Texas, US: ਅਮਰੀਕਾ ਦੇ ਟੈਕਸਾਸ ਵਿੱਚ ਇੱਕ ਭਾਰਤੀ ਮੂਲ ਦੇ ਜੋੜੇ ਅਤੇ ਉਨ੍ਹਾਂ ਦੀ ਧੀ ਦੀ ਇੱਕ ਕਾਰ ਹਾਦਸੇ ਵਿੱਚ ਮੌਤ ਹੋ ਗਈ। ਇਸ ਹਾਦਸੇ ਵਿੱਚ ਦੂਜੀ ਕਾਰ ਵਿੱਚ ਬੈਠੇ ਦੋ ਵਿਅਕਤੀਆਂ ਦੀ ਵੀ ਮੌਤ ਹੋ ਗਈ। ਇਹ ਜਾਣਕਾਰੀ ਇਕ ਰਿਪੋਰਟ ‘ਚ ਦਿੱਤੀ ਗਈ ਹੈ।
ਜਾਣਕਾਰੀ ਮੁਤਾਬਕ ਕਾਰ ਹਾਦਸੇ ‘ਚ ਅਰਵਿੰਦ ਮਨੀ (45), ਉਨ੍ਹਾਂ ਦੀ ਪਤਨੀ ਪ੍ਰਦੀਪਾ ਅਰਵਿੰਦ (40) ਅਤੇ ਉਨ੍ਹਾਂ ਦੀ 17 ਸਾਲਾ ਬੇਟੀ ਐਂਡਰੀਲ ਅਰਵਿੰਦ ਦੀ ਮੌਤ ਹੋ ਗਈ। ਦੱਸਿਆ ਗਿਆ ਹੈ ਕਿ ਇਹ ਲੋਕ ਲਿਏਂਡਰ ਦੇ ਰਹਿਣ ਵਾਲੇ ਸਨ। ਰਿਪੋਰਟ ਮੁਤਾਬਕ ਇਹ ਹਾਦਸਾ ਟੈਕਸਾਸ ਦੀ ਲੈਂਪਾਸਸ ਕਾਊਂਟੀ ਨੇੜੇ ਵਾਪਰਿਆ। ਪਰਿਵਾਰ ਦਾ ਇਕਲੌਤਾ ਮੈਂਬਰ ਬਚਿਆ ਜੋੜੇ ਦਾ 14 ਸਾਲਾ ਪੁੱਤਰ ਐਡਰਿਆਨ ਹੈ। ਹਾਦਸੇ ਸਮੇਂ ਉਹ ਉਨ੍ਹਾਂ ਨਾਲ ਗੱਡੀ ਵਿੱਚ ਨਹੀਂ ਸੀ।
ਟੈਕਸਾਸ ਦੇ ਪਬਲਿਕ ਸੇਫਟੀ ਵਿਭਾਗ ਦੇ ਅਨੁਸਾਰ, ਮਣੀ ਦੀ ਕਾਰ 31 ਸਾਲਾ ਜੈਕਿਨਟੋ ਗੁਡੀਨੋ ਦੁਰਾਨ ਵੱਲੋਂ ਚਲਾਏ ਜਾ ਰਹੇ ਇੱਕ ਹੋਰ ਵਾਹਨ ਨਾਲ ਟਕਰਾ ਗਈ ਅਤੇ ਦੋਵੇਂ ਵਾਹਨ ਆਪਸ ਵਿੱਚ ਆਹੋਮ ਸਾਹਮਣੇ ਤੋਂ ਟਕਰਾ ਗਏ।
ਹਿੰਦੂਸਥਾਨ ਸਮਾਚਾਰ
