Gangtok News: ਸਿੱਕਮ ਸੂਬੇ ਦੇ ਪਾਕਿਯੋਂਗ ਜ਼ਿਲ੍ਹੇ ਦੇ ਅਧੀਨ ਦਲਪਚੰਦ ‘ਚ ਵੀਰਵਾਰ ਨੂੰ ਫੌਜ ਦਾ ਇਕ ਵਾਹਨ ਹਾਦਸਾਗ੍ਰਸਤ ਹੋ ਗਿਆ, ਜਿਸ ‘ਚ ਤਿੰਨ ਫੌਜੀਆਂ ਦੀ ਮੌਤ ਹੋ ਗਈ ਅਤੇ ਇਕ ਗੰਭੀਰ ਜ਼ਖਮੀ ਹੋ ਗਿਆ। ਫੌਜ ਦੀ ਗੱਡੀ ਸੜਕ ਤੋਂ ਕਰੀਬ ਪੰਜ ਸੌ ਫੁੱਟ ਹੇਠਾਂ ਡਿੱਗ ਗਈ ਹੈ।
ਇਹ ਹਾਦਸਾ ਪੂਰਬੀ ਸਿੱਕਮ ਦੇ ਰਿਨੋਕ-ਰੰਗੇਲੀ ਰੋਡ ਦੇ ਅਧੀਨ ਦਲਪਚੰਦ ਵਿਖੇ ਹੋਇਆ। ਵਾਹਨ ‘ਚ ਚਾਰ ਜਵਾਨ ਸਵਾਰ ਸਨ ਅਤੇ ਉਨ੍ਹਾਂ ‘ਚੋਂ ਤਿੰਨ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ। ਇੱਕ ਸਿਪਾਹੀ ਗੰਭੀਰ ਜ਼ਖ਼ਮੀ ਹੋ ਗਿਆ। ਫੌਜ ਦੇ ਜਵਾਨਾਂ ਅਤੇ ਸਥਾਨਕ ਲੋਕਾਂ ਦੀ ਮਦਦ ਨਾਲ ਮੌਕੇ ‘ਤੇ ਬਚਾਅ ਮੁਹਿੰਮ ਚਲਾਈ ਗਈ ਹੈ। ਘਟਨਾ ਬਾਰੇ ਅਜੇ ਹੋਰ ਜਾਣਕਾਰੀ ਆਉਣੀ ਬਾਕੀ ਹੈ।
ਹਿੰਦੂਸਥਾਨ ਸਮਾਚਾਰ
