Mohali News: ਜ਼ੀਰਕਪੁਰ ਦੇ ਢਕੋਲੀ ਸਥਿਤ ਬਸੰਤ ਵਿਹਾਰ ਫੇਜ਼ 3 ਵਿੱਚ ਬੀਤੀ ਰਾਤ ਕਰੀਬ 12.15 ਵਜੇ ਇੱਕ ਵਿਅਕਤੀ ਦਾ ਕਤਲ ਕਰ ਦਿੱਤਾ ਗਿਆ। ਲਾਸ਼ ਨੂੰ ਨੇੜਲੇ ਨਾਲੇ ਵਿੱਚ ਸੁੱਟ ਦਿੱਤਾ ਗਿਆ।
ਵਾਰਦਾਤ ਵਾਲੀ ਥਾਂ ‘ਤੇ ਖੂਨ ਨਾਲ ਲੱਥਪੱਥ ਇੱਟ ਅਤੇ ਇਕ ਸੋਟੀ ਪਈ ਮਿਲੀ। ਸਵੇਰੇ ਸੈਰ ਕਰਨ ਜਾ ਰਹੇ ਲੋਕਾਂ ਨੇ ਇਸ ਦੀ ਸੂਚਨਾ ਢਕੋਲੀ ਪੁਲੀਸ ਨੂੰ ਦਿੱਤੀ। ਸੂਚਨਾ ਮਿਲਦੇ ਹੀ ਪੁਲਸ ਸਵੇਰੇ 6:45 ‘ਤੇ ਪਹੁੰਚੀ ਅਤੇ 200 ਮੀਟਰ ਦੇ ਖੇਤਰ ਨੂੰ ਸੀਲ ਕਰ ਦਿੱਤਾ ਗਿਆ।
ਫੋਰੈਂਸਿਕ ਟੀਮ ਸਵੇਰੇ 9:45 ਵਜੇ ਘਟਨਾ ਵਾਲੀ ਥਾਂ ‘ਤੇ ਪਹੁੰਚੀ ਅਤੇ ਨਮੂਨੇ ਲਏ। ਘਟਨਾ ਵਾਲੀ ਥਾਂ ਤੋਂ 10 ਕਦਮਾਂ ਦੀ ਦੂਰੀ ‘ਤੇ ਝੁੱਗੀ-ਝੌਂਪੜੀ ਵਾਲਾ ਇਲਾਕਾ ਹੈ। ਇੱਥੇ ਕਰੀਬ 300 ਝੁੱਗੀਆਂ ਬਣੀਆਂ ਹੋਈਆਂ ਹਨ ਪਰ ਕਿਸੇ ਨੂੰ ਵੀ ਇਸ ਘਟਨਾ ਦੀ ਕੋਈ ਸੂਹ ਨਹੀਂ ਸੀ।ਘਟਨਾ ਵਾਲੀ ਥਾਂ ਤੋਂ ਕੁਝ ਕਦਮ ਦੂਰ ਇੱਕ ਘਰ ਵਿੱਚ ਲੱਗੇ ਸੀਸੀਟੀਵੀ ਵਿੱਚ ਕੁਝ ਹਿਲਜੁਲ ਨਜ਼ਰ ਆ ਰਹੀ ਸੀ, ਜਿਸ ਵਿੱਚ ਲੜਾਈ ਹੁੰਦੀ ਦਿਖਾਈ ਦੇ ਰਹੀ ਸੀ। ਪਰ ਸੜਕ ’ਤੇ ਹਨੇਰਾ ਹੋਣ ਕਾਰਨ ਕਿਸੇ ਦਾ ਚਿਹਰਾ ਸਾਫ਼ ਨਜ਼ਰ ਨਹੀਂ ਆ ਰਿਹਾ।
ਹਿੰਦੂਸਥਾਨ ਸਮਾਚਾਰ
