Kokrajhar, Assam: ਅਸਾਮ ਦੇ ਕੋਕਰਾਝਾਰ ਜ਼ਿਲ੍ਹੇ ਦੇ ਗੋਸਾਈਗਾਓਂ ਸਬ ਡਿਵੀਜ਼ਨ ਦੇ ਅਧੀਨ ਚੁਗਾਓਂ ਵਿੱਚ ਸੋਮਵਾਰ ਤੜਕੇ ਇੱਕ ਸੜਕ ਹਾਦਸੇ ਵਿੱਚ ਪੰਜ ਬੋਲਬਮ ਕਾਂਵੜ ਤੀਰਥ ਯਾਤਰੀਆਂ ਦੀ ਮੌਤ ਹੋ ਗਈ। ਹਾਦਸੇ ਵਿੱਚ ਇੱਕ ਵਿਅਕਤੀ ਗੰਭੀਰ ਜ਼ਖ਼ਮੀ ਹੋ ਗਿਆ ਹੈ। ਇਨ੍ਹਾਂ ਲੋਕਾਂ ਨੂੰ ਇੱਕ ਵਾਹਨ ਨੇ ਲਪੇਟ ’ਚ ਲੈ ਲਿਆ। ਚਾਰ ਲੋਕਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ ਅਤੇ ਇਕ ਦੀ ਹਸਪਤਾਲ ਲਿਜਾਂਦੇ ਸਮੇਂ ਮੌਤ ਹੋ ਗਈ।
ਇਹ ਹਾਦਸਾ ਗੋਸਾਈਗਾਂਵ ‘ਚ ਕਚੂਗਾਓਂ ਮਹਾਮਾਯਾ ਮੰਦਰ ਦੇ ਸਾਹਮਣੇ ਨੈਸ਼ਨਲ ਹਾਈਵੇ-27 ‘ਤੇ ਵਾਪਰਿਆ। ਇਹ ਲੋਕ ਪੂਜਾ ਅਰਚਨਾ ਕਰਕੇ ਆਪਣੀ ਬੋਲੈਰੋ ਪਿਕਅੱਪ ਵਿੱਚ ਸਵਾਰ ਹੋ ਰਹੇ ਸਨ। ਉਦੋਂ ਇੱਕ ਟਰੱਕ ਟੱਕਰ ਮਾਰ ਕੇ ਫਰਾਰ ਹੋ ਗਿਆ। ਸੂਚਨਾ ਮਿਲਦੇ ਹੀ ਗੋਸਾਈਗਾਂਵ ਉਪ ਮੰਡਲ ਦੇ ਪੁਲਿਸ ਅਧਿਕਾਰੀ ਹੀਰਨ ਕੁਮਾਰ ਡੇਕਾ ਅਤੇ ਕਚੂਗਾਓਂ ਪੁਲਿਸ ਦੇ ਕਰਮਚਾਰੀ ਮੌਕੇ ‘ਤੇ ਪਹੁੰਚ ਗਏ। ਲਾਸ਼ਾਂ ਨੂੰ ਕੋਕਰਾਝਾਰ ਭੇਜ ਦਿੱਤਾ ਗਿਆ ਹੈ। ਪੁਲਿਸ ਨੇ ਜ਼ਖਮੀ ਨੂੰ ਕਚੂਗਾਓਂ ਪ੍ਰਾਇਮਰੀ ਹੈਲਥ ਸੈਂਟਰ ‘ਚ ਦਾਖਲ ਕਰਵਾਇਆ ਹੈ।
ਮ੍ਰਿਤਕਾਂ ਦੀ ਪਛਾਣ ਗੋਸਾਈਗਾਂਵ ਦੇ ਪਿੰਡ ਨੰਬਰ 1 ਹਾਥੀਗੜ ਦੇ ਸੁਕਰਮ ਰਾਏ (20), ਜੈ ਰਾਏ (11), ਬੱਪੀ ਘੋਸ਼ (21), ਵਾਸੂਦੇਵ ਰਾਏ (22) ਅਤੇ ਨਵ ਘੋਸ਼ (26) ਵਜੋਂ ਹੋਈ ਹੈ। ਜ਼ਖਮੀ ਬਿਨਾਨ ਰਾਏ (22) ਨੂੰ ਪੁਲਿਸ ਨੇ ਕਚੂਗਾਓਂ ਫਸਟ ਏਡ ਸੈਂਟਰ ‘ਚ ਦਾਖਲ ਕਰਵਾਇਆ ਹੈ।
ਹਿੰਦੂਸਥਾਨ ਸਮਾਚਾਰ
