New Delhi: ਰਾਸ਼ਟਰੀ ਰਾਜਧਾਨੀ ਦਿੱਲੀ ਦੀ ਹਵਾ ਦੀ ਗੁਣਵੱਤਾ ਵਿੱਚ ਸੁਧਾਰ ਹੁੰਦਾ ਨਜ਼ਰ ਨਹੀਂ ਆ ਰਿਹਾ ਹੈ। 16 ਦਸੰਬਰ ਤੋਂ ਰਾਸ਼ਟਰੀ ਰਾਜਧਾਨੀ ਖੇਤਰ (ਐਨਸੀਆਰ) ਵਿੱਚ ਗ੍ਰੇਡਡ ਰਿਸਪਾਂਸ ਐਕਸ਼ਨ ਪਲਾਨ (ਗ੍ਰੇਪ) ਦਾ ਚੌਥਾ ਪੜਾਅ ਲਾਗੂ ਹੈ। ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ ਦੇ ਅਨੁਸਾਰ, ਅੱਜ ਸਵੇਰੇ 7:30 ਵਜੇ ਦਿੱਲੀ ਵਿੱਚ ਔਸਤ ਹਵਾ ਗੁਣਵੱਤਾ ਸੂਚਕ ਅੰਕ (ਏਕਿਊਆਈ) 403 ਦਰਜ ਕੀਤਾ ਗਿਆ। ਇਹ ਗੰਭੀਰ ਸ਼੍ਰੇਣੀ ਵਿੱਚ ਆਉਂਦਾ ਹੈ।
ਭਾਰਤ ਮੌਸਮ ਵਿਭਾਗ ਦੇ ਅਨੁਸਾਰ, ਮਹਾਨਗਰ ਵਿੱਚ ਧੁੰਦ ਦੀ ਪਤਲੀ ਪਰਤ ਬਣੀ ਰਹੀ। ਇਸ ਨਾਲ ਦਿੱਖ ਘਟ ਹੋ ਗਈ। ਅੱਜ ਹਲਕੀ ਬਾਰਿਸ਼ ਦੇ ਨਾਲ ਬੱਦਲ ਛਾਏ ਰਹਿਣ ਦੀ ਸੰਭਾਵਨਾ ਹੈ।
ਰਾਜਧਾਨੀ ਦਿੱਲੀ ਦੇ ਕਈ ਇਲਾਕਿਆਂ ‘ਚ ਏਕਿਊਆਈ ਦਾ ਪੱਧਰ ਖਤਰਨਾਕ ਪੱਧਰ ‘ਤੇ ਪਹੁੰਚ ਗਿਆ। ਇਨ੍ਹਾਂ ਵਿੱਚ ਵਜ਼ੀਰਪੁਰ ਵਿੱਚ 464, ਅਸ਼ੋਕ ਵਿਹਾਰ ਵਿੱਚ 460, ਮੁੰਡਕਾ ਵਿੱਚ 446, ਬੁਰਾੜੀ ਕ੍ਰਾਸਿੰਗ ਵਿੱਚ 445, ਆਨੰਦ ਵਿਹਾਰ ਵਿੱਚ 443, ਦਵਾਰਕਾ-ਸੈਕਟਰ 8 ਵਿੱਚ 393 ਅਤੇ ਨਜਫ਼ਗੜ੍ਹ ਵਿੱਚ 372, ਡਾ. ਕਰਨੀ ਸਿੰਘ ਸ਼ੂਟਿੰਗ ਰੇਂਜ ਵਿੱਚ 399, ਆਈਜੀਆਈ ਏਅਰਪੋਰਟ ਵਿੱਚ 351, ਜਵਾਹਰ ਲਾਲ ਨਹਿਰੂ ਸਟੇਡੀਅਮ ਵਿੱਚ 400, ਲੋਧੀ ਰੋਡ ਵਿੱਚ 376, ਮੰਦਰ ਮਾਰਗ ਵਿੱਚ 400, ਸ਼ਾਦੀਪੁਰ ਵਿੱਚ 373, ਸ੍ਰੀ ਅਰਬਿੰਦੋ ਮਾਰਗ ਵਿੱਚ 361, ਨਜਫਗੜ੍ਹ ਵਿੱਚ 372 ਰਿਕਾਰਡ ਕੀਤਾ ਗਿਆ।
ਹਿੰਦੂਸਥਾਨ ਸਮਾਚਾਰ
