Patna News: ਨੇਪਾਲ ਅਤੇ ਬਿਹਾਰ ਵਿੱਚ ਬਾਰਸ਼ ਨਾਲ ਉੱਤਰੀ ਬਿਹਾਰ ਦੇ 12 ਜ਼ਿਲ੍ਹਿਆਂ ਦੀ ਲਗਭਗ 16 ਲੱਖ ਆਬਾਦੀ ਪ੍ਰਭਾਵਿਤ ਹੈ। ਹਾਲਾਂਕਿ ਸੋਮਵਾਰ ਸਵੇਰੇ ਸੁਪੌਲ ਜ਼ਿਲ੍ਹੇ ਦੇ ਵੀਰਪੁਰ ਸਥਿਤ ਕੋਸੀ ਬੈਰਾਜ ਦੇ ਸਾਰੇ 56 ਫਾਟਕ ਬੰਦ ਕਰ ਦਿੱਤੇ ਗਏ। ਜਿਸ ਕਾਰਨ ਆਉਣ ਵਾਲੇ ਦਿਨਾਂ ਵਿੱਚ ਲੋਕਾਂ ਨੂੰ ਰਾਹਤ ਮਿਲਣ ਦੀ ਉਮੀਦ ਹੈ। ਇਹ ਪਿਛਲੇ ਚਾਰ ਦਿਨਾਂ ਤੋਂ ਖੁੱਲ੍ਹੇ ਸੀ। ਕੋਸੀ-ਸੀਮਾਂਚਲ ‘ਚ ਪਿਛਲੇ 24 ਘੰਟਿਆਂ ਦੌਰਾਨ ਹੜ੍ਹ ਦੇ ਪਾਣੀ ‘ਚ ਡੁੱਬਣ ਕਾਰਨ 06 ਲੋਕਾਂ ਦੀ ਮੌਤ ਹੋ ਗਈ ਹੈ।
#WATCH | Bihar: Water of river Kosi has engulfed many northeastern districts of the state; normal life affected by floods-like situations in Supaul.
(Visuals from Bhaptiyahi village in Supaul) pic.twitter.com/1VMCE4Ix8k
— ANI (@ANI) September 30, 2024
16 ਲੱਖ ਦੀ ਆਬਾਦੀ ਪ੍ਰਭਾਵਿਤ
ਅਧਿਕਾਰੀਆਂ ਮੁਤਾਬਕ ਬਕਸਰ, ਭੋਜਪੁਰ, ਸਾਰਨ, ਪਟਨਾ, ਸਮਸਤੀਪੁਰ, ਬੇਗੂਸਰਾਏ, ਮੁੰਗੇਰ ਅਤੇ ਭਾਗਲਪੁਰ ਸਮੇਤ ਗੰਗਾ ਦੇ ਕਿਨਾਰੇ ਸਥਿਤ ਲਗਭਗ 13 ਜ਼ਿਲ੍ਹੇ ਪਹਿਲਾਂ ਹੀ ਹੜ੍ਹ ਵਰਗੀ ਸਥਿਤੀ ਦਾ ਸਾਹਮਣਾ ਕਰ ਰਹੇ ਹਨ। ਉੱਤਰੀ ਬਿਹਾਰ ਦੇ 12 ਜ਼ਿਲ੍ਹਿਆਂ ਦੀ ਲਗਭਗ 16 ਲੱਖ ਆਬਾਦੀ ਪ੍ਰਭਾਵਿਤ ਹੈ। ਹਾਲਾਂਕਿ ਸੋਮਵਾਰ ਸਵੇਰੇ ਸੁਪੌਲ ਜ਼ਿਲ੍ਹੇ ਦੇ ਵੀਰਪੁਰ ਸਥਿਤ ਕੋਸੀ ਬੈਰਾਜ ਦੇ ਸਾਰੇ 56 ਗੇਟ ਬੰਦ ਕਰ ਦਿੱਤੇ ਗਏ। ਜਿਸ ਕਾਰਨ ਆਉਣ ਵਾਲੇ ਦਿਨਾਂ ਵਿੱਚ ਲੋਕਾਂ ਨੂੰ ਰਾਹਤ ਮਿਲਣ ਦੀ ਉਮੀਦ ਹੈ। ਇਹ ਗੇਟ ਪਿਛਲੇ ਚਾਰ ਦਿਨਾਂ ਤੋਂ ਖੁੱਲ੍ਹਾ ਸੀ। ਕੋਸੀ-ਸੀਮਾਂਚਲ ‘ਚ ਪਿਛਲੇ 24 ਘੰਟਿਆਂ ਦੌਰਾਨ ਹੜ੍ਹ ਦੇ ਪਾਣੀ ‘ਚ ਡੁੱਬਣ ਕਾਰਨ 6 ਲੋਕਾਂ ਦੀ ਮੌਤ ਹੋ ਗਈ ਹੈ।
