ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ (NPCI) ਨੇ UPI ਟ੍ਰਾਂਜ਼ੈਕਸ਼ਨ ਨੂੰ ਸੁਰੱਖਿਅਤ ਅਤੇ ਬਿਹਤਰ ਬਣਾਉਣ ਲਈ 1 ਅਪ੍ਰੈਲ ਤੋਂ ਨਵੇਂ ਨਿਯਮ ਲਾਗੂ ਕਰਨ ਜਾ ਰਿਹੈ। ਇਹ ਬਦਲਾਅ UPI ਨੂੰ ਹੋਰ ਸੁਰੱਖਿਅਤ ਬਣਾਉਣ ਅਤੇ ਧੋਖਾਧੜੀ ਵਾਲੇ ਟ੍ਰਾਂਜ਼ੈਕਸ਼ਨ ਨੂੰ ਰੋਕਣ ਲਈ ਕੀਤੇ ਗਏ ਹਨ। 1 ਅਪ੍ਰੈਲ, 2025 ਤੋਂ, ਅਜਿਹੇ Paytm, Google Pay, PhonePe ਅਤੇ ਲਿੰਕ ਕੀਤੇ ਮੋਬਾਈਲ ਨੰਬਰਾਂ ਵਾਲੇ ਬੈਂਕ ਖਾਤੇ ਜੋ ਐਕਟਿਵ ਨਹੀਂ ਹਨ, ਬੰਦ ਕੀਤੇ ਜਾ ਰਹੇ ਹਨ। ਇਸ ਦੇ ਨਾਲ ਹੀ, ਭਾਰਤ ਇੰਟਰਫੇਸ ਫਾਰ ਮਨੀ ਯਾਨੀ BHIM ਐਪ ਅਪ੍ਰੈਲ ਵਿੱਚ ਆਪਣਾ ਅਪਗ੍ਰੇਡ ਕੀਤਾ ਵਰਜ਼ਨ ਲਾਂਚ ਕਰਨ ਜਾ ਰਿਹਾ ਹੈ। BHIM 3.0 ਨਾਲ ਤੁਹਾਨੂੰ ਪੰਜ ਨਵੇਂ ਫੀਚਰਸ ਦਾ ਲਾਭ ਮਿਲੇਗਾ।
1. ਮੋਬਾਈਲ ਨੰਬਰ ਦੀ ਜਾਂਚ
ਬੈਂਕਾਂ ਅਤੇ ਪੇਟੀਐਮ, ਗੂਗਲ ਪੇ, ਫੋਨਪੇ ਵਰਗੇ ਐਪਸ ਨੂੰ ਹੁਣ ਹਰ ਹਫ਼ਤੇ “ਮੋਬਾਈਲ ਨੰਬਰ ਰਿਵੋਕੇਸ਼ਨ ਲਿਸਟ” (ਐਮਐਨਆਰਐਲ/ਡੀਆਈਪੀ) ਨੂੰ ਅਪਡੇਟ ਕਰਨਾ ਹੋਵੇਗਾ। ਜੇਕਰ ਕੋਈ ਮੋਬਾਈਲ ਨੰਬਰ 3 ਮਹੀਨਿਆਂ ਤੱਕ ਨਹੀਂ ਵਰਤਿਆ ਜਾਂਦਾ (ਕੋਈ ਕਾਲ, ਮੈਸੇਜ ਜਾਂ ਡੇਟਾ), ਤਾਂ ਟੈਲੀਕਾਮ ਕੰਪਨੀਆਂ ਇਸ ਨੂੰ ਕਿਸੇ ਹੋਰ ਨੂੰ ਦੇ ਦਿੰਦੀਆਂ ਹਨ। ਅਜਿਹੇ ਨੰਬਰਾਂ ਨਾਲ ਜੁੜੇ UPI ਆਈਡੀ ਬੰਦ ਕਰ ਦਿੱਤੇ ਜਾਣਗੇ।
2. “Collect Payment” ‘ਤੇ ਪਾਬੰਦੀ: UPI ‘ਤੇ Collect Payment (ਪੈਸੇ ਮੰਗਣ ਲਈ ਬੇਨਤੀ ਭੇਜਣਾ) ਹੁਣ ਸਿਰਫ਼ ਵੱਡੇ ਅਤੇ ਪ੍ਰਮਾਣਿਤ ਵਪਾਰੀਆਂ ਲਈ ਉਪਲਬਧ ਹੋਵੇਗਾ। ਆਮ ਲੋਕਾਂ ਵਿੱਚ Collect Payment ਦੀ ਸੀਮਾ ਪ੍ਰਤੀ ਟ੍ਰਾਂਜ਼ੈਕਸ਼ਨ ₹2,000 ਨਿਰਧਾਰਤ ਕੀਤੀ ਗਈ ਹੈ।
