Mumbai News: ਸਿੰਧੂਦੁਰਗ ਜ਼ਿਲੇ ‘ਚ ਸਥਿਤ ਰਾਜਕੋਟ ਕਿਲ੍ਹੇ ‘ਚ ਸਥਾਪਿਤ ਛਤਰਪਤੀ ਸ਼ਿਵਾਜੀ ਮਹਾਰਾਜ ਦੀ ਮੂਰਤੀ ਬਣਾਉਣ ਵਾਲੇ ਮੂਰਤੀਕਾਰ ਜੈਦੀਪ ਆਪਟੇ ਨੂੰ ਪੁਲਿਸ ਟੀਮ ਨੇ ਬੁੱਧਵਾਰ ਰਾਤ ਨੂੰ ਕਲਿਆਣ ਤੋਂ ਗ੍ਰਿਫਤਾਰ ਕਰ ਲਿਆ ਹੈ। ਵੀਰਵਾਰ ਸਵੇਰੇ ਮਾਲਵਣ ਥਾਣੇ ਦੀ ਟੀਮ ਜੈਦੀਪ ਆਪਟੇ ਨੂੰ ਲੈ ਕੇ ਮਾਲਵਣ ਪਹੁੰਚੀ ਹੈ ਅਤੇ ਮੁਲਜ਼ਮ ਨੂੰ ਅਦਾਲਤ ‘ਚ ਪੇਸ਼ ਕਰਨ ਦੀ ਤਿਆਰੀ ਕਰ ਰਹੀ ਹੈ।
ਰਾਜਕੋਟ ਦੇ ਕਿਲ੍ਹੇ ਵਿੱਚ ਸਥਾਪਿਤ ਸ਼ਿਵਾਜੀ ਮਹਾਰਾਜ ਦੀ ਮੂਰਤੀ 26 ਅਗਸਤ ਨੂੰ ਢਹਿ ਗਈ ਸੀ। ਇਹ ਮੂਰਤੀ ਕਲਿਆਣ ਸਥਿਤ ਮੂਰਤੀਕਾਰ ਜੈਦੀਪ ਆਪਟੇ ਨੇ ਬਣਾਈ ਸੀ। ਜੈਦੀਪ ਆਪਟੇ ‘ਤੇ ਸ਼ਿਵਾਜੀ ਮਹਾਰਾਜ ਦੀ ਮੂਰਤੀ ‘ਚ ਘਟੀਆ ਸਮੱਗਰੀ ਦੀ ਵਰਤੋਂ ਕਰਨ ਦਾ ਦੋਸ਼ ਹੈ। ਸ਼ਿਵਾਜੀ ਮਹਾਰਾਜ ਦੀ ਮੂਰਤੀ ਡਿੱਗਣ ਤੋਂ ਬਾਅਦ ਜੈਦੀਪ ਆਪਟੇ ਫਰਾਰ ਹੋ ਗਏ ਸੀ। ਉਨ੍ਹਾਂ ਨੂੰ ਫੜਨ ਲਈ ਪੁਲਿਸ ਦੀਆਂ ਪੰਜ ਟੀਮਾਂ ਵੱਖ-ਵੱਖ ਥਾਵਾਂ ‘ਤੇ ਛਾਪੇਮਾਰੀ ਕਰ ਰਹੀਆਂ ਹਨ। ਪੁਲਿਸ ਦੇ ਡਿਪਟੀ ਕਮਿਸ਼ਨਰ ਸਚਿਨ ਗੁੰਜਲ ਦੀ ਅਗਵਾਈ ‘ਚ ਗਠਿਤ ਪੁਲਿਸ ਟੀਮ ਨੇ ਬੁੱਧਵਾਰ ਰਾਤ ਜੈਦੀਪ ਆਪਟੇ ਨੂੰ ਕਲਿਆਣ ਸਥਿਤ ਉਨ੍ਹਾਂ ਦੇ ਘਰ ਤੋਂ ਗ੍ਰਿਫਤਾਰ ਕੀਤਾ। ਇਸ ਤੋਂ ਬਾਅਦ ਪੁਲਿਸ ਟੀਮ ਤੁਰੰਤ ਜੈਦੀਪ ਨੂੰ ਲੈ ਕੇ ਮਾਲਵਣ ਲਈ ਰਵਾਨਾ ਹੋ ਗਈ ਸੀ।
ਹਿੰਦੂਸਥਾਨ ਸਮਾਚਾਰ
