ਚੰਡੀਗੜ੍ਹ, 8 ਅਪ੍ਰੈਲ (ਹਿੰ. ਸ.)। ਮੁਹਾਲੀ ਪੁਲਸ ਨੂੰ ਮੰਗਲਵਾਰ ਇੱਕ ਵੱਡੀ ਕਾਮਯਾਬੀ ਹਾਸਿਲ ਹੋਈ ਹੈ ਜਦੋਂ ਉਸਨੇ ਲਾਰੈਂਸ ਬਿਸ਼ਨੋਈ ਅਤੇ ਰੋਹਿਤ ਗੋਦਾਰਾ ਗੈਂਗ ਨਾਲ ਸਬੰਧਤ ਦੋ ਖ਼ਤਰਨਾਕ ਗੈਂਗਸਟਰਾਂ ਨੂੰ ਗ੍ਰਿਫ਼ਤਾਰ ਕੀਤਾ। ਪੁਲਸ ਵੱਲੋਂ ਇਨ੍ਹਾਂ ਦੇ ਕਬਜ਼ੇ ‘ਚੋਂ ਭਾਰੀ ਮਾਤਰਾ ਵਿੱਚ ਅਸਲਾ ਵੀ ਬਰਾਮਦ ਕੀਤਾ ਗਿਆ ਹੈ। ਇਹ ਗੈਂਗਸਟਰ ਕਈ ਹੱਤਿਆ, ਧਮਕੀ, ਤੇ ਵਸੂਲੀ ਦੇ ਮਾਮਲਿਆਂ ਵਿੱਚ ਲੰਬੇ ਸਮੇਂ ਤੋਂ ਮਾਸਟਰਮਾਈਂਡ ਮੰਨੇ ਜਾਂਦੇ ਰਹੇ ਹਨ।
ਪੁਲਸ ਮੁਤਾਬਕ, ਇਹ ਦੋਸ਼ੀ ਮੁਹਾਲੀ ‘ਚ ਕੋਈ ਵੱਡੀ ਸਾਜ਼ਿਸ਼ ਅੰਜਾਮ ਦੇਣ ਦੀ ਯੋਜਨਾ ਵਿੱਚ ਸਨ। 32 ਕੈਲੀਬਰ ਦਾ ਪਿਸਤੌਲ, 07 ਕਾਰਤੂਸ ਅਤੇ ਜਿੰਦਾ ਕਾਰਤੂਸ ਬਰਾਮਦ ਹੋਏ ਹਨ। ਪੁਲਸ ਦਾ ਕਹਿਣਾ ਹੈ ਕਿ ਇਹ ਗਿਰੋਹ ਪੰਜਾਬ, ਹਰਿਆਣਾ ਅਤੇ ਚੰਡੀਗੜ੍ਹ ‘ਚ ਅਨੇਕ ਅਪਰਾਧਕ ਕਾਰਵਾਈਆਂ ਵਿੱਚ ਲਿਪਤ ਹੈ। ਪੰਜਾਬ ਦੇ ਡੀਜੀਪੀ ਗੌਰਵ ਯਾਦਵ ਨੇ ਸੋਸ਼ਲ ਮੀਡੀਆ X ‘ਤੇ ਜਾਂਕਾਰੀ ਸਾਂਝੀ ਕੀਤੀ ਹੈ…
In a major breakthrough, Anti-Gangster Task Force, Punjab (#AGTF) arrests two key operatives of the Lawrence Bishnoi – Rohit Godara Gang—Jashan Sandhu and Gursewak Singh—from #Mohali.
