Mumbai News: ਬਾਲੀਵੁੱਡ ਅਭਿਨੇਤਾ ਅਜੇ ਦੇਵਗਨ ਇਨ੍ਹੀਂ ਦਿਨੀਂ ‘ਸਿੰਘਮ ਅਗੇਨ’ ਨੂੰ ਲੈ ਕੇ ਸੁਰਖੀਆਂ ‘ਚ ਹਨ। ਰੋਹਿਤ ਸ਼ੈੱਟੀ ਦੀ ਸਿੰਘਮ ਫਰੈਂਚਾਇਜ਼ੀ ਦੇ ਇਸ ਹਿੱਸੇ ਨੂੰ ਵੀ ਦਰਸ਼ਕ ਕਾਫੀ ਪਸੰਦ ਕਰ ਰਹੇ ਹਨ। ਅਜੇ ਦੇਵਗਨ ਦੀ ਫਿਲਮ ਨੂੰ ਦਰਸ਼ਕਾਂ ਦਾ ਚੰਗਾ ਹੁੰਗਾਰਾ ਮਿਲ ਰਿਹਾ ਹੈ ਅਤੇ ਫਿਲਮ ਬਾਕਸ ਆਫਿਸ ‘ਤੇ ਵੀ ਚੰਗੀ ਕਮਾਈ ਕਰ ਰਹੀ ਹੈ। ‘ਸਿੰਘਮ ਅਗੇਨ’ ਤੋਂ ਬਾਅਦ ਹੁਣ ਅਜੇ ਦੇਵਗਨ ਦੀਆਂ ਮਸ਼ਹੂਰ ਫਿਲਮਾਂ ‘ਦ੍ਰਿਸ਼ਯਮ’, ‘ਸ਼ੈਤਾਨ’ ਅਤੇ ‘ਗੋਲਮਾਲ’ ਦੇ ਸੀਕਵਲ ਦਰਸ਼ਕਾਂ ਦੇ ਸਾਹਮਣੇ ਆਉਣਗੇ।
ਅਜੇ ਦੇਵਗਨ ਨੇ ਹਾਲ ਹੀ ‘ਚ ਇਕ ਇੰਟਰਵਿਊ ਦਿੱਤਾ। ਇਸ ਇੰਟਰਵਿਊ ਵਿੱਚ ਉਨ੍ਹਾਂ ਨੇ ਆਪਣੀ ਮਸ਼ਹੂਰ ਫਿਲਮ ਦੇ ਸੀਕਵਲ ਬਾਰੇ ਟਿੱਪਣੀ ਕੀਤੀ। ਅਜੇ ਦੇਵਗਨ ਨੇ ਦੱਸਿਆ ਕਿ ‘ਸ਼ੈਤਾਨ 2’ ਅਤੇ ‘ਦ੍ਰਿਸ਼ਯਮ 3’ ‘ਤੇ ਕੰਮ ਚੱਲ ਰਿਹਾ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ 4 ਹੋਰ ਫਿਲਮਾਂ ਦੇ ਸੀਕਵਲ ਆਉਣਗੇ। ਉਨ੍ਹਾਂ ਕਿਹਾ, “ਫਿਲਹਾਲ ‘ਸ਼ੈਤਾਨ 2’ ਦੀ ਕਹਾਣੀ ’ਤੇ ਕੰਮ ਚੱਲ ਰਿਹਾ ਹੈ। ਮੇਰੀ ਇੱਕ ਟੀਮ ਦ੍ਰਿਸ਼ਯਮ ਦੇ ਅਗਲੇ ਭਾਗ ‘ਤੇ ਵੀ ਕੰਮ ਕਰ ਰਹੀ ਹੈ।” ‘ਦ੍ਰਿਸ਼ਯਮ 3’ ਅਤੇ ‘ਸ਼ੈਤਾਨ 2’ ਦੇ ਨਾਲ-ਨਾਲ ਅਜੇ ਦੇਵਗਨ ਦੀ ‘ਦੇ ਦੇ ਪਿਆਰ ਦੇ’, ‘ਸਨ ਆਫ ਸਰਦਾਰ’, ‘ਧਮਾਲ’ ਅਤੇ ‘ਗੋਲਮਾਲ’ ਦੇ ਸੀਕਵਲ ਵੀ ਆਉਣਗੇ।
ਅਜੇ ਦੇਵਗਨ ਦੀ ‘ਦ੍ਰਿਸ਼ਯਮ’ 2015 ‘ਚ ਰਿਲੀਜ਼ ਹੋਈ ਸੀ। ਇਸ ਤੋਂ ਬਾਅਦ ਇਸ ਫਿਲਮ ਦਾ ਸੀਕਵਲ 2022 ‘ਚ ਰਿਲੀਜ਼ ਹੋਇਆ। ਹੁਣ ਪ੍ਰਸ਼ੰਸਕ ਵੀ ਖੁਸ਼ ਹਨ ਕਿਉਂਕਿ ‘ਦ੍ਰਿਸ਼ਯਮ 3’ ਜਲਦ ਹੀ ਪਰਦੇ ‘ਤੇ ਆਵੇਗੀ। 2024 ਵਿੱਚ ਰਿਲੀਜ਼ ਹੋਈ ਅਜੇ ਦੇਵਗਨ ਅਤੇ ਆਰ ਮਾਧਵਨ ਦੀ ਫਿਲਮ ਸ਼ੈਤਾਨ ਨੂੰ ਵੀ ਦਰਸ਼ਕਾਂ ਵੱਲੋਂ ਖੂਬ ਪਸੰਦ ਕੀਤਾ ਗਿਆ। ਦਰਸ਼ਕ ਇਸ ਫਿਲਮ ਦੇ ਸੀਕਵਲ ਦੀ ਵੀ ਉਡੀਕ ਕਰ ਰਹੇ ਸਨ।
ਇਸ ਦੌਰਾਨ ਰੋਹਿਤ ਸ਼ੈਟੀ ਨੇ ਫਿਲਮ ‘ਸਿੰਘਮ ਅਗੇਨ’ ‘ਚ ਪੂਰੇ ਬਾਲੀਵੁੱਡ ਨੂੰ ਆਪਣੇ ਕਲਾਵੇ ‘ਚ ਲੈ ਲਿਆ ਹੈ। ਇਸ ਫਿਲਮ ਦੀ ਸਟਾਰਕਾਸਟ ਅਜੇ ਦੇਵਗਨ, ਕਰੀਨਾ ਕਪੂਰ, ਅਰਜੁਨ ਕਪੂਰ, ਰਣਵੀਰ ਸਿੰਘ, ਜੈਕੀ ਸ਼ਰਾਫ, ਦੀਪਿਕਾ ਪਾਦੂਕੋਣ ਹਨ। ਇਸ ਫਿਲਮ ਨੇ ਬਾਕਸ ਆਫਿਸ ‘ਤੇ 180 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ।
ਹਿੰਦੂਸਥਾਨ ਸਮਾਚਾਰ
