New Delhi: ਦਿੱਲੀ ਵਿੱਚ ਕਾਂਗਰਸ ਦੇ ਆਰਟੀਆਈ ਸੈੱਲ ਦੇ ਮੁਖੀ ਦੇ ਡਰੱਗ ਰੈਕੇਟ ਵਿੱਚ ਫੜੇ ਜਾਣ ਤੋਂ ਬਾਅਦ ਭਾਰਤੀ ਜਨਤਾ ਪਾਰਟੀ ਹਮਲਾਵਰ ਹੋ ਗਈ ਹੈ। ਭਾਜਪਾ ਨੇ ਕਾਂਗਰਸ ‘ਤੇ ਨਿਸ਼ਾਨਾ ਸਾਧਦੇ ਹੋਏ ਕਿਹਾ ਕਿ ਰਾਹੁਲ ਗਾਂਧੀ ਦੀ ਮੁਹੱਬਤ ਦੀ ਦੁਕਾਨ ਵਿੱਚ ਨਫਰਤ ਦੇ ਸਮਾਨ ਦੇ ਨਾਲ ਹੁਣ ਨਸ਼ੇ ਦਾ ਸਮਾਨ ਵੀ ਮਿਲਦਾ ਹੈ।
ਭਾਜਪਾ ਦੇ ਰਾਸ਼ਟਰੀ ਬੁਲਾਰੇ ਡਾਕਟਰ ਸੁਧਾਂਸ਼ੂ ਤ੍ਰਿਵੇਦੀ ਨੇ ਵੀਰਵਾਰ ਨੂੰ ਪਾਰਟੀ ਹੈੱਡਕੁਆਰਟਰ ‘ਤੇ ਪ੍ਰੈੱਸ ਕਾਨਫਰੰਸ ‘ਚ ਕਿਹਾ ਕਿ ਬੁੱਧਵਾਰ ਨੂੰ ਦਿੱਲੀ ‘ਚ 5,600 ਕਰੋੜ ਰੁਪਏ ਦੇ ਡਰੱਗਜ਼ ਜ਼ਬਤ ਕੀਤੇ ਗਏ। ਇਹ ਮਾਤਰਾ ਇਸ ਲਈ ਮਹੱਤਵਪੂਰਨ ਹੈ ਕਿਉਂਕਿ ਕਾਂਗਰਸ ਦੀ ਅਗਵਾਈ ਵਾਲੀ ਯੂਪੀਏ ਸਰਕਾਰ (2006-2013) ਦੌਰਾਨ ਦੇਸ਼ ਭਰ ਵਿੱਚ ਸਿਰਫ਼ 768 ਕਰੋੜ ਰੁਪਏ ਦੇ ਨਸ਼ੇ ਫੜੇ ਗਏ ਸਨ ਜਦੋਂਕਿ ਭਾਜਪਾ ਸਰਕਾਰ ਨੇ 2014-2022 ਤੱਕ 22 ਹਜ਼ਾਰ ਕਰੋੜ ਰੁਪਏ ਦੇ ਨਸ਼ੇ ਜ਼ਬਤ ਕੀਤੇ। ਉਨ੍ਹਾਂ ਕਿਹਾ ਕਿ ਡਰੱਗ ਸਿੰਡੀਕੇਟ ਦਾ ਮੁੱਖ ਮੁਲਜ਼ਮ ਤੁਸ਼ਾਰ ਗੋਇਲ ਭਾਰਤੀ ਯੂਥ ਕਾਂਗਰਸ ਦੇ ਆਰ.ਟੀ.ਆਈ ਸੈੱਲ ਦਾ ਮੁਖੀ ਹੈ। ਉਨ੍ਹਾਂ ਪੁੱਛਿਆ ਕਿ ਤੁਸ਼ਾਰ ਗੋਇਲ ਨਾਲ ਕਾਂਗਰਸ ਦਾ ਕੀ ਸਬੰਧ ਹੈ? ਕੀ ਇਹ ਪੈਸਾ ਕਾਂਗਰਸ ਚੋਣਾਂ ‘ਚ ਵਰਤ ਰਹੀ ਸੀ? ਕੀ ਕੁਝ ਕਾਂਗਰਸੀ ਲੀਡਰਾਂ ਦੀ ਨਸ਼ਾ ਤਸਕਰਾਂ ਨਾਲ ਕੋਈ ਸੈਟਿੰਗ ਹੈ? ਕਾਂਗਰਸ, ਖਾਸ ਕਰਕੇ ਹੁੱਡਾ ਪਰਿਵਾਰ ਨੂੰ ਜਵਾਬ ਦੇਣਾ ਚਾਹੀਦਾ ਹੈ ਕਿ ਤੁਸ਼ਾਰ ਗੋਇਲ ਨਾਲ ਤੁਹਾਡਾ ਕੀ ਸਬੰਧ ਹੈ?
