Sunil Chhetri retirement News: ਦਿੱਗਜ ਭਾਰਤੀ ਫੁੱਟਬਾਲਰ ਸੁਨੀਲ ਛੇਤਰੀ ਨੇ ਵੀਰਵਾਰ ਨੂੰ ਅੰਤਰਰਾਸ਼ਟਰੀ ਫੁੱਟਬਾਲ ਤੋਂ ਸੰਨਿਆਸ ਲੈਣ ਦਾ ਐਲਾਨ ਕਰ ਦਿੱਤਾ ਹੈ. 6 ਜੂਨ ਨੂੰ ਕੋਲਕਾਤਾ ‘ਚ ਕੁਵੈਤ ਦੇ ਖਿਲਾਫ ਫੀਫਾ ਵਿਸ਼ਵ ਕੱਪ ਕੁਆਲੀਫਾਇੰਗ ਮੈਚ ਸੁਨੀਲ ਦਾ ਆਖਰੀ ਅੰਤਰਰਾਸ਼ਟਰੀ ਮੈਚ ਹੋਵੇਗਾ.
ਭਾਰਤੀ ਕਪਤਾਨ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਪੋਸਟ ਕੀਤੀ ਇੱਕ ਵੀਡੀਓ ਰਾਹੀਂ ਆਪਣੇ ਫੈਸਲੇ ਦਾ ਐਲਾਨ ਕੀਤਾ. ਭਾਰਤ ਇਸ ਸਮੇਂ ਗਰੁੱਪ A ਵਿੱਚ ਚਾਰ ਅੰਕਾਂ ਦੇ ਨਾਲ ਦੂਜੇ ਸਥਾਨ ‘ਤੇ ਹੈ.
ਸੁਨੀਲ 39 ਵਰ੍ਹਿਆਂ ਦੇ ਹਨ. ਉਹਨਾੰ ਵੀਰਵਾਰ ਨੂੰ X ‘ਤੇ ਪੋਸਟ ਕੀਤੀ ਇਕ ਵੀਡਿਓ ਜਿਸ ਵਿੱਚ ਉਹਨਾਂ ਨੇ ਆਪਮੇ ਕਰਿਅਰ ਦੀਆਂ ਕੁਜ ਯਾਦਾਂ ਤਾਜ਼ਾ ਕੀਤੀਆਂ. ਜਿਸ ਦੀ ਸ਼ੁਰੂਆਤ ਜੂਨ 2005 ਵਿੱਚ ਪਾਕਿਸਤਾਨ ਦੇ ਖਿਲਾਫ ਇੱਕ ਦੋਸਤਾਨਾ ਮੈਚ ਨਾਲ ਹੋਈ ਸੀ.
ਸੁਨੀਲ ਨੇ ਕਿਹਾ, ”ਇਕ ਦਿਨ ਅਜਿਹਾ ਹੈ ਜਿਸ ਨੂੰ ਮੈਂ ਕਦੇ ਨਹੀਂ ਭੁੱਲਦਾ ਅਤੇ ਇਸ ਦਿਨ ਨੂੰ ਅਕਸਰ ਯਾਦ ਕਰਦਾ ਹਾਂ, ਜਦੋਂ ਮੈਂ ਪਹਿਲੀ ਵਾਰ ਆਪਣੇ ਦੇਸ਼ ਲਈ ਖੇਡਿਆ ਸੀ, ਉਸ ਦਿਨ ਮੈਨੂਂ ਯਕੀਨ ਨਹੀਂ ਸੀ ਹੋਇਆ ਸੀ. ਮੇਰੇ ਲਈ ਇਹ ਬਹੁਤ ਅਵਿਸ਼ਵਾਸਯੋਗ ਸੀ. ਇਕ ਦਿਨ ਪਹਿਲਾਂ ਉਸ ਦਿਨ ਦੀ ਸਵੇਰ ਸੁੱਖੀ ਸਰ, ਮੇਰੇ ਪਹਿਲੇ ਰਾਸ਼ਟਰੀ ਟੀਮ ਦੇ ਕੋਚ. ਸਵੇਰੇ ਮੇਰੇ ਕੋਲ ਆਏ ਅਤੇ ਕਿਹਾ, ਤੁਸੀਂ ਸ਼ੁਰੂਆਤ ਕਰਨ ਜਾ ਰਹੇ ਹੋ. ਮੈਂ ਤੁਹਾਨੂੰ ਦੱਸ ਨਹੀਂ ਸਕਦਾ ਕਿ ਮੈਂ ਕਿਵੇਂ ਮਹਿਸੂਸ ਕਰ ਰਿਹਾ ਸੀ, ਮੈਂ ਆਪਣੀ ਜਰਸੀ ਲਈ, ਮੈਂ ਉਸ ‘ਤੇ ਕੁਝ ਪਰਫਿਊਮ ਛਿੜਕਿਆ, ਮੈਨੂੰ ਨਹੀਂ ਪਤਾ ਕਿਉਂ. ਇਸ ਲਈ ਉਸ ਦਿਨ ਜੋ ਕੁਝ ਵੀ ਹੋਇਆ, ਇੱਕ ਵਾਰ ਉਸਨੇ ਮੈਨੂੰ ਦੱਸਿਆ, ਨਾਸ਼ਤੇ ਤੋਂ ਲੈ ਕੇ ਦੁਪਹਿਰ ਦੇ ਖਾਣੇ ਤੱਕ ਅਤੇ ਮੇਰੇ ਪਹਿਲੇ ਗੋਲ ਤੋਂ ਲੈ ਕੇ 80ਵੇਂ ਮਿੰਟ ਵਿੱਚ ਗੋਲ ਕਰਨ ਤੱਕ, ਉਹ ਦਿਨ ਸ਼ਾਇਦ ਹੀ ਮੈਂ ਕਦੇ ਨਹੀਂ ਭੁੱਲਾਂਗਾ.” ਅਤੇ ਉਹ ਮੇਰੀ ਰਾਸ਼ਟਰੀ ਟੀਮ ਦੇ ਸਫ਼ਰ ਵਿੱਚ ਸਭ ਤੋਂ ਵਧੀਆ ਦਿਨਾਂ ਵਿੱਚੋਂ ਇੱਕ ਹੈ.”
