Imphal: ਮਣੀਪੁਰ ਵਿੱਚ ਹਥਿਆਰ ਅਤੇ ਗੋਲਾ-ਬਾਰੂਦ ਦੀ ਬਰਾਮਦਗੀ ਦੀ ਪ੍ਰਕਿਰਿਆ ਜਾਰੀ ਹੈ। ਇਸ ਸਬੰਧ ਵਿਚ ਸਾਂਝੇ ਸੁਰੱਖਿਆ ਬਲਾਂ ਦੀ ਕਾਰਵਾਈ ਵਿਚ ਭਾਰੀ ਮਾਤਰਾ ਵਿਚ ਹਥਿਆਰ ਅਤੇ ਗੋਲਾ-ਬਾਰੂਦ ਬਰਾਮਦ ਕੀਤਾ ਗਿਆ ਹੈ।
ਮਣੀਪੁਰ ਪੁਲਿਸ ਨੇ ਅੱਜ ਦੱਸਿਆ ਕਿ ਪਹਾੜੀ ਅਤੇ ਘਾਟੀ ਜ਼ਿਲ੍ਹਿਆਂ ਦੇ ਸਰਹੱਦੀ ਅਤੇ ਸੰਵੇਦਨਸ਼ੀਲ ਖੇਤਰਾਂ ਵਿੱਚ ਸੁਰੱਖਿਆ ਬਲਾਂ ਵੱਲੋਂ ਤਲਾਸ਼ੀ ਮੁਹਿੰਮ ਅਤੇ ਖੇਤਰ ਦਾ ਦਬਦਬਾ ਚਲਾਇਆ ਗਿਆ।
ਤਲਾਸ਼ੀ ਮੁਹਿੰਮ ਦੌਰਾਨ ਕਾਕਚਿੰਗ ਜ਼ਿਲ੍ਹੇ ਦੇ ਖੋਇਦੁਮ ਮਮਾਂਗ ਲੋਈਕਾਈ ਖੇਤਰ ਵਿਚੋਂ ਇੱਕ ਦੇਸੀ ਪਿਸਤੌਲ, ਬਿਨਾਂ ਡੈਟੋਨੇਟਰ ਦੇ ਚਾਰ 36 ਐੱਮਐੱਮਕੇਆਈ ਹੈਂਡ ਗ੍ਰੇਨੇਡ , ਇੱਕ ਚੀਨੀ ਹੈਂਡ ਗ੍ਰੇਨੇਡ, ਪੰਜ ਟਿਊਬ ਲਾਂਚਰ, 10 ਜ਼ਿੰਦਾ ਰਾਉਂਡ ਅਤੇ ਮੈਗਜ਼ੀਨ ਦੇ ਨਾਲ ਇੱਕ ਕਾਰਬਾਈਨ, ਅੱਠ ਟਿਯਰ ਸਮੋਕ ਸ਼ੈੱਲ, ਇੱਕ ਸਮੋਕ ਗ੍ਰੇਨੇਡ ਅਤੇ ਚਾਰਜ਼ਰ ਦੇ ਨਾਲ ਇੱਕ ਬਾਓਫੇਂਗ ਵਾਇਰਲੈੱਸ ਸੈੱਟ ਬਰਾਮਦ ਕੀਤਾ ਗਿਆ।
ਜ਼ਿਕਰਯੋਗ ਹੈ ਕਿ ਸੁਰੱਖਿਆ ਬਲਾਂ ਵੱਲੋਂ ਸੂਬੇ ਭਰ ਵਿੱਚ ਛਾਪੇਮਾਰੀ ਅਭਿਆਨ ਚਲਾਇਆ ਜਾ ਰਿਹਾ ਹੈ।
ਹਿੰਦੂਸਥਾਨ ਸਮਾਚਾਰ
