Mumbai: ਬਾਲੀਵੁੱਡ ਅਦਾਕਾਰਾ ਸੋਨਾਕਸ਼ੀ ਸਿਨਹਾ ਅਤੇ ਜ਼ਹੀਰ ਇਕਬਾਲ ਦਾ ਵਿਆਹ 23 ਜੂਨ ਐਤਵਾਰ ਨੂੰ ਪਰਿਵਾਰਕ ਮੈਂਬਰਾਂ ਅਤੇ ਕੁਝ ਰਿਸ਼ਤੇਦਾਰਾਂ ਦੀ ਮੌਜੂਦਗੀ ਵਿੱਚ ਹੋਇਆ ਹੈ। ਵਿਆਹ ਤੋਂ ਬਾਅਦ ਮੁੰਬਈ ‘ਚ ਵਿਆਹ ਦੀ ਰਿਸੈਪਸ਼ਨ ਰੱਖੀ ਗਈ ਸੀ। ਉਨ੍ਹਾਂ ਦੇ ਵਿਆਹ ਦੀ ਰਿਸੈਪਸ਼ਨ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਵੀ ਵਾਇਰਲ ਹੋਈਆਂ ਸਨ। ਜ਼ਹੀਰ ਨੇ ਆਪਣੀ ਪਤਨੀ ਸੋਨਾਕਸ਼ੀ ਨੂੰ ਲਗਜ਼ਰੀ ਕਾਰ ਬੀਐੱਮਡਬਲਯੂ ਗਿਫਟ ਕੀਤੀ।
ਸੋਨਾਕਸ਼ੀ ਅਤੇ ਜ਼ਹੀਰ ਦੇ ਵਿਆਹ ‘ਚ ਬਾਲੀਵੁੱਡ ਹਸਤੀਆਂ ਨੇ ਵੀ ਸ਼ਿਰਕਤ ਕੀਤੀ। ਵਿਆਹ ‘ਚ ਸੋਨਾਕਸ਼ੀ ਨੇ ਸਿੰਪਲ ਲੁੱਕ ‘ਚ ਆਪਣੀ ਮਾਂ ਦੀ 44 ਸਾਲ ਪੁਰਾਣੀ ਸਾੜ੍ਹੀ ਪਹਿਨੀ ਸੀ। ਜ਼ਹੀਰ ਨੇ ਵੀ ਕੁੜਤਾ ਪਾਇਆ ਹੋਇਆ ਸੀ। ਹਾਲਾਂਕਿ ਵਿਆਹ ਦੀ ਰਿਸੈਪਸ਼ਨ ‘ਚ ਸੋਨਾਕਸ਼ੀ ਨੇ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ। ਬਾਲੀਵੁੱਡ ਅਭਿਨੇਤਰੀਆਂ ਦੇ ਫਿੱਕੇ ਰੰਗ ਅਤੇ ਰਿੱਚ ਲਹਿੰਗੇ ਦੇ ਰੁਝਾਨ ਨੂੰ ਬਦਲਦੇ ਹੋਏ, ਦੁਲਹਨ ਸੋਨਾਕਸ਼ੀ ਨੇ ਲਾਲ ਰੰਗ ਨੂੰ ਚੁਣਿਆ।
ਵਿਆਹ ਤੋਂ ਬਾਅਦ ਸੋਨਾਕਸ਼ੀ ਦਾ ਉਸਦੇ ਸਹੁਰਿਆਂ ਨੇ ਸਵਾਗਤ ਕੀਤਾ ਅਤੇ ਜ਼ਹੀਰ ਨੇ ਵੀ ਆਪਣੀ ਪਤਨੀ ਸੋਨਾਕਸ਼ੀ ਨੂੰ ਖਾਸ ਤੋਹਫਾ ਦਿੱਤਾ। ਜ਼ਹੀਰ ਨੇ ਸੋਨਾਕਸ਼ੀ ਨੂੰ ਲਗਜ਼ਰੀ ਕਾਰ ਬੀਐੱਮਡਬਲਯੂ ਆਈ ਸੈਵਨ ਗਿਫਟ ਕੀਤੀ। ਇਸ ਕਾਰ ਦੀ ਕੀਮਤ ਕਰੀਬ 2 ਕਰੋੜ ਰੁਪਏ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਜ਼ਹੀਰ ਦੀ ਨੈੱਟਵਰਥ ਵੀ ਇੰਨੀ ਹੀ ਹੈ।
ਸੋਨਾਕਸ਼ੀ ਅਤੇ ਜ਼ਹੀਰ ਪਿਛਲੇ ਸੱਤ ਸਾਲਾਂ ਤੋਂ ਰਿਲੇਸ਼ਨਸ਼ਿਪ ਵਿੱਚ ਹਨ। ਹੁਣ ਉਨ੍ਹਾਂ ਨੇ ਵਿਆਹ ਕਰ ਕੇ ਸਾਰੀ ਉਮਰ ਇਕੱਠੇ ਰਹਿਣ ਦਾ ਫੈਸਲਾ ਕੀਤਾ ਹੈ। ਸੋਨਾਕਸ਼ੀ ਵਾਂਗ ਜ਼ਹੀਰ ਵੀ ਐਕਟਿੰਗ ਦੇ ਖੇਤਰ ‘ਚ ਕੰਮ ਕਰ ਰਹੇ ਹਨ। ਐਕਟਿੰਗ ਦੇ ਨਾਲ-ਨਾਲ ਉਹ ਮਾਡਲਿੰਗ ਵੀ ਕਰਦੇ ਹਨ। ਸੋਨਾਕਸ਼ੀ ਅਤੇ ਜ਼ਹੀਰ ਨੇ ਫਿਲਮ ਡਬਲ ਐਕਸਐਲ ਵਿੱਚ ਇਕੱਠੇ ਕੰਮ ਕੀਤਾ ਸੀ। ਜ਼ਹੀਰ ਦੇ ਪਿਤਾ ਇੱਕ ਕਾਰੋਬਾਰੀ ਹਨ ਅਤੇ ਉਨ੍ਹਾਂ ਦੇ ਸਲਮਾਨ ਖਾਨ ਨਾਲ ਵੀ ਦੋਸਤਾਨਾ ਸਬੰਧ ਹਨ।
ਹਿੰਦੂਸਥਾਨ ਸਮਾਚਾਰ