ਧਿਆਨ ਦੇਣ ਯੋਗ ਗੱਲਾਂ: ਜੇਕਰ ਤੁਹਾਡਾ ਮੋਬਾਈਲ ਨੰਬਰ ਬਦਲ ਗਿਆ ਹੈ ਜਾਂ ਲੰਬੇ ਸਮੇਂ ਤੋਂ ਵਰਤਿਆ ਨਹੀਂ ਜਾ ਰਿਹਾ ਹੈ, ਤਾਂ ਇਸ ਨੂੰ ਜਲਦੀ ਬੈਂਕ ਅਤੇ UPI ਐਪਸ ਵਿੱਚ ਅਪਡੇਟ ਕਰੋ। ਤੁਸੀਂ ₹2,000 ਤੋਂ ਵੱਧ ਦੇ ਭੁਗਤਾਨ ਕਰਨ ਲਈ ਕਲੈਕਟ ਰਿਕਵੈਸਟ ਦੀ ਵਰਤੋਂ ਨਹੀਂ ਕਰ ਸਕੋਗੇ। ਇਸ ਦੀ ਬਜਾਏ, ਸਿੱਧਾ ਭੁਗਤਾਨ ਕਰੋ ਜਾਂ ਵਪਾਰੀ ਨੂੰ ਭੁਗਤਾਨ ਕਰੋ।
BHIM ਐਪ ਵਿੱਚ ਅਪ੍ਰੈਲ ਤੋਂ ਨਵੇਂ ਫੀਚਰ ਜੋੜੇ ਜਾਣਗੇ
BHIM ਐਪ ਅਪ੍ਰੈਲ ਵਿੱਚ ਆਪਣਾ ਅਪਗ੍ਰੇਡ ਕੀਤਾ ਵਰਜਨ ਲਾਂਚ ਕਰਨ ਜਾ ਰਿਹਾ ਹੈ। BHIM 3.0 ਨਾਲ ਤੁਹਾਨੂੰ ਪੰਜ ਨਵੇਂ ਫੀਚਰਸ ਦਾ ਲਾਭ ਮਿਲੇਗਾ। ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ਼ ਇੰਡੀਆ (NPCI) ਦੁਆਰਾ ਪੂਰੀ ਤਰ੍ਹਾਂ ਨਿਯੰਤਰਿਤ NPCI BHIM ਸੇਵਾਵਾਂ ਨੇ ਮੰਗਲਵਾਰ ਨੂੰ BHIM UPI ਦਾ ਇੱਕ ਨਵਾਂ ਅਪਗ੍ਰੇਡ ਲਾਂਚ ਕੀਤਾ। BHIM 3.0 ਦੇਸ਼ ਦੀਆਂ 15 ਤੋਂ ਵੱਧ ਭਾਸ਼ਾਵਾਂ ਵਿੱਚ ਉਪਲਬਧ ਹੋਵੇਗਾ। ਇਹ ਧਿਆਨ ਦੇਣ ਯੋਗ ਹੈ ਕਿ BHIM ਐਪ 22.6 ਕਰੋੜ ਐਂਡਰਾਇਡ ਫੋਨਾਂ ਅਤੇ 88 ਲੱਖ iOS ਪਲੇਟਫਾਰਮਾਂ ‘ਤੇ ਕੰਮ ਕਰ ਰਿਹਾ ਹੈ। ਇਸ ਸਮੇਂ ਦੇਸ਼ ਵਿੱਚ UPI ਉਪਭੋਗਤਾਵਾਂ ਦੀ ਗਿਣਤੀ ਲਗਭਗ 30-40 ਕਰੋੜ ਹੈ।
BHIM ਐਪ ਦਾ ਤੀਜਾ ਵਰਜ਼ਨ ਪੇਮੈਂਟਸ ਨੂੰ ਮੈਨੇਜ ਕਰਨ ਲਈ ਫੈਮਿਲੀ ਮੋਡ, ਕਮਜ਼ੋਰ ਇੰਟਰਨੈਟ ਕਨੈਕਟੀਵਿਟੀ ਵਾਲੇ ਖੇਤਰਾਂ ਵਿੱਚ ਵੀ ਕੰਮ ਕਰਨ ਦੀ ਯੋਗਤਾ ਅਤੇ ਵਧੇਰੇ ਆਸਾਨ ਯੂਜ਼ਰ ਇੰਟਰਫੇਸ (UI) ਵਰਗੀਆਂ ਵਿਸ਼ੇਸ਼ਤਾਵਾਂ ਨਾਲ ਆਉਂਦਾ ਹੈ।ਇੰਨਾ ਹੀ ਨਹੀਂ, BHIM 3.0 ਦੇ ਨਾਲ, ਤੁਸੀਂ ਡੈਸ਼ਬੋਰਡ ‘ਤੇ ਜਾ ਕੇ ਆਪਣੇ ਮਾਸਿਕ ਖਰਚਿਆਂ ਦੀ ਨਿਗਰਾਨੀ ਵੀ ਕਰ ਸਕਦੇ ਹੋ, ਜਿਸ ਨਾਲ ਇਹ ਜਾਣਨਾ ਆਸਾਨ ਹੋ ਜਾਵੇਗਾ ਕਿ ਤੁਸੀਂ ਕਿੱਥੇ ਅਤੇ ਕਿੰਨਾ ਖਰਚ ਕਰ ਰਹੇ ਹੋ। ਇਹ ਐਪ ਤੁਹਾਡੇ ਦੁਆਰਾ ਕੀਤੇ ਗਏ ਸਾਰੇ ਖਰਚਿਆਂ ਨੂੰ ਵੱਖ-ਵੱਖ ਸ਼੍ਰੇਣੀਆਂ ਵਿੱਚ ਵੰਡ ਦੇਵੇਗਾ।
