇ ਵਿੱਚ ਕਾਰ ਵਿੱਚ ਸਵਾਰ ਰਜਨੀ ਪੁੱਤਰੀ ਰਵਿੰਦਰ ਕੁਮਾਰ ਵਾਸੀ ਬੀਸਾ ਬਜੇਠਾ ਪਿਥੌਰਾਗੜ੍ਹ ਅਤੇ ਸੁਨੀਤਾ ਦੇਵੀ ਪਤਨੀ ਰਵਿੰਦਰ ਕੁਮਾਰ ਵਾਸੀ ਕੁਮੌੜਾ ਪਿਥੌਰਾਗੜ੍ਹ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ। ਗੰਭੀਰ ਰੂਪ ‘ਚ ਜ਼ਖਮੀ ਹੋਏ ਡਰਾਈਵਰ ਪ੍ਰੇਮ ਕੁਮਾਰ ਵਾਸੀ ਬੀਸਾ ਬਜੇਠਾ ਨੂੰ ਮੁੱਢਲਾ ਸਿਹਤ ਕੇਂਦਰ ਲਮਗੜਾ ਲਿਜਾਇਆ ਗਿਆ, ਜਿੱਥੇ ਡਾਕਟਰਾਂ ਨੇ ਜਾਂਚ ਤੋਂ ਬਾਅਦ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ। ਜਦਕਿ ਬਾਕੀ ਜ਼ਖਮੀਆਂ ‘ਚ ਆਸ਼ੀਸ਼ ਕੁਮਾਰ ਪੁੱਤਰ ਰਵਿੰਦਰ ਕੁਮਾਰ ਅਤੇ ਆਰੁਸ਼ ਕੁਮਾਰ ਬੇਸ ਹਸਪਤਾਲ ਅਲਮੋੜਾ ‘ਚ ਜ਼ੇਰੇ ਇਲਾਜ ਹਨ। ਘਟਨਾ ਸਬੰਧੀ ਪਰਿਵਾਰਕ ਮੈਂਬਰਾਂ ਨੂੰ ਸੂਚਨਾ ਦੇਣ ਦੇ ਨਾਲ ਹੀ ਪੁਲਿਸ ਨੇ ਮ੍ਰਿਤਕਾਂ ਦੀਆਂ ਲਾਸ਼ਾਂ ਨੂੰ ਕਬਜ਼ੇ ‘ਚ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤਾ।
ਹਿੰਦੂਸਥਾਨ ਸਮਾਚਾਰ
