Chandigarh: ਹਰਿਆਣਾ ਦੇ ਨਰਾਇਣਗੜ੍ਹ ਤੋਂ ਭਾਜਪਾ ਉਮੀਦਵਾਰ ਪਵਨ ਸੈਣੀ ਨੂੰ ਚੋਣ ਪ੍ਰਚਾਰ ਦੌਰਾਨ ਲੋਕਾਂ ਦੇ ਵਿਰੋਧ ਦਾ ਸਾਹਮਣਾ ਕਰਨਾ ਪਿਆ। ਪਵਨ ਸੈਣੀ ਨੂੰ ਐਤਵਾਰ ਰਾਤ ਚੋਣ ਪ੍ਰਚਾਰ ਦੌਰਾਨ ਕਰੀਬ ਦੋ ਘੰਟੇ ਤੱਕ ਬੰਧਕ ਬਣਾ ਕੇ ਰੱਖਿਆ ਗਿਆ। ਅੰਬਾਲਾ ਦੇ ਐਸਪੀ ਨੇ ਮੌਕੇ ’ਤੇ ਪਹੁੰਚ ਕੇ ਸਥਿਤੀ ’ਤੇ ਕਾਬੂ ਪਾਇਆ। ਗੁੱਸੇ ਵਿੱਚ ਆਏ ਪਿੰਡ ਵਾਸੀਆਂ ਨੂੰ ਸ਼ਾਂਤ ਕਰਨ ਲਈ ਪੁਲਿਸ ਨੂੰ ਲਾਠੀਚਾਰਜ ਕਰਨਾ ਪਿਆ।
ਨਰਾਇਣਗੜ੍ਹ ਵਿਧਾਨ ਸਭਾ ਹਲਕਾ ਮੁੱਖ ਮੰਤਰੀ ਨਾਇਬ ਸੈਣੀ ਦਾ ਗ੍ਰਹਿ ਹਲਕਾ ਹੈ। ਨਾਇਬ ਸੈਣੀ ਇਸ ਵਾਰ ਲਾਡਵਾ ਤੋਂ ਚੋਣ ਲੜ ਰਹੇ ਹਨ ਅਤੇ ਪਵਨ ਸੈਣੀ ਜੋ ਕਿ ਲਾਡਵਾ ਤੋਂ ਮੁੱਖ ਦਾਅਵੇਦਾਰ ਸਨ, ਨਰਾਇਣਗੜ੍ਹ ਹਲਕੇ ਤੋਂ ਚੋਣ ਲੜ ਰਹੇ ਹਨ। ਨਰਾਇਣਗੜ੍ਹ ਤੋਂ ਉਮੀਦਵਾਰ ਪਵਨ ਸੈਣੀ ਐਤਵਾਰ ਸ਼ਾਮ ਆਪਣੇ ਕਾਫਲੇ ਨਾਲ ਫਤਿਹਗੜ੍ਹ ਤੋਂ ਵੋਟਾਂ ਮੰਗਣ ਜਾ ਰਹੇ ਸਨ। ਰਸਤੇ ਵਿੱਚ ਕਿਸਾਨਾਂ ਨੇ ਚਾਰੋਂ ਪਾਸਿਓਂ ਟਰੈਕਟਰ ਲਗਾ ਕੇ ਉਨ੍ਹਾਂ ਨੂੰ ਘੇਰ ਲਿਆ। ਉਹ ਕਰੀਬ ਡੇਢ ਘੰਟੇ ਤੱਕ ਕਿਸਾਨਾਂ ਵਿਚਕਾਰ ਫਸੇ ਰਿਹਾ। ਕਿਸਾਨ ਉਨ੍ਹਾਂ ਨੂੰ ਟਰੈਕਟਰ ਚੜ੍ਹਾ ਕੇ ਕੁਚਲਣ ਦਾ ਡਰ ਦਿਖਾਉਂਦੇ ਰਹੇ।
ਇਸ ਦੌਰਾਨ ਕਾਫੀ ਹੰਗਾਮਾ ਹੋਇਆ। ਸੂਚਨਾ ਮਿਲਣ ਤੋਂ ਬਾਅਦ ਅੰਬਾਲਾ ਦੇ ਐੱਸਪੀ ਸੁਰਿੰਦਰ ਭੌਰੀਆ ਭਾਰੀ ਪੁਲਿਸ ਬੱਸ ਨਾਲ ਮੌਕੇ ‘ਤੇ ਪਹੁੰਚੇ। ਪੁਲਿਸ ਨੇ ਲਾਠੀਚਾਰਜ ਕੀਤਾ ਅਤੇ ਪਵਨ ਸੈਣੀ ਨੂੰ ਸੁਰੱਖਿਅਤ ਬਾਹਰ ਕੱਢ ਲਿਆ। ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਪਿੰਡ ਗਰਨਾਲਾ ਵਿੱਚ ਕਿਸਾਨ ਨੇ ਵਿਰੋਧ ਕੀਤਾ। ਉਨ੍ਹਾਂ ਨੂੰ ਕਿਸੇ ਤਰ੍ਹਾਂ ਸਭਾ ਖਤਮ ਕਰਕੇ ਵਾਪਸ ਪਰਤਣਾ ਪਿਆ। ਅਨਿਲ ਵਿਜ ਨੇ ਇਸ ਸਬੰਧੀ ਚੋਣ ਕਮਿਸ਼ਨ ਅਤੇ ਪੁਲਿਸ ਡਾਇਰੈਕਟਰ ਜਨਰਲ ਨੂੰ ਸ਼ਿਕਾਇਤ ਕੀਤੀ ਹੈ। ਉਨ੍ਹਾਂ ਵਿਰੋਧ ਕਰ ਰਹੇ ਕੁਝ ਕਿਸਾਨਾਂ ਦੇ ਨਾਮ ਵੀ ਦੱਸੇ।
ਹਿੰਦੂਸਥਾਨ ਸਮਾਚਾਰ
