Mithun Chakraborty: ਅੱਜ 8 ਅਕਤੂਬਰ ਨੂੰ ਦਿੱਲੀ ਦੇ ਵਿਗਿਆਨ ਭਵਨ ਵਿੱਚ ਰਾਸ਼ਟਰੀ ਫਿਲਮ ਪੁਰਸਕਾਰ ਸਮਾਰੋਹ ਦਾ ਆਯੋਜਨ ਕੀਤਾ ਗਿਆ। ਰਾਸ਼ਟਰਪਤੀ ਦ੍ਰੋਪਤੀ ਮੁਰਮੂ ਨੇ ਭਾਰਤੀ ਸਿਨੇਮਾ ਵਿੱਚ ਸ਼ਾਨਦਾਰ ਯੋਗਦਾਨ ਲਈ ਸੀਨੀਅਰ ਅਦਾਕਾਰ ਅਤੇ ਭਾਜਪਾ ਨੇਤਾ ਮਿਥੁਨ ਚੱਕਰਵਰਤੀ ਨੂੰ ਸਿਨੇਮਾ ਲਈ ਵੱਕਾਰੀ ਦਾਦਾ ਸਾਹਿਬ ਫਾਲਕੇ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ। ਦਸ ਦਇਏ ਕਿ ਸੂਚਨਾ ਅਤੇ ਪ੍ਰਸਾਰਣ ਮੰਤਰੀ ਅਸ਼ਵਿਨੀ ਵੈਸ਼ਨਵ ਨੇ ਹਾਲ ਹੀ ‘ਚ ਇਸ ਦਾ ਐਲਾਨ ਕੀਤਾ ਸੀ।ਦੱਸ ਦੇਈਏ ਕਿ ਸਾਲ 2022 ਵਿੱਚ ਰਿਲੀਜ਼ ਹੋਈਆਂ ਫਿਲਮਾਂ ਅਤੇ ਅਦਾਕਾਰਾਂ ਨੂੰ ਰਾਸ਼ਟਰੀ ਫਿਲਮ ਪੁਰਸਕਾਰਾਂ ਵਿੱਚ ਸਨਮਾਨਿਤ ਕੀਤਾ ਗਿਆ ਹੈ।
#WATCH | Veteran actor Mithun Chakraborty receives the Dadasaheb Phalke Award at a ceremony in Delhi
(Video source: DD News/YouTube) pic.twitter.com/jWVRUIILyr
— ANI (@ANI) October 8, 2024
ਇਸ ਦੇ ਨਾਲ ਹੀ ਲਗਭਗ ਪੰਜ ਦਹਾਕਿਆਂ ਤੱਕ ਸਿਨੇਮਾ ‘ਤੇ ਰਾਜ ਕਰ ਰਹੇ ਮਿਥੁਨ ਨੂੰ ਦਾਦਾ ਸਾਹਿਬ ਐਵਾਰਡ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਇਸ ਵੱਕਾਰੀ ਐਵਾਰਡ ਨੂੰ ਲੈਣ ਲਈ ਮਿਥੁਨ ਖੁਦ ਵੀ ਸਮਾਰੋਹ ‘ਚ ਪੁੱਜੇ ਸਨ। ਮਿਥੁਨ ਨੇ ਦਾਦਾ ਸਾਹਿਬ ਐਵਾਰਡ ਮਿਲਣ ਤੋਂ ਬਾਅਦ ਰਾਸ਼ਟਰਪਤੀ ਦਾ ਧੰਨਵਾਦ ਕੀਤਾ।
#WATCH | Delhi | Dadasaheb Phalke Award recipient actor Mithun Chakraborty narrates his journey in the Indian film industry and advises the youth to “never give up and always dream”
(Video source: DD News/YouTube) pic.twitter.com/HKJgdKQ7m8
— ANI (@ANI) October 8, 2024
ਨੈਸ਼ਨਲ ਐਵਾਰਡ ਜਿੱਤ ਕੇ ਸ਼ੁਰੂਆਤ ਕੀਤੀ