ਕਈ ਬੰਨ੍ਹ ਟੁੱਟੇ
ਐਤਵਾਰ-ਸੋਮਵਾਰ ਦਰਮਿਆਨੀ ਰਾਤ ਨੂੰ ਦਰਭੰਗਾ ਜ਼ਿਲੇ ਦੇ ਕੀਰਤਪੁਰ ਬਲਾਕ ਦੇ ਭੁਭੌਲ ਪਿੰਡ ਨੇੜੇ ਕੋਸੀ ਬੰਨ੍ਹ ਟੁੱਟਣ ਕਾਰਨ ਕੋਸੀ ਬੈਰਾਜ ਦੇ ਗੇਟ ਖੁੱਲ੍ਹਣ ਤੋਂ ਬਾਅਦ ਤੀਜੇ ਦਿਨ ਹੜ੍ਹ ਦਾ ਪਾਣੀ ਕੀਰਤਪੁਰ ਬਲਾਕ ਅਤੇ ਘਨਸ਼ਿਆਮਪੁਰ ਬਲਾਕ ਤੱਕ ਪਹੁੰਚ ਗਿਆ। ਐਤਵਾਰ ਦੇਰ ਸ਼ਾਮ ਤੋਂ ਹੀ ਦਰਭੰਗਾ ਜ਼ਿਲ੍ਹਾ ਪ੍ਰਸ਼ਾਸਨ ਵੱਲੋਂ ਇਸ ਨੂੰ ਬਚਾਉਣ ਦੇ ਯਤਨ ਕੀਤੇ ਜਾ ਰਹੇ ਸਨ ਪਰ ਇਹ ਪਾਣੀ ਦਾ ਦਬਾਅ ਨਾ ਝੱਲ ਸਕਿਆ ਅਤੇ ਰਾਤ 1 ਵਜੇ ਟੁੱਟ ਗਿਆ। ਬਾਗਮਤੀ ਨਦੀ ਉੱਤਰੀ ਬਿਹਾਰ ਦੀਆਂ ਪ੍ਰਮੁੱਖ ਨਦੀਆਂ ਵਿੱਚੋਂ ਇੱਕ ਹੈ ਜੋ ਮੁਜ਼ੱਫਰਪੁਰ, ਸੀਤਾਮੜੀ, ਸ਼ਿਵਹਰ ਅਤੇ ਉੱਤਰੀ ਬਿਹਾਰ ਦੇ ਕੁਝ ਮੋਤੀਹਾਰੀ ਖੇਤਰਾਂ ਨੂੰ ਪ੍ਰਭਾਵਿਤ ਕਰਦੀ ਹੈ। ਅਤੇ ਖ਼ਤਰੇ ਦੇ ਨਿਸ਼ਾਨ ਤੋਂ ਉੱਪਰ ਵਹਿ ਰਿਹਾ ਹੈ।
#Bihar | Several parts of Sitamarhi affected due to #floods after the Mandar dam in Belsand Block of Sitamarhi district breaks
Track all the latest updates here: https://t.co/6MOmWAWkxD
(📹 ANI ) pic.twitter.com/id9Xi64KYD
— Hindustan Times (@htTweets) September 29, 2024
ਪਾਵਰ ਪਲਾੰਟ ਵਿੱਚ ਦਾਖਲ ਹੋਇਆ ਪਾਣੀ
ਮੁਜ਼ੱਫਰਪੁਰ ਦੇ ਸਰਹੱਦੀ ਜ਼ਿਲ੍ਹੇ ਸ਼ਿਵਹਰ ਵਿੱਚ ਦੇਰ ਰਾਤ ਬੰਨ੍ਹ ਟੁੱਟਣ ਕਾਰਨ ਮੁਜ਼ੱਫਰਪੁਰ ਜ਼ਿਲ੍ਹੇ ਦੇ ਕਟੜਾ ਅਤੇ ਔਰਈ ਬਲਾਕ ਦੇ ਕਈ ਪਿੰਡ ਪਾਣੀ ਵਿੱਚ ਡੁੱਬ ਗਏ ਹਨ। ਬਾਗਮਤੀ ਨਦੀ ਕਾਰਨ ਮੁਜ਼ੱਫਰਪੁਰ ਦੇ ਔਰਈ ਅਤੇ ਕਟੜਾ ਦੇ ਨਾਲ-ਨਾਲ ਗਾਈਘਾਟ ਬਲਾਕ ਦੇ ਕਈ ਪਿੰਡ ਸੋਮਵਾਰ ਨੂੰ ਪਾਣੀ ਭਰਨ ਨਾਲ ਡੁੱਬ ਰਹੇ ਹਨ। ਪਾਣੀ ਭਰਨ ਨਾਲ ਲੋਕਾਂ ਦੀਆਂ ਮੁਸ਼ਕਲਾਂ ਵਧ ਗਈਆਂ ਹਨ। ਲੋਕ ਉੱਚੀਆਂ ਥਾਵਾਂ ‘ਤੇ ਪਨਾਹ ਲੈ ਰਹੇ ਹਨ। ਮੁਜ਼ੱਫਰਪੁਰ ਦੇ ਕਟੜਾ ਬਲਾਕ ਦੇ ਬਕੁਚੀ ਵਿੱਚ ਵੀ ਬਿਜਲੀ ਗਰਿੱਡ ਦੇ ਅੰਦਰ ਪਾਣੀ ਵੜ ਗਿਆ ਹੈ। ਜਿਸ ਕਾਰਨ ਬਿਜਲੀ ਸਪਲਾਈ ਠੱਪ ਹੋ ਗਈ ਹੈ। ਮੁਜ਼ੱਫਰਪੁਰ ਦੇ ਜ਼ਿਲ੍ਹਾ ਮੈਜਿਸਟਰੇਟ ਸੁਬਰਤ ਕੁਮਾਰ ਅਤੇ ਸੀਨੀਅਰ ਪੁਲਸ ਅਧਿਕਾਰੀ ਰਾਕੇਸ਼ ਕੁਮਾਰ ਨੇ ਸੋਮਵਾਰ ਨੂੰ ਔਰਈ ਅਤੇ ਕਟੜਾ ਬਲਾਕਾਂ ਵਿੱਚ ਹੜ੍ਹ ਪ੍ਰਭਾਵਿਤ ਇਲਾਕਿਆਂ ਦਾ ਦੌਰਾ ਕੀਤਾ।
#WATCH | Bihar: Flood-like situation witnessed in Muzaffarpur as water enters Bakuchi Power Grid complex in Katra. pic.twitter.com/eY6jxZeFnC
— ANI (@ANI) September 30, 2024
ਕੋਸੀ-ਸੀਮਾਂਚਲ ‘ਚ ਡੁੱਬਣ ਨਾਲ 06 ਦੀ ਮੌਤ
ਕੋਸੀ-ਸੀਮਾਂਚਲ ਅਤੇ ਆਸਪਾਸ ਦੇ ਜ਼ਿਲ੍ਹਿਆਂ ਵਿੱਚ ਡੁੱਬਣ ਨਾਲ ਛੇ ਲੋਕਾਂ ਦੀ ਮੌਤ ਹੋ ਗਈ। ਅਰਰੀਆ ‘ਚ ਤਿੰਨ ਲੋਕਾਂ ਦੀ ਮੌਤ ਹੋ ਗਈ ਜਦਕਿ ਕਿਸ਼ਨਗੰਜ ‘ਚ ਵੀ ਦੋ ਲੋਕਾਂ ਦੀ ਮੌਤ ਹੋ ਗਈ। ਸੁਪੌਲ ‘ਚ ਪਾਣੀ ਵਿੱਚ ਨੌਜਵਾਨ ਲਾਪਤਾ ਹੋ ਗਿਆ, ਜਿਸ ਦੀ ਭਾਲ ਜਾਰੀ ਹੈ। ਅਰਰੀਆ ਦੇ ਪਲਾਸੀ ਬਲਾਕ ‘ਚ ਵੱਖ-ਵੱਖ ਥਾਵਾਂ ‘ਤੇ ਹੜ੍ਹ ਦੇ ਪਾਣੀ ‘ਚ ਡੁੱਬਣ ਕਾਰਨ 12 ਸਾਲਾ ਲੜਕੀ ਲਾਪਤਾ ਹੋ ਗਈ ਅਤੇ 55 ਸਾਲਾ ਵਿਅਕਤੀ ਦੀ ਮੌਤ ਹੋ ਗਈ, ਜਦੋਂ ਕਿ ਦੋ ਸਾਲਾ ਪ੍ਰਿਆਂਸ਼ੀ ਦੀ ਪਾਣੀ ਦੇ ਡੂੰਘੇ ਟੋਏ ਵਿੱਚ ਡਿੱਗਣ ਨਾਲ ਮੌਤ ਹੋ ਗਈ। ਕਿਸ਼ਨਗੰਜ ‘ਚ 16 ਸਾਲਾ ਲੜਕੀ ਦੀ ਬੁਡੀਡਾਂਗੀ ਨਦੀ ‘ਚ ਨਹਾਉਂਦੇ ਸਮੇਂ ਡੁੱਬ ਕੇ ਮੌਤ ਹੋ ਗਈ। ਉਸਦੀ ਪਛਾਣ 16 ਸਾਲ ਦੀ ਸੰਗੀਤਾ ਪੁੱਤਰੀ ਸ਼ੰਕਰ ਸਾਹਨੀ ਵਾਸੀ ਚੁਰਲੀ ਹਟੀਆ ਵਜੋਂ ਹੋਈ ਹੈ। ਸੁਪੌਲ ਦੇ ਜਦੀਆ ਥਾਣਾ ਖੇਤਰ ਦੇ ਗੋਵਿੰਦਪੁਰ ਸਾਈਫਨ ਨੇੜੇ ਪਾਣੀ ’ਚ 30 ਸਾਲਾ ਨੌਜਵਾਨ ਲਾਪਤਾ ਹੋ ਗਿਆ।
ਹਿੰਦੂਸਥਾਨ ਸਮਾਚਾਰ
