Chhatisgarh: ਛੱਤੀਸਗੜ੍ਹ ਦੇ ਨਕਸਲ ਪ੍ਰਭਾਵਿਤ ਨਰਾਇਣਪੁਰ ਜ਼ਿਲ੍ਹੇ ਦੀ ਹੱਦ ‘ਤੇ ਅਬੂਝਮਾੜ ਇਲਾਕੇ ‘ਚ ਬਸਤਰ ਦੇ ਲੜਾਕਿਆਂ ਅਤੇ ਐੱਸਟੀਐੱਫ ਦੇ ਜਵਾਨਾਂ ਦੀ ਨਕਸਲੀਆਂ ਨਾਲ ਮੁੱਠਭੇੜ ਹੋਣ ਦੀ ਖ਼ਬਰ ਹੈ। ਮੌਕੇ ‘ਤੇ ਰੁਕ-ਰੁਕ ਕੇ ਗੋਲੀਬਾਰੀ ਹੋ ਰਹੀ ਹੈ। ਨਾਰਾਇਣਪੁਰ ਦੇ ਐਸਪੀ ਪ੍ਰਭਾਤ ਕੁਮਾਰ ਨੇ ਮੁਕਾਬਲੇ ਦੀ ਪੁਸ਼ਟੀ ਕੀਤੀ ਹੈ।
ਪੁਲਿਸ ਨੂੰ ਸੂਚਨਾ ਮਿਲੀ ਸੀ ਕਿ ਵੱਡੇ ਕੱਟੜ ਨਕਸਲੀ ਅਬੂਝਮਾੜ ਇਲਾਕੇ ਦੇ ਰੇਕਾਵਾਯਾ ਇਲਾਕੇ ‘ਚ ਮੀਟਿੰਗ ਕਰ ਰਹੇ ਹਨ। ਸੂਚਨਾ ਮਿਲਦੇ ਹੀ ਬੀਜਾਪੁਰ, ਦਾਂਤੇਵਾੜਾ ਅਤੇ ਨਰਾਇਣਪੁਰ ਜ਼ਿਲ੍ਹਿਆਂ ਦੀ ਹੱਦ ‘ਤੇ ਤਿੰਨ ਜ਼ਿਲ੍ਹਿਆਂ ਦੇ ਇੱਕ ਹਜ਼ਾਰ ਤੋਂ ਵੱਧ ਸੈਨਿਕ ਆਪਰੇਸ਼ਨ ਲਈ ਰਵਾਨਾ ਹੋਏ।
ਅਬੂਝਮਾੜ ਇਲਾਕੇ ‘ਚ ਤਲਾਸ਼ੀ ਮੁਹਿੰਮ ਦੌਰਾਨ ਸੰਯੁਕਤ ਫੋਰਸ ਅਤੇ ਨਕਸਲੀਆਂ ਵਿਚਾਲੇ ਮੁੱਠਭੇੜ ਹੋਈ। ਇਸ ਸੰਯੁਕਤ ਟੀਮ ਵਿੱਚ ਦਾਂਤੇਵਾੜਾ ਅਤੇ ਬਸਤਰ ਦੇ ਡੀਆਰਜੀ, ਬਸਤਰ ਦੇ ਲੜਾਕੇ ਅਤੇ ਐਸਟੀਐਫ ਦੇ ਜਵਾਨ ਸ਼ਾਮਲ ਹਨ, ਜੋ ਨਕਸਲੀਆਂ ਨੂੰ ਢੁੱਕਵਾਂ ਜਵਾਬ ਦੇ ਰਹੇ ਹਨ। ਦੋਵਾਂ ਪਾਸਿਆਂ ਤੋਂ ਰੁਕ-ਰੁਕ ਕੇ ਗੋਲੀਬਾਰੀ ਜਾਰੀ ਹੈ। ਪੁਲਿਸ ਦਾ ਦਾਅਵਾ ਹੈ ਕਿ ਕੁਝ ਨਕਸਲੀਆਂ ਨੂੰ ਗੋਲੀ ਲੱਗੀ ਹੈ।
ਪੁਲਿਸ ਸੁਪਰਡੈਂਟ ਪ੍ਰਭਾਤ ਕੁਮਾਰ ਨੇ ਕਿਹਾ ਹੈ ਕਿ ਜਵਾਨਾਂ ਦੇ ਵਾਪਸ ਆਉਣ ਤੋਂ ਬਾਅਦ ਸਥਿਤੀ ਸਪੱਸ਼ਟ ਹੋਵੇਗੀ।
ਹਿੰਦੂਸਥਾਨ ਸਮਾਚਾਰ