ਬਾਲੀਵੁੱਡ ਦੇ ਪਹਿਲੇ ‘ਡਿਸਕੋ ਡਾਂਸਰ’ ਮਿਥੁਨ ਚੱਕਰਵਰਤੀ 48 ਸਾਲਾਂ ਤੋਂ ਭਾਰਤੀ ਸਿਨੇਮਾ ਵਿੱਚ ਸਰਗਰਮ ਹਨ। ਲਗਭਗ ਪੰਜ ਦਹਾਕਿਆਂ ਤੱਕ ਫੈਲੇ ਆਪਣੇ ਫਿਲਮੀ ਕਰੀਅਰ ਵਿੱਚ, ਮਿਥੁਨ ਨੇ ਕਈ ਹਿੱਟ ਅਤੇ ਫਲਾਪ ਫਿਲਮਾਂ ਦਿੱਤੀਆਂ ਹਨ। ਸਾਲ 1976 ‘ਚ ਫਿਲਮ ‘ਮ੍ਰਿਗਯਾ’ ਨਾਲ ਮਿਥੁਨ ਨੇ ਸਿਨੇਮਾ ਨੂੰ ਗਲੇ ਲਗਾਇਆ। ਇਸ ਫਿਲਮ ਲਈ ਉਸਨੂੰ ਰਾਸ਼ਟਰੀ ਪੁਰਸਕਾਰ ਮਿਲਿਆ ਅਤੇ ਬੰਗਾਲ ਫਿਲਮ ਜਰਨਲਿਸਟ ਐਸੋਸੀਏਸ਼ਨ ਅਵਾਰਡਸ ਵਿੱਚ ਸਰਵੋਤਮ ਅਦਾਕਾਰ ਦਾ ਪੁਰਸਕਾਰ ਵੀ ਮਿਲਿਆ।
ਮਿਥੁਨ ਦਾ ਫਲਾਪ ਫਿਲਮਾਂ ਤੋਂ ਬਾਅਦ ਹੋਏ ਸਨ ਹਿੱਟ
ਮਿਥੁਨ ਨੇ ਆਪਣੇ ਲੰਬੇ ਫਿਲਮੀ ਕਰੀਅਰ ਵਿੱਚ 270 ਫਿਲਮਾਂ ਕੀਤੀਆਂ ਹਨ, ਜਿਸ ਵਿੱਚ 180 ਫਲਾਪ ਫਿਲਮਾਂ ਸ਼ਾਮਲ ਹਨ। ਇਸ ਦੇ ਨਾਲ ਹੀ ਮਿਥੁਨ ਦੀਆਂ ਲਗਾਤਾਰ 33 ਫਿਲਮਾਂ ਵੀ ਫਲਾਪ ਹੋ ਗਈਆਂ ਸਨ। ਫਿਰ ਵੀ, ਮਿਥੁਨ ਦਾ ਭਾਰਤੀ ਸਿਨੇਮਾ ਵਿੱਚ ਸੁਪਰਸਟਾਰ ਦਾ ਟੈਗ ਹੈ। ਮਿਥੁਨ ਦਾ ਨਾਂ ‘ਲਿਮਕਾ ਬੁੱਕ ਆਫ ਰਿਕਾਰਡਸ’ ‘ਚ ਵੀ ਦਰਜ ਹੈ।
ਇਹ ਰਿਕਾਰਡ 35 ਸਾਲ ਬਾਅਦ ਵੀ ਨਹੀਂ ਟੁੱਟਿਆ
ਹਾਲਾਂਕਿ ਅਜਿਹੇ ਕਈ ਸਿਤਾਰੇ ਹਨ ਜਿਨ੍ਹਾਂ ਨੇ ਇਕ ਸਾਲ ‘ਚ ਕਈ ਫਿਲਮਾਂ ਬਣਾਈਆਂ ਹਨ ਪਰ ਇਸ ਲਿਸਟ ‘ਚ ਮਿਥੁਨ ਦਾ ਨਾਂ ਸਭ ਤੋਂ ਉੱਪਰ ਹੈ। ਮਿਥੁਨ ਦਾ ਨੇ ਸਾਲ 1989 ‘ਚ ਲਗਾਤਾਰ 19 ਫਿਲਮਾਂ ਕੀਤੀਆਂ। ਇਸ ਘਟਨਾ ਨੂੰ 35 ਸਾਲ ਹੋ ਗਏ ਹਨ ਅਤੇ ਅੱਜ ਤੱਕ ਕੋਈ ਵੀ ਸੁਪਰਸਟਾਰ ਇਸ ਰਿਕਾਰਡ ਨੂੰ ਤੋੜ ਨਹੀਂ ਸਕਿਆ ਹੈ।
ਜਦੋਂ ਮਿਥੁਨ ਦਾ ਸਟਾਰਡਮ ਢਹਿ ਗਿਆ
ਮਿਥੁਨ ਨੇ 80 ਦੇ ਦਹਾਕੇ ‘ਚ ਸਿਨੇਮਾ ‘ਤੇ ਰਾਜ ਕੀਤਾ। 90 ਦੇ ਦਹਾਕੇ ‘ਚ ਬੈਕ ਟੂ ਬੈਕ ਫਲਾਪ ਫਿਲਮਾਂ ਕਾਰਨ ਮਿਥੁਨ ਦਾ ਕਰੀਅਰ ਮੁਸ਼ਕਲ ‘ਚ ਸੀ। ਖਬਰਾਂ ਦੀ ਮੰਨੀਏ ਤਾਂ ਸਭ ਤੋਂ ਵੱਧ ਫਲਾਪ ਫਿਲਮਾਂ ਦੇਣ ਦਾ ਰਿਕਾਰਡ ਵੀ ਮਿਥੁਨ ਦੇ ਨਾਂ ਹੈ। ਮਿਥੁਨ ਨੇ 9 ਬਲਾਕਬਸਟਰ ਅਤੇ 9 ਸੁਪਰਹਿੱਟ ਫਿਲਮਾਂ ਦਿੱਤੀਆਂ ਹਨ।
