Maharashtra: ਅਹਿਮਦਨਗਰ ਜ਼ਿਲ੍ਹੇ ’ਚ ਅਕੋਲੇ ਤਹਿਸੀਲ ਦੇ ਸੁਗਾਓਂ ਪਿੰਡ ਨੇੜੇ ਵੀਰਵਾਰ ਸਵੇਰੇ ਪ੍ਰਵਰਾ ਨਦੀ ਵਿੱਚ ਐਸਡੀਆਰਐਫ ਟੀਮ ਦੀ ਕਿਸ਼ਤੀ ਪਲਟ ਗਈ। ਜਿਸ ਕਾਰਨ ਐਸਡੀਆਰਐਫ ਦੇ 03 ਜਵਾਨਾਂ ਦੀ ਡੁੱਬਣ ਨਾਲ ਮੌਤ ਹੋ ਗਈ। ਕਿਸ਼ਤੀ ਵਿੱਚ ਸਵਾਰ ਇੱਕ ਸੈਨਿਕ ਅਤੇ ਇੱਕ ਸਥਾਨਕ ਨਾਗਰਿਕ ਲਾਪਤਾ ਹਨ। ਗੋਤਾਖੋਰ ਦੋਵਾਂ ਦੀ ਭਾਲ ਕਰ ਰਹੇ ਹਨ।
ਐਸਡੀਆਰਐਫ ਅਧਿਕਾਰੀ ਸ਼ੈਲੇਸ਼ ਕੁਮਾਰ ਹਿੰਗੇ ਨੇ ਵੀਰਵਾਰ ਨੂੰ ਦੱਸਿਆ ਕਿ ਬੁੱਧਵਾਰ ਸ਼ਾਮ ਨੂੰ ਸੁਗਾਓਂ ਪਿੰਡ ਨੇੜੇ ਪ੍ਰਵਰਾ ਨਦੀ ਵਿੱਚ ਦੋ ਲੋਕ ਡੁੱਬ ਗਏ ਸਨ। ਇਨ੍ਹਾਂ ਦੋਵਾਂ ਵਿੱਚੋਂ ਇੱਕ ਦੀ ਲਾਸ਼ ਬੁੱਧਵਾਰ ਰਾਤ ਤੱਕ ਬਰਾਮਦ ਕਰ ਲਈ ਗਈ ਸੀ। ਜਦੋਂ ਕਿ ਅੱਜ ਸਵੇਰ ਤੋਂ ਹੀ ਐਸਡੀਆਰਐਫ ਦੀ ਟੀਮ ਦੂਜੇ ਵਿਅਕਤੀ ਦੀ ਭਾਲ ਕਰ ਰਹੀ ਸੀ। ਕਿਸ਼ਤੀ ਵਿੱਚ ਐਸਡੀਆਰਐਫ ਟੀਮ ਦੇ ਚਾਰ ਜਵਾਨ ਅਤੇ ਇੱਕ ਸਥਾਨਕ ਨਾਗਰਿਕ ਸਵਾਰ ਸਨ। ਕਿਸ਼ਤੀ ਦੇ ਅਚਾਨਕ ਪਲਟਣ ਨਾਲ ਪੰਜ ਲੋਕ ਡੁੱਬ ਗਏ। ਇਨ੍ਹਾਂ ਵਿੱਚੋਂ ਤਿੰਨ ਜਵਾਨਾਂ ਦੀਆਂ ਲਾਸ਼ਾਂ ਨਦੀ ਵਿੱਚੋਂ ਬਰਾਮਦ ਹੋਈਆਂ ਹਨ। ਇੱਕ ਸਿਪਾਹੀ ਅਤੇ ਇੱਕ ਸਥਾਨਕ ਵਿਅਕਤੀ ਅਤੇ ਬੁੱਧਵਾਰ ਨੂੰ ਡੁੱਬੇ ਵਿਅਕਤੀ ਦੀ ਭਾਲ ਜਾਰੀ ਹੈ।
ਹਿੰਦੂਸਥਾਨ ਸਮਾਚਾਰ