ਉਹਨਾਂ ਕਿਹਾ, “ਪਿਛਲੇ 19 ਸਾਲਾਂ ਤੋਂ ਮੈਨੂੰ ਜੋ ਅਹਿਸਾਸ ਯਾਦ ਹੈ, ਉਹ ਡਿਊਟੀ, ਦਬਾਅ ਅਤੇ ਬੇਅੰਤ ਖੁਸ਼ੀ ਦਾ ਬਹੁਤ ਵਧੀਆ ਸੁਮੇਲ ਹੈ।”
ਉਹਨਾਂ ਕਿਹਾ, ”ਮੈਂ ਆਪਣੀ ਸੰਨਿਆਸ ਬਾਰੇ ਸਭ ਤੋਂ ਪਹਿਲਾਂ ਆਪਣੀ ਮਾਂ, ਮੇਰੇ ਪਿਤਾ ਅਤੇ ਮੇਰੀ ਪਤਨੀ ਨੂੰ ਦੱਸਿਆ, ਮੇਰੇ ਪਿਤਾ ਸਾਧਾਰਨ ਸਨ, ਉਨ੍ਹਾਂ ਨੂੰ ਰਾਹਤ ਮਿਲੀ, ਉਹ ਖੁਸ਼ ਸਨ, ਪਰ ਮੇਰੀ ਮਾਂ ਅਤੇ ਮੇਰੀ ਪਤਨੀ ਰੋਣ ਲੱਗ ਪਏ ਅਤੇ ਮੈਂ ਉਨ੍ਹਾਂ ਨੂੰ ਕਿਹਾ, ਤੁਸੀਂ ਹਮੇਸ਼ਾ ਪਰੇਸ਼ਾਨ ਰਹਿੰਦੇ ਸੀ, ਕਿ ਬਹੁਤ ਸਾਰੇ ਮੈਚ ਹਨ, ਜਦੋਂ ਤੁਸੀਂ ਮੈਨੂੰ ਦੇਖਦੇ ਹੋ ਤਾਂ ਬਹੁਤ ਦਬਾਅ ਹੁੰਦਾ ਹੈ ਅਤੇ ਹੁਣ ਜਦੋਂ ਮੈਂ ਤੁਹਾਨੂੰ ਇਹ ਦੱਸ ਰਿਹਾ ਹਾਂ, ਤਾਂ ਤੁਸੀਂ ਜਾਣਦੇ ਹੋ, ਮੈਂ ਇਸ ਮੈਚ ਤੋਂ ਬਾਅਦ ਕਿ ਮੈਂ ਆਪਣੇ ਦੇਸ਼ ਲਈ ਫਿਰ ਤੋਂ ਕਦੀ ਨਹੀਂ ਖੇਡਾਂਗਾ, ਉਹ ਜੋਰ ਜੋਰ ਦੀ ਰੋ ਪਏ. ਅਜਿਹਾ ਨਹੀਂ ਹੈ ਕਿ ਮੈਂ ਥਕਾਵਟ ਮਹਿਸੂਸ ਕਰ ਰਿਹਾ ਸੀ, ਜਦੋਂ ਮੈਂ ਇਹ ਫੈਸਲਾ ਲਿਆ, ਕਿ ਇਹ ਮੇਰਾ ਆਖਰੀ ਮੈਚ ਹੋਣਾ ਚਾਹੀਦਾ ਹੈ, ਤਾਂ ਮੈਂ ਇਸ ਬਾਰੇ ਬਹੁਤ ਸੋਚਿਆ। ਪਰ ਅਜੀਬ ਤਰੀਕੇ ਨਾਲ, ਮੈਨੂੰ ਦਬਾਅ ਮਹਿਸੂਸ ਨਹੀਂ ਹੋਇਆ, ਕਿਉਂਕਿ ਰਾਸ਼ਟਰੀ ਟੀਮ ਦੇ ਨਾਲ ਇਹ 15-20 ਦਿਨ ਹਨ ਅਤੇ ਕੁਵੈਤ ਦੇ ਖਿਲਾਫ ਮੈਚ ਆਖਰੀ ਮੈਚ ਹੈ.”