Jashan Sandhu, wanted in a 2023 murder case in Ganganagar, #Rajasthan, had been evading arrest… pic.twitter.com/HcFzMxueV6
— DGP Punjab Police (@DGPPunjabPolice) April 8, 2025
ਇਹ ਗ੍ਰਿਫ਼ਤਾਰੀ ਸਿਰਫ ਇੱਕ ਵੱਡੀ ਗੈਂਗਸਟਰ ਗਿਰੋਹ ਨੂੰ ਨੁਕਸਾਨ ਪਹੁੰਚਾਉਣ ਵਾਲਾ ਕਦਮ ਹੀ ਨਹੀਂ, ਸਗੋਂ ਰਾਜ ਵਿਚ ਲੋਕਾਂ ਦੇ ਭਰੋਸੇ ਨੂੰ ਵੀ ਮਜਬੂਤ ਕਰਦੀ ਹੈ। ਇਸ ਗਿਰੋਹ ਦੀ ਗਿਰਫ਼ਤਾਰੀ ਰਾਜ ਵਿੱਚ ਕਾਨੂੰਨ ਵਿਵਸਥਾ ਨੂੰ ਮਜ਼ਬੂਤ ਕਰਨ ਦੀ ਦਿਸ਼ਾ ਵਿੱਚ ਇਕ ਮਹੱਤਵਪੂਰਨ ਪੈਗਾਮ ਜ਼ਰੂਰ ਹੈ।
ਪਰ ਇਸਦੇ ਨਾਲ ਹੀ ਇਹ ਵੀ ਵੱਡਾ ਸਵਾਲ ਹੈ ਕਿ ਪੰਜਾਬ ਵਿੱਚ ਆਏ ਦਿਨ ਗੈਂਗਸਟਰਾਂ ਦੀ ਗਿਰਫਤਾਰੀ, ਧਮਾਕੇ, ਗੋਲੀਬਾਰੀ, ਅਤੇ ਨਸ਼ਾ ਤਸਕਰੀ ਦੀਆਂ ਖਬਰਾਂ ਮਾਹਮਣੇ ਆਉਂਦੀਆਂ ਹਨ। ਇਹ ਸਵਾਲ ਜਾਇਜ਼ ਹੈ ਕਿ ਪੰਜਾਬ ਸਰਕਾਰ ਅਤੇ ਪੁਲਸ ਅਖੀਰ ਕਦੋਂ ਤੱਕ ਸਿਰਫ਼ ਮਾਮਲਿਆਂ ਦੀ ਜਾਂਚ ਕਰਦੀ ਰਹੇਗੀ ਅਤੇ ਪੂਰੇ ਸਿਸਟਮ ਨੂੰ ਸਾਫ਼ ਕਰਨ ਲਈ ਕਦੋਂ ਗੰਭੀਰ ਕਦਮ ਚੁੱਕੇ ਜਾਣਗੇ? ਕੀ ਹਰ ਵਾਰੀ ਕਿਸੇ ਵੱਡੀ ਘਟਨਾ ਦੇ ਹੋਣ ਦੀ ਉਡੀਕ ਕਰਨੀ ਪਏਗੀ? ਕਿਉਂਕਿ ਜਦੋਂ ਤੱਕ ਸਿਰਫ ਗਿਰਫਤਾਰੀਆਂ ਤੇ ਬਿਆਨਬਾਜ਼ੀ ਚੱਲਦੀ ਰਹੇਗੀ, ਤਦ ਤੱਕ ਅਸਲੀ ਸੁਰੱਖਿਆ ਕਿਵੇਂ ਯਕੀਨੀ ਬਣੇਗੀ?
ਸਵਾਲ ਇਹ ਨਹੀਂ ਕਿ ਅੱਜ ਕਿਨ੍ਹੇ ਗੈਂਗਸਟਰ ਫੜੇ ਗਏ, ਸਵਾਲ ਇਹ ਹੈ ਕਿ ਉਹ ਇਤਨੇ ਚਿਰ ਤੱਕ ਆਜ਼ਾਦ ਕਿਵੇਂ ਘੁੰਮਦੇ ਰਹੇ? ਕਿਉਂ ਪੁਲਸ ਅਤੇ ਖੁਫੀਆ ਏਜੰਸੀਆਂ ਪਹਿਲਾਂ ਨਹੀਂ ਚੁਸਤ ਹੁੰਦੀਆਂ?
ਹਿੰਦੂਸਥਾਨ ਸਮਾਚਾਰ
