Mumbai News: ਬਾਲੀਵੁੱਡ ਸੁਪਰਸਟਾਰ ਆਲੀਆ ਭੱਟ ਆਦਿਤਿਆ ਚੋਪੜਾ ਵਾਈਆਰਐੱਫ ਸਪਾਈ ਯੂਨੀਵਰਸ ਦੀ ਪਹਿਲੀ ਫੀਮੇਲ ਲੀਡ ਭੂਮਿਕਾ ਨਿਭਾ ਰਹੀ ਹੈ। ਉਸਦੇ ਨਾਲ ਇੰਡਸਟਰੀ ਦੀ ਉੱਭਰਦੀ ਸਟਾਰ ਅਤੇ ਵਾਈਆਰਐੱਫ ਦੀ ਘਰੇਲੂ ਪ੍ਰਤਿਭਾ ਸ਼ਰਵਰੀ ਵੀ ਇਸ ਫਿਲਮ ਵਿੱਚ ਸ਼ਾਮਲ ਹੋਵੇਗੀ। ਦੋਵੇਂ ਸਪਾਈ ਯੂਨੀਵਰਸ ਦੀਆਂ ਵਿੱਚ ਸੁਪਰ-ਏਜੰਟ ਦੀਆਂ ਭੂਮਿਕਾ ਨਿਭਾਉਣਗੀਆਂ ਅਤੇ ਇਹ ਸਪੱਸ਼ਟ ਹੈ ਕਿ ਆਦਿਤਿਆ ਚੋਪੜਾ ਉਨ੍ਹਾਂ ਨੂੰ ਆਪਣੇ ਸਮੂਹ ਦੀਆਂ ਅਲਫਾ ਗਰਲਜ਼ ਵਜੋਂ ਪੇਸ਼ ਕਰ ਰਹੇ ਹਨ।
ਅੱਜ ਵਾਈਆਰਐੱਫ, ਆਲੀਆ ਅਤੇ ਸ਼ਰਵਰੀ ਨੇ ਫਿਲਮ ਦੇ ਨਾਮ ਦਾ ਖੁਲਾਸਾ ਕੀਤਾ – ‘ਅਲਫਾ’ – ਜੋ ਇੱਕ ਤਰ੍ਹਾਂ ਨਾਲ ਇਹ ਸਪੱਸ਼ਟ ਕਰਦਾ ਹੈ ਕਿ ਇਹ ਅਭਿਨੇਤਰੀਆਂ ਵੱਡੇ ਪਰਦੇ ‘ਤੇ ਦਸਤਕ ਦੇਣ ਜਾ ਰਹੀਆਂ ਹਨ। ਵਾਈਆਰਐੱਫ ਨੇ ਇਹ ਕਦਮ ਇਸ ਗਲਤ ਧਾਰਨਾ ਨੂੰ ਤੋੜਨ ਲਈ ਚੁੱਕਿਆ ਹੈ ਕਿ ਸਿਰਫ਼ ਮਰਦ ਹੀ ਅਲਫ਼ਾ ਹੋ ਸਕਦੇ ਹਨ।
ਵੀਡੀਓ ‘ਚ ਆਲੀਆ ਭੱਟ ਕਹਿੰਦੀ ਹੈ, ”ਗ੍ਰੀਕ ਅਲਫ਼ਾਬੈੱਟ ਦਾ ਸਭ ਤੋਂ ਪਹਿਲਾ ਅੱਖਰ ਅਤੇ ਸਾਡੇ ਪ੍ਰੋਗਰਾਮ ਦਾ ਮਾਟੋ… ਸਭ ਤੋਂ ਪਹਿਲਾਂ, ਸਭ ਤੋਂ ਤੇਜ਼, ਸਭ ਤੋਂ ਬਹਾਦਰ। ਧਿਆਨ ਨਾਲ ਦੇਖੋ ਤਾਂ ਹਰ ਸ਼ਹਿਰ ‘ਚ ਇੱਕ ਜੰਗਲ ਹੈ ਅਤੇ ਜੰਗਲ ’ਚ ਹਮੇਸ਼ਾ ਰਾਜ ਕਰੇਗਾ ਅਲਫਾ!”
