Shri Kedarnath Dham: ਕੇਦਾਰਨਾਥ ਧਾਮ ਸਮੇਤ ਚਾਰਧਾਮ ਮੰਦਰ ਦੇ ਦਰਵਾਜ਼ੇ ਬੰਦ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਹੋ ਗਈ ਹੈ। ਇਸ ਦੇ ਲਈ ਮੰਦਰ ਨੂੰ 10 ਕੁਇੰਟਲ ਫੁੱਲਾਂ ਨਾਲ ਸਜਾਇਆ ਜਾ ਰਿਹਾ ਹੈ। ਕੇਦਾਰਨਾਥ ਧਾਮ ਦੇ ਦਰਵਾਜ਼ੇ 3 ਨਵੰਬਰ ਨੂੰ ਭਈਆ ਦੂਜ ਦੇ ਤਿਉਹਾਰ ਮੌਕੇ ਬੰਦ ਕਰ ਦਿੱਤੇ ਜਾਣਗੇ।
ਭਈਆ ਦੂਜ ਦੇ ਮੌਕੇ ‘ਤੇ ਐਤਵਾਰ ਨੂੰ ਸਵੇਰੇ 8.30 ਵਜੇ ਸਰਦੀਆਂ ਦੇ ਮੌਸਮ ਲਈ ਕੇਦਾਰਨਾਥ ਧਾਮ ਦੇ ਦਰਵਾਜ਼ੇ ਬੰਦ ਹੋ ਰਹੇ ਹਨ। ਪਿਛਲੇ ਮੰਗਲਵਾਰ, ਕੇਦਾਰਨਾਥ ਧਾਮ ਵਿੱਚ ਭਕੁੰਟ ਭੈਰਵਨਾਥ ਦੇ ਦਰਵਾਜ਼ੇ ਸਰਦੀਆਂ ਲਈ ਬੰਦ ਕਰ ਦਿੱਤੇ ਗਏ ਸਨ। ਇਸ ਤਰ੍ਹਾਂ ਦਰਵਾਜ਼ੇ ਬੰਦ ਕਰਨ ਦੀ ਪ੍ਰਕਿਰਿਆ ਵੀ ਸ਼ੁਰੂ ਹੋ ਗਈ ਹੈ।
ਬਦਰੀਨਾਥ-ਕੇਦਾਰਨਾਥ ਮੰਦਿਰ ਕਮੇਟੀ ਦੇ ਮੀਡੀਆ ਇੰਚਾਰਜ ਡਾ. ਹਰੀਸ਼ ਗੌੜ ਨੇ ਦੱਸਿਆ ਕਿ ਕੇਦਾਰਨਾਥ ਮੰਦਰ ਨੂੰ ਦੀਵਾਲੀ ਅਤੇ ਦਰਵਾਜੇ ਬੰਦ ਹੋਣ ਦੇ ਮੌਕੇ ’ਤੇ ਮੰਦਰ ਕਮੇਟੀ ਅਤੇ ਦਾਨੀ ਸੱਜਣਾਂ ਵੱਲੋਂ 10 ਕੁਇੰਟਲ ਤੋਂ ਵੱਧ ਫੁੱਲਾਂ ਨਾਲ ਸਜਾਇਆ ਜਾ ਰਿਹਾ ਹੈ।
ਕਮੇਟੀ ਮੁਤਾਬਕ ਬਦਰੀਨਾਥ ਧਾਮ ਦੇ ਦਰਵਾਜ਼ੇ 17 ਨਵੰਬਰ ਨੂੰ ਬੰਦ ਹੋ ਰਹੇ ਹਨ। 4 ਨਵੰਬਰ ਨੂੰ ਤੀਜੇ ਕੇਦਾਰ ਤੁੰਗਨਾਥ ਅਤੇ 20 ਨਵੰਬਰ ਨੂੰ ਦੂਜੇ ਕੇਦਾਰ ਮਦਮਹੇਸ਼ਵਰ ਦੇ ਦਰਵਾਜ਼ੇ ਸਰਦੀਆਂ ਲਈ ਬੰਦ ਹੋਣ ਜਾ ਰਹੇ ਹਨ।
ਗੰਗੋਤਰੀ ਮੰਦਿਰ ਕਮੇਟੀ ਅਤੇ ਯਮੁਨੋਤਰੀ ਮੰਦਿਰ ਕਮੇਟੀ ਅਨੁਸਾਰ ਗੰਗੋਤਰੀ ਧਾਮ ਦਰਵਾਜ਼ੇ ਅੰਨਕੂਟ 02 ਨਵੰਬਰ ਨੂੰ ਬੰਦ ਹੋਣਗੇ ਜਦਕਿ ਯਮੁਨੋਤਰੀ ਧਾਮ ਦੇ ਦਰਵਾਜ਼ੇ ਵੀ ਭਈਆ ਦੂਜ ਵਾਲੇ ਦਿਨ 03 ਨਵੰਬਰ ਨੂੰ ਬੰਦ ਹੋ ਰਹੇ ਹਨ।
ਹਿੰਦੂਸਥਾਨ ਸਮਾਚਾਰ
