Patna News: ਬਿਹਾਰ ਦੇ ਬੇਗੂਸਰਾਏ ਜ਼ਿਲ੍ਹੇ ਦੇ ਬੀਹਟ ਪਿੰਡ ਦੇ ਰਤਨਾ ਚੌਕ ਨੇੜੇ ਮੰਗਲਵਾਰ ਸਵੇਰੇ ਵਾਪਰੇ ਇੱਕ ਸੜਕ ਹਾਦਸੇ ਵਿੱਚ ਪੰਜ ਲੋਕਾਂ ਦੀ ਮੌਤ ਹੋ ਗਈ ਅਤੇ ਤਿੰਨ ਹੋਰ ਜ਼ਖ਼ਮੀ ਹੋ ਗਏ। ਜ਼ਖ਼ਮੀਆਂ ਵਿੱਚੋਂ ਦੋ ਦੀ ਹਾਲਤ ਨਾਜ਼ੁਕ ਬਣੀ ਹੋਈ ਹੈ। ਇਹ ਹਾਦਸਾ ਕਾਰ ਅਤੇ ਆਟੋ ਦੀ ਟੱਕਰ ਕਾਰਨ ਵਾਪਰਿਆ।
ਟੱਕਰ ਇੰਨੀ ਜ਼ਬਰਦਸਤ ਸੀ ਕਿ ਆਟੋ ‘ਚ ਸਵਾਰ 11 ਲੋਕਾਂ ‘ਚੋਂ 5 ਦੀ ਮੌਤ ਹੋ ਗਈ। ਕਾਰ ਵਿੱਚ ਸਵਾਰ ਤਿੰਨ ਵਿਅਕਤੀ ਜ਼ਖ਼ਮੀ ਹੋ ਗਏ। ਪੁਲਿਸ ਮੁਤਾਬਕ ਪੰਜ ਲੋਕ ਆਟੋ ਰਾਹੀਂ ਹਾਥੀਦਾਹ ਜੰਕਸ਼ਨ ਤੋਂ ਬੇਗੂਸਰਾਏ ਲਈ ਰਵਾਨਾ ਹੋਏ ਸਨ। ਨੈਸ਼ਨਲ ਹਾਈਵੇਅ ਮਾਰਗ-31 ਚਾਰ ਮਾਰਗੀ ‘ਤੇ ਬੀਹਟ ਰਤਨ ਚੌਕ ਨੇੜੇ ਸਵੇਰੇ 5.30 ਵਜੇ ਕਾਰ ਅਤੇ ਆਟੋ ਵਿਚਾਲੇ ਇਹ ਟੱਕਰ ਹੋਈ। ਆਟੋ ‘ਚ ਸਵਾਰ ਦੂਜੇ ਯਾਤਰੀ ਬਬੂਲ ਨੇ ਦੱਸਿਆ ਕਿ ਆਟੋ ਨੂੰ ਚਿੱਟੇ ਰੰਗ ਦੀ ਕਾਰ ਨੇ ਟੱਕਰ ਮਾਰ ਦਿੱਤੀ। ਅਸੀਂ ਮੂਹਰਲੀ ਸੀਟ ‘ਤੇ ਬੈਠੇ ਸੀ। ਦਿੱਲੀ ਤੋਂ ਰੇਲ ਗੱਡੀ ਰਾਹੀਂ ਆਏ ਸੀ। ਅਸੀਂ ਉਨ੍ਹਾਂ ਵਿੱਚੋਂ ਕਿਸੇ ਨੂੰ ਵੀ ਨਹੀਂ ਪਛਾਣਦੇ।
ਅੰਤ
ਹਿੰਦੂਸਥਾਨ ਸਮਾਚਾਰ