ਤ੍ਰਿਵੇਦੀ ਨੇ ਕਿਹਾ ਕਿ ਮਾਮਲਾ ਇੱਥੋਂ ਅੱਗੇ ਵਧਦਾ ਹੈ, ਮੁਲਜ਼ਮ ਦੇ ਨਾਲ ਕਾਂਗਰਸ ਸੰਗਠਨ ਦੇ ਜਨਰਲ ਸਕੱਤਰ ਕੇਸੀ ਵੇਣੂਗੋਪਾਲ ਦੀਆਂ ਤਸਵੀਰਾਂ ਵੀ ਹਨ। ਕੋਈ ਵੀ ਫੋਟੋ ਖਿੱਚ ਸਕਦਾ ਹੈ, ਏਜੰਸੀਆਂ ਨੇ ਮੁਲਜ਼ਮ ਕੋਲੋਂ ਦੀਪੇਂਦਰ ਹੁੱਡਾ ਦਾ ਫ਼ੋਨ ਨੰਬਰ ਵੀ ਬਰਾਮਦ ਕਰ ਲਿਆ ਹੈ। ਇਸ ਨਾਲ ਕਾਂਗਰਸ ਅਤੇ ਇਸ ਮਾਮਲੇ ਦੇ ਸਬੰਧਾਂ ‘ਤੇ ਗੰਭੀਰ ਸਵਾਲ ਖੜ੍ਹੇ ਹੁੰਦੇ ਹਨ। ਮੋਬਾਈਲ ਫੋਨ ‘ਤੇ ਦੀਪੇਂਦਰ ਹੁੱਡਾ ਦੀ ਫੋਟੋ ਹੈ, ਬਲਕਿ ਉਨ੍ਹਾਂ ਦਾ ਨੰਬਰ ਵੀ ਹੈ, ਨਾਲ ਹੀ ਯੂਥ ਕਾਂਗਰਸ ਦਾ ਇੱਕ ਨਿਯੁਕਤੀ ਪੱਤਰ ਵੀ ਹੈ, ਜਿਸ ‘ਚ ਉਨ੍ਹਾਂ ਦੀ ਗਤੀਸ਼ੀਲ ਅਗਵਾਈ ਦਾ ਜ਼ਿਕਰ ਹੈ।
ਭਾਜਪਾ ਦੇ ਬੁਲਾਰੇ ਤ੍ਰਿਵੇਦੀ ਨੇ ਪੁੱਛਿਆ ਕਿ ਕੀ ਰਾਹੁਲ ਅਤੇ ਸੋਨੀਆ ਗਾਂਧੀ ਇਸ ‘ਤੇ ਆਪਣਾ ਸਟੈਂਡ ਸਪੱਸ਼ਟ ਕਰਨਗੇ? ਕੀ ਜ਼ਬਤ ਕੀਤੇ ਗਏ ਪੈਸੇ ਦਾ ਕਾਂਗਰਸ ਦੇ ਅਹੁਦੇਦਾਰ ਦੀ ਸ਼ਮੂਲੀਅਤ ਵਾਲੇ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਨਾਲ ਕੋਈ ਸਬੰਧ ਹੈ ? ਕੀ ਪਹਿਲਾਂ ਵੀ ਇਸ ਤਰ੍ਹਾਂ ਦੇ ਧਨ ਦੇ ਹੋਰ ਮਾਮਲੇ ਸਾਹਮਣੇ ਆਏ ਹਨ?
ਹਿੰਦੂਸਥਾਨ ਸਮਾਚਾਰ
