Chhatisgarh: ਛੱਤੀਸਗੜ੍ਹ ਦੇ ਨਾਰਾਇਣਪੁਰ ਜ਼ਿਲ੍ਹੇ ਦੇ ਅਬੂਝਮਾੜ ਵਿੱਚ ਨਕਸਲੀਆਂ ਨੇ ਛੋਟੇਡੋਂਗਰ ਥਾਣੇ ਤੋਂ ਚਾਰ ਕਿਲੋਮੀਟਰ ਦੂਰ ਚਮੇਲੀ ਪਿੰਡ ਅਤੇ ਗੌਵਰਦੰਡ ਵਿੱਚ ਬੀਐਸਐਨਐਲ ਦੇ ਦੋ ਟਾਵਰਾਂ ਨੂੰ ਸਾੜ ਦਿੱਤਾ ਅਤੇ ਨਾਲ ਹੀ ਕਈ ਪਰਚੇ ਵੀ ਸੁੱਟੇ। ਇਨ੍ਹਾਂ ‘ਚ ਪਦਮਸ਼੍ਰੀ ਵੈਦਿਆਰਾਜ ਹੇਮਚੰਦਰ ਮਾਂਝੀ ਨੂੰ ਆਮਦਈ ਖਾਨ ਦਾ ਦਲਾਲ ਦੱਸਿਆ ਗਿਆ ਹੈ ਅਤੇ ਦੇਸ਼ ‘ਚੋਂ ਕੱਢਣ ਮਾਰਨ ਦੀ ਧਮਕੀ ਦਿੱਤੀ ਗਈ ਹੈ। ਪੁਲਿਸ ਸੁਪਰਡੈਂਟ ਪ੍ਰਭਾਤ ਕੁਮਾਰ ਨੇ ਇਸਦੀ ਪੁਸ਼ਟੀ ਕੀਤੀ ਹੈ।
ਪੁਲਿਸ ਸੁਪਰਡੈਂਟ ਨੇ ਦੱਸਿਆ ਕਿ ਰਾਤ ਕਰੀਬ 12 ਵਜੇ ਨਕਸਲੀਆਂ ਨੇ ਛੋਟੇਡੋਂਗਰ ਥਾਣੇ ਦੇ ਪਿੰਡ ਗੌਰਦੰਡ ਅਤੇ ਪਿੰਡ ਚਮੇਲੀ ਵਿੱਚ ਮੋਬਾਈਲ ਟਾਵਰ ਨੂੰ ਅੱਗ ਲਗਾ ਦਿੱਤੀ। ਇਲਾਕੇ ‘ਚ ਜ਼ਿਲ੍ਹਾ ਪੁਲਿਸ ਬਲ ਅਤੇ ਹਥਿਆਰਬੰਦ ਬਲਾਂ ਦਾ ਸਰਚ ਆਪਰੇਸ਼ਨ ਜਾਰੀ ਹੈ। ਅੱਗ ਲਾਉਣ ਤੋਂ ਬਾਅਦ ਨਕਸਲੀਆਂ ਨੇ ਕਈ ਪਰਚੇ ਵੀ ਸੁੱਟੇ।
ਇਨ੍ਹਾਂ ‘ਚ ਮਾਂਝੀ ਨੂੰ ਆਮਦਈ ਖਾਨ ਦਾ ਦਲਾਲ ਦੱਸਦੇ ਹੋਏ ਦੇਸ਼ ‘ਚੋਂ ਮਾਰ ਕੁੱਢਣ ਦੀ ਗੱਲ ਲਿਖੀ ਹੈ। ਜ਼ਿਕਰਯੋਗ ਹੈ ਕਿ ਨਕਸਲੀ ਪਦਮਸ਼੍ਰੀ ਹੇਮਚੰਦਰ ਮਾਂਝੀ ਦੇ ਭਤੀਜੇ ਕੋਮਲ ਮਾਂਝੀ ਦੀ ਹੱਤਿਆ ਕਰ ਚੁੱਕੇ ਹਨ। ਵੈਦਿਆਰਾਜ ਹੇਮਚੰਦਰ ਮਾਂਝੀ ਜੰਗਲੀ ਜੜੀ ਬੂਟੀਆਂ ਨਾਲ ਰਵਾਇਤੀ ਤਰੀਕਿਆਂ ਨਾਲ ਇਲਾਜ ਕਰਦੇ ਹਨ।
ਹਿੰਦੂਸਥਾਨ ਸਮਾਚਾਰ
