Islamabad News: ਪਾਕਿਸਤਾਨ ਦੇ ਖੈਬਰ ਪਖਤੂਨਖਵਾ ਸੂਬੇ ਦੇ ਬੰਨੂ ਜ਼ਿਲੇ ਦੇ ਵਜ਼ੀਰ ਸਬ-ਡਿਵੀਜ਼ਨ ‘ਚ ਅਣਪਛਾਤੇ ਹਥਿਆਰਬੰਦ ਅੱਤਵਾਦੀਆਂ ਨੇ ਰੋਚਾ ਚੈੱਕ ਪੋਸਟ ਤੋਂ 7 ਪੁਲਸ ਮੁਲਜ਼ਮਾਂ ਨੂੰ ਅਗਵਾ ਕਰ ਲਿਆ। ਜ਼ਿਲ੍ਹਾ ਪੁਲਸ ਸੁਪਰਡੈਂਟ ਜ਼ਿਆਉਦੀਨ ਅਹਿਮਦ ਨੇ ਇਸ ਦੀ ਪੁਸ਼ਟੀ ਕੀਤੀ।
ਡਾਨ ਅਖਬਾਰ ਦੀ ਖਬਰ ਮੁਤਾਬਕ ਇਹ ਘਟਨਾ ਸੋਮਵਾਰ ਰਾਤ ਦੀ ਹੈ। ਚੈਕ ਪੋਸਟ ਨੂੰ ਘੇਰਨ ਤੋਂ ਬਾਅਦ ਹਥਿਆਰਬੰਦ ਅੱਤਵਾਦੀ ਜ਼ਬਰਦਸਤੀ ਇਸ ਵਿਚ ਦਾਖਲ ਹੋਏ ਅਤੇ ਉਥੇ ਤਾਇਨਾਤ ਪੁਲਸ ਮੁਲਾਜ਼ਮਾਂ ਨੂੰ ਬੰਦੂਕ ਦੀ ਨੋਕ ‘ਤੇ ਬੰਧਕ ਬਣਾ ਲਿਆ। ਇਸ ਤੋਂ ਬਾਅਦ ਉਨ੍ਹਾਂ ਦੀਆਂ ਰਾਈਫਲਾਂ ਵੀ ਖੋਹ ਲਈਆਂ ਗਈਆਂ।
ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਪੁਲਸ ਦੀ ਵੱਡੀ ਟੁਕੜੀ ਇਲਾਕੇ ‘ਚ ਪਹੁੰਚ ਗਈ ਅਤੇ ਅਗਵਾ ਹੋਏ ਪੁਲਿਸ ਮੁਲਾਜ਼ਮਾਂ ਦੀ ਭਾਲ ‘ਚ ਦੂਰ-ਦੁਰਾਡੇ ਅਤੇ ਪਹਾੜੀ ਇਲਾਕਿਆਂ ਦੇ ਚੱਪੇ-ਚੱਪੇ ਵਿੱਚ ਤਲਾਸ਼ੀ ਲਈ। ਰੋਚਾ ਚੈਕ ਪੋਸਟ ਉੱਤਰੀ ਵਜ਼ੀਰਿਸਤਾਨ ਦੀ ਸਰਹੱਦ ‘ਤੇ ਬੰਨੂ ਜ਼ਿਲ੍ਹੇ ਦੇ ਓਟਮਾਨਜ਼ਈ ਥਾਣੇ ਦੀ ਸੀਮਾ ਵਿੱਚ ਸਥਿਤ ਹੈ।
ਹਿੰਦੂਸਥਾਨ ਸਮਾਚਾਰ