ਕਪਤਾਨ ਨੇ ਕਿਹਾ, ”ਮੈਂ ਰਾਸ਼ਟਰੀ ਟੀਮ ਦੇ ਨਾਲ ਜੋ ਵੀ ਟ੍ਰੇਨਿੰਗ ਕਰਦਾ ਹਾਂ ਉਸ ਦਾ ਮਜ਼ਾ ਲੈਣਾ ਚਾਹੁੰਦਾ ਹਾਂ.
ਕੁਵੈਤ ਵਿਰੁੱਧ ਖੇਡ ਦਬਾਅ ਦੀ ਮੰਗ ਕਰਦੀ ਹੈ, ਸਾਨੂੰ ਅਗਲੇ ਦੌਰ ਲਈ ਕੁਆਲੀਫਾਈ ਕਰਨ ਲਈ ਤਿੰਨ ਅੰਕ ਚਾਹੀਦੇ ਹਨ। ਇਹ ਸਾਡੇ ਲਈ ਬਹੁਤ ਮਹੱਤਵਪੂਰਨ ਹੈ।”
ਸੁਨੀਲ ਛੇਤਰੀ ਨੇ ਬਤੌਰ ਪੇਸ਼ੇਵਰ ਫੁੱਟਬਾਲ ਸਫਰ ਦੀ ਸ਼ੁਰੂਆਤ 2002 ਵਿੱਚ ਮੋਹਨ ਬਾਗਾਨ ਤੋਂ ਕੀਤੀ. ਛੇਤਰੀ ਨੇ 2007, 2009 ਅਤੇ 2012 ਨਹਿਰੂ ਕੱਪ ਦੇ ਨਾਲ-ਨਾਲ 2011, 2015, 2021 ਅਤੇ 2023 SAFF ਚੈਂਪੀਅਨਸ਼ਿਪ ਜਿੱਤਣ ਵਿੱਚ ਭਾਰਤ ਦੀ ਮਦਦ ਕੀਤੀ। ਉਹਨਾਂ 2008 AFC ਚੈਲੇਂਜ ਕੱਪ ਵਿੱਚ ਵੀ ਭਾਰਤ ਦੀ ਅਗਵਾਈ ਕੀਤੀ, ਜਿਸ ਨਾਲ ਭਾਰਤ ਨੂੰ 27 ਸਾਲਾਂ ਵਿੱਚ ਆਪਣੇ ਪਹਿਲੇ AFC ਏਸ਼ੀਆਈ ਕੱਪ ਲਈ ਕੁਆਲੀਫਾਈ ਕਰਨ ਵਿੱਚ ਮਦਦ ਕੀਤੀ.
ਛੇਤਰੀ ਨੂੰ 2011 ਵਿੱਚ ਅਰਜੁਨ ਅਵਾਰਡ ਅਤੇ 2019 ਵਿੱਚ ਪਦਮ ਸ਼੍ਰੀ ਮਿਲਿਆ. 2021 ਵਿੱਚ, ਉਹ ਭਾਰਤ ਦਾ ਸਰਵਉੱਚ ਖੇਡ ਸਨਮਾਨ, ਖੇਡ ਰਤਨ ਅਵਾਰਡ ਪ੍ਰਾਪਤ ਕਰਨ ਵਾਲੇ ਪਹਿਲੇ ਫੁੱਟਬਾਲਰ ਬਣੇ.
19 ਸਾਲਾਂ ਤੋਂ ਵੱਧ ਦੇ ਕਰੀਅਰ ਵਿੱਚ, ਅਰਜੁਨ ਪੁਰਸਕਾਰ ਜੇਤੂ ਨੇ ਅੰਤਰਰਾਸ਼ਟਰੀ ਮੰਚ ‘ਤੇ 150 ਮੈਚਾਂ ਵਿੱਚ 94 ਗੋਲ ਕੀਤੇ ਸਨ। ਸੁਨੀਲ, ਸਭ ਤੋਂ ਵੱਧ ਕੈਪਡ ਭਾਰਤੀ ਫੁਟਬਾਲਰ, ਕ੍ਰਿਸਟੀਆਨੋ ਰੋਨਾਲਡੋ ਅਤੇ ਲਿਓਨੇਲ ਮੇਸੀ ਤੋਂ ਬਾਅਦ, ਵਿਸ਼ਵ ਪੱਧਰ ‘ਤੇ ਤੀਜੇ ਸਭ ਤੋਂ ਵੱਧ ਗੋਲ ਕਰਨ ਵਾਲੇ ਖਿਡਾਰੀ ਹਨ.
