Paris Olympics 2024: ਵਿਸ਼ਵ ‘ਚ ਪੰਜਵੇਂ ਸਥਾਨ ‘ਤੇ ਕਾਬਜ਼ ਭਾਰਤੀ ਪੁਰਸ਼ ਹਾਕੀ ਟੀਮ ਮੰਗਲਵਾਰ ਨੂੰ ਚੱਲ ਰਹੇ ਪੈਰਿਸ ਓਲੰਪਿਕ ਦੇ ਸੈਮੀਫਾਈਨਲ ‘ਚ ਚਾਰ ਵਾਰ ਦੀ ਓਲੰਪਿਕ ਸੋਨ ਤਮਗਾ ਜੇਤੂ ਅਤੇ ਮੌਜੂਦਾ ਐੱਫਆਈਐੱਚ ਹਾਕੀ ਵਿਸ਼ਵ ਕੱਪ ਚੈਂਪੀਅਨ ਜਰਮਨੀ ਨਾਲ ਭਿੜੇਗੀ। ਐਤਵਾਰ ਨੂੰ ਕੁਆਰਟਰ ਫਾਈਨਲ ਵਿੱਚ ਚੌਥੀ ਰੈਂਕਿੰਗ ਵਾਲੀ ਜਰਮਨੀ ਦੀ ਸੱਤਵੀਂ ਰੈਂਕਿੰਗ ਵਾਲੀ ਅਰਜਨਟੀਨਾ ਉੱਤੇ 3-2 ਦੀ ਜਿੱਤ ਤੋਂ ਬਾਅਦ ਆਖਰਕਾਰ ਇਹ ਮੁਕਾਬਲਾ ਪੱਕਾ ਹੋ ਗਿਆ ਹੈ।
ਦੂਜੇ ਸੈਮੀਫਾਈਨਲ ‘ਚ ਨੀਦਰਲੈਂਡ ਦਾ ਸਾਹਮਣਾ ਸਪੇਨ ਨਾਲ ਹੋਵੇਗਾ। ਨੀਦਰਲੈਂਡ, ਜੋ ਫਿਲਹਾਲ ਤੀਜ ਰੈਕਿੰਗ ਵਾਲੀ ਟੀਮ ਹੈ ਅਤੇ ਜਿਸ ਕੋਲ ਦੋ ਓਲੰਪਿਕ ਸੋਨ ਤਗਮੇ ਹਨ, ਨੇ ਆਸਟ੍ਰੇਲੀਆ ਨੂੰ 2-0 ਨਾਲ ਹਰਾ ਕੇ ਸੈਮੀਫਾਈਨਲ ਵਿੱਚ ਆਪਣੀ ਥਾਂ ਪੱਕੀ ਕਰ ਲਈ। ਛੇਵਾਂ ਦਰਜਾ ਪ੍ਰਾਪਤ ਆਸਟ੍ਰੇਲੀਆ, ਜੋ ਤਿੰਨ ਵਾਰ ਵਿਸ਼ਵ ਕੱਪ ਜੇਤੂ ਵੀ ਹੈ, ਨੂੰ ਇੱਕ ਗੰਭੀਰ ਝਟਕਾ ਲੱਗਾ ਕਿਉਂਕਿ ਉਸਨੂੰ ਭਾਰਤ ਤੋਂ (1972 ਤੋਂ ਬਾਅਦ ਓਲੰਪਿਕ ਵਿੱਚ ਏਸ਼ੀਆਈ ਦਿੱਗਜਾਂ ਦੇ ਖਿਲਾਫ ਉਸਦੀ ਪਹਿਲੀ ਹਾਰ) ਅਤੇ ਨੀਦਰਲੈਂਡ ਤੋਂ ਲਗਾਤਾਰ ਦੋ ਹਾਰਾਂ ਦਾ ਸਾਹਮਣਾ ਕਰਨਾ ਪਿਆ।
ਸਪੇਨ ਨੇ ਕੁਆਰਟਰ ਫਾਈਨਲ ਵਿੱਚ ਵਿਸ਼ਵ ਦੀ ਨੰਬਰ ਇੱਕ ਅਤੇ ਮੌਜੂਦਾ ਓਲੰਪਿਕ ਚੈਂਪੀਅਨ ਬੈਲਜੀਅਮ ਨੂੰ 3-2 ਨਾਲ ਹਰਾ ਕੇ ਸੈਮੀਫਾਈਨਲ ਵਿੱਚ ਆਪਣੀ ਥਾਂ ਪੱਕੀ ਕਰ ਲਈ। ਹਰਮਨਪ੍ਰੀਤ ਸਿੰਘ ਦੀ ਅਗਵਾਈ ਵਾਲੀ ਭਾਰਤੀ ਪੁਰਸ਼ ਹਾਕੀ ਟੀਮ ਨੇ ਐਤਵਾਰ ਨੂੰ ਪੈਰਿਸ ਓਲੰਪਿਕ ਦੇ ਰੋਮਾਂਚਕ ਕੁਆਰਟਰ ਫਾਈਨਲ ਮੈਚ ਵਿੱਚ ਗ੍ਰੇਟ ਬ੍ਰਿਟੇਨ ਨੂੰ ਹਰਾ ਕੇ ਸੈਮੀਫਾਈਨਲ ਵਿੱਚ ਪ੍ਰਵੇਸ਼ ਕੀਤਾ।
ਨਿਯਮਿਤ ਸਮੇਂ ਤੋਂ ਬਾਅਦ ਸਕੋਰ 1-1 ਨਾਲ ਬਰਾਬਰ ਰਿਹਾ, ਇਸ ਲਈ ਭਾਰਤ ਨੇ ਸ਼ੂਟਆਊਟ 4-2 ਨਾਲ ਜਿੱਤ ਕੇ ਸੈਮੀਫਾਈਨਲ ਵਿੱਚ ਥਾਂ ਬਣਾਈ। ਵਰਤਮਾਨ ਵਿੱਚ, ਭਾਰਤੀ ਦਲ ਨੇ ਪੈਰਿਸ ਓਲੰਪਿਕ ਵਿੱਚ ਤਿੰਨ ਕਾਂਸੀ ਦੇ ਤਗਮੇ ਜਿੱਤੇ ਹਨ ਅਤੇ ਇਹ ਸਾਰੇ ਨਿਸ਼ਾਨੇਬਾਜ਼ੀ ਵਿੱਚ ਆਏ ਹਨ।
ਹਿੰਦੂਸਥਾਨ ਸਮਾਚਾਰ
