ਖਰੜ ਵਿਖੇ 16 ਜੁਲਾਈ ਨੂੰ ਲੱਗੇਗਾ ਉਲਾਸ ਮੇਲਾ
Ullas Mela News: ਪੰਜਾਬ ਦੀ ਰਾਜ ਵਿੱਦਿਅਕ ਖੋਜ ਅਤੇ ਸਿਖਲਾਈ ਪਰਿਸ਼ਦ ਵੱਲੋਂ ਇੱਕ ਰੋਜ਼ਾ ਉਲਾਸ ਮੇਲਾ 16 ਜੁਲਾਈ ਨੂੰ ਖਰੜ ਵਿਖੇ ਲਗਾਇਆ ਜਾ ਰਿਹਾ ਹੈ। ਉਲਾਸ ਪ੍ਰੋਗਰਾਮ ਪੰਜਾਬ ਦੇ ਕੋਆਰਡੀਨੇਟਰ ਸੁਰਿੰਦਰ ਕੁਮਾਰ ਅਰੋੜਾ ਤੇ ਸਹਾਇਕ ਰਮਕੀਤ ਕੌਰ ਨੇ ਦੱਸਿਆ ਕਿ ਖਰੜ ਨੇੜੇ ਰਿਆਤ ਬਾਹਰਾ ਯੂਨਿਵਰਸਿਟੀ ਵਿਖੇ ਲੱਗਣ ਵਾਲੇ ਇਸ ਇੱਕ ਰੋਜ਼ਾ ਮੇਲੇ ਵਿੱਚ ਪੰਜਾਬ ਦੀਆਂ ਵੱਖ-ਵੱਖ ਜ਼ਿਲ੍ਹਾ ਸਿੱਖਿਆ ਅਤੇ ਸਿਖਲਾਈ ਸੰਸਥਾਂਵਾਂ ਤੋੱ ਅਧਿਆਪਕ, ਸਿੱਖਿਆਰਥੀ, ਵਲੰਟੀਅਰ ਟੀਚਰ ਅਤੇ ਨਵ-ਸਾਖਰ ਭਾਗ ਲੈਣਗੇ।
ਉਹਨਾਂ ਦੱਸਿਆ ਕਿ ਮੇਲੇ ਵਿੱਚ ਪਿਛਲੇ ਸਮੇੱ ਦੌਰਾਨ ਸਿੱਖਿਅਤ ਹੋਏ ਨਵ-ਸਾਖਰ ਅਤੇ ਵਲੰਟੀਅਰ ਅਧਿਆਪਕ ਅਪਣੇ ਤਜ਼ਰਬੇ ਸਾਂਝੇ ਕਰਨਗੇ ਤਾਂ ਜੋ ਇਹਨਾਂ ਤਜ਼ਰਬਿਆਂ ਦਾ ਲਾਭ ਹੋਰਨਾਂ ਗੈਰ ਸਾਖਰਾਂ ਨੂੰ ਵੀ ਹੋ ਸਕੇ। ਇਸਦੇ ਨਾਲ ਹੀ ਵੱਖ-ਵੱਖ ਡਾਇਟਾਂ ਵੱਲੋਂ ਆਪਣੀਆਂ ਸਟਾਲਾਂ ਲਗਾਕੇ ਇਸ ਪ੍ਰੋਗ੍ਰਾਮ ਤਹਿਤ ਕੀਤੀਆਂ ਗਈਆਂ ਗਤੀਵਿਧੀਆਂ ਨੂੰ ਦਰਸਾਇਆ ਜਾਵੇਗਾ। ਮੇਲੇ ’ਚ ਸੱਭਿਆਚਾਰਕ ਪ੍ਰੋਗਰਾਮ ਤੋਂ ਬਿਨਾਂ ਪੈਨਲ ਡਿਸਕਸ਼ਨ ਵੀ ਹੋਵੇਗੀ ਅਤੇ ਡਾਇਟਾਂ ਵੱਲੋਂ ਆਪਣੇ ਪੱਧਰ ਤੇ ਉਲਾਸ ਪ੍ਰੋਗਰਾਮ ਸਬੰਧੀ ਅਪਨਾਈ ਗਈ ਗਤਿਵਿਧੀ ਨੂੰ ਦਰਸਾਇਆ ਜਾਵੇਗਾ।
ਹਿੰਦੂਸਥਾਨ ਸਮਾਚਾਰ