ਆਦਿਤਿਆ ਚੋਪੜਾ ਵਾਈਆਰਐੱਫ ਸਪਾਈ ਯੂਨੀਵਰਸ ਦੀ ਫੀਮੇਲ ਲੀਡ ਐਕਸ਼ਨ ਨਾਲ ਭਰਪੂਰ ਬਣਾਉਣ ਵਿੱਚ ਕੋਈ ਕਸਰ ਨਹੀਂ ਛੱਡ ਰਹੀ ਹੈ। ‘ਅਲਫ਼ਾ’ ਦਾ ਨਿਰਦੇਸ਼ਨ ਸ਼ਿਵ ਰਾਵਲ ਕਰ ਰਹੇ ਹਨ, ਜਿਨ੍ਹਾਂ ਨੇ ਵਾਈਆਰਐੱਫ ਵਲੋਂ ਨਿਰਮਿਤ ਬਲਾਕਬਸਟਰ ਗਲੋਬਲ ਸਟ੍ਰੀਮਿੰਗ ਸੀਰੀਜ਼ ‘ਦਿ ਰੇਲਵੇ ਮੈਨ’ ਦਾ ਨਿਰਦੇਸ਼ਨ ਵੀ ਕੀਤਾ ਹੈ।
ਨਿਰਮਾਤਾ ਆਦਿਤਿਆ ਚੋਪੜਾ ਦੁਆਰਾ ਨਿਰਮਿਤ ਵਾਈਆਰਐੱਫ ਸਪਾਈ ਯੂਨੀਵਰਸ ਅੱਜ ਭਾਰਤੀ ਸਿਨੇਮਾ ਦਾ ਸਭ ਤੋਂ ਵੱਡਾ ਆਈਪੀ ਬਣ ਗਿਆ ਹੈ। ਇਸ ਸਪਾਈ ਯੂਨੀਵਰਸ ਦੀਆਂ ਸਾਰੀਆਂ ਫਿਲਮਾਂ – ‘ਏਕ ਥਾ ਟਾਈਗਰ’, ‘ਟਾਈਗਰ ਜ਼ਿੰਦਾ ਹੈ,’ ‘ਵਾਰ,’ ‘ਪਠਾਨ,’ ‘ਟਾਈਗਰ 3’ – ਬਲਾਕਬਸਟਰ ਸਾਬਤ ਹੋਈਆਂ ਹਨ। ਆਲੀਆ-ਸ਼ਰਵਰੀ ਦੀ ‘ਅਲਫ਼ਾ’ ਆਦਿਤਿਆ ਚੋਪੜਾ ਦੀ ਅਗਲੀ ਵੱਡੀ ਪੇਸ਼ਕਸ਼ ਹੈ, ਜੋ ਇਸ ਸਮੇਂ ‘ਵਾਰ 2’ ਵੀ ਬਣਾ ਰਹੇ ਹਨ, ਜਿਸ ਵਿੱਚ ਰਿਤਿਕ ਰੋਸ਼ਨ ਅਤੇ ਜੂਨੀਅਰ ਐਨਟੀਆਰ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਇਸ ਮਸ਼ਹੂਰ ਬਲਾਕਬਸਟਰ ਯੂਨੀਵਰਸ ਦੀ ਅਗਲੀ ਫਿਲਮ ‘ਪਠਾਨ 2’ ਹੋਵੇਗੀ, ਜਿਸ ਤੋਂ ਬਾਅਦ ‘ਟਾਈਗਰ vs ਪਠਾਨ’ ਆਵੇਗੀ।
ਹਿੰਦੂਸਥਾਨ ਸਮਾਚਾਰ
