New Delhi: ਰਾਸ਼ਟਰੀ ਰਾਜਧਾਨੀ ਦਿੱਲੀ ‘ਤੇ ਪਿਛਲੇ 48 ਘੰਟਿਆਂ ‘ਚ ਬੱਦਲ ਕੁੱਝ ਜਿਆਦਾ ਮਿਹਰਬਾਨ ਹੋਏ ਹਨ। ਚੰਗੀ ਬਾਰਿਸ਼ ਹੋ ਰਹੀ ਹੈ। ਸਾਵਣ ਨਾਲੋਂ ਜਿਆਦਾ ਭਾਦੋ ਸੁਹਾਵਣਾ ਲੱਗ ਰਿਹਾ ਹੈ। ਅੱਜ ਤੜਕੇ ਕਰੀਬ 3 ਵਜੇ ਤੋਂ ਮੀਂਹ ਪੈ ਰਿਹਾ ਹੈ। ਇਸ ਕਾਰਨ ਰਾਜਧਾਨੀ ਦੇ ਕਈ ਹਿੱਸਿਆਂ ‘ਚ ਪਾਣੀ ਭਰ ਗਿਆ ਹੈ। ਕਨਾਟ ਪਲੇਸ ਆਊਟਰ ਸਰਕਲ ਤੋਂ ਮਿੰਟੋ ਰੋਡ ‘ਤੇ ਦਾਖਲ ਹੁੰਦੇ ਹੀ ਲੋਕਾਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਦਿੱਲੀ ਤੋਂ ਇਲਾਵਾ ਦੇ ਨੇੜਲੇ ਰਾਜਾਂ ਉੱਤਰ ਪ੍ਰਦੇਸ਼ ਅਤੇ ਹਰਿਆਣਾ ਦੇ ਨੋਇਡਾ, ਗਾਜ਼ੀਆਬਾਦ, ਫਰੀਦਾਬਾਦ, ਸੋਨੀਪਤ ਅਤੇ ਗੁਰੂਗ੍ਰਾਮ ਵਿੱਚ ਕਈ ਥਾਵਾਂ ‘ਤੇ ਮੀਂਹ ਪਿਆ ਹੈ।
#WATCH | Delhi: Following incessant heavy rainfall in the National Capital, waterlogging is being seen in many places.
Visuals from Parade Road Underpass, Delhi Cantonment. pic.twitter.com/hiiYGJyBmj
— ANI (@ANI) August 29, 2024
ਕਈ ਥਾਵਾਂ ‘ਤੇ ਟ੍ਰੈਫਿਕ ਜਾਮ ਦੀ ਸਮੱਸਿਆ ਹੈ। ਧੌਲਾ ਕੂਆਂ ਨੇੜੇ ਸ਼ੰਕਰ ਵਿਹਾਰ ‘ਚ ਸਵੇਰੇ ਲੋਕਾਂ ਨੂੰ ਹੋਰ ਵੀ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਗੁਰਦੁਆਰਾ ਰਕਾਬ ਗੰਜ ਸਾਹਿਬ, ਜੀਸਸ ਐਂਡ ਮੈਰੀ ਮਾਰਗ, ਮੁਨੀਰਕਾ, ਆਰਕੇ ਪੁਰਮ, ਗੋਲ ਮਾਰਕੀਟ, ਮਹਿਰੌਲੀ-ਬਦਰਪੁਰ ਟਿਗੜੀ ਰੋਡ ਅਤੇ ਦਿੱਲੀ ਛਾਉਣੀ ਵਿੱਚ ਪਰੇਡ ਰੋਡ ਅੰਡਰਪਾਸ ਦੇ ਆਲੇ-ਦੁਆਲੇ ਸੜਕਾਂ ਪਾਣੀ ਵਿੱਚ ਭਰ ਗਈਆਂ। ਮੀਂਹ ਦੇ ਨਾਲ-ਨਾਲ ਹਲਕੀ ਹਵਾ ਵੀ ਚੱਲ ਰਹੀ ਹੈ। ਇਸ ਕਾਰਨ ਠੰਢਕ ਦਾ ਅਹਿਸਾਸ ਹੈ।
ਭਾਰਤੀ ਮੌਸਮ ਵਿਭਾਗ ਨੇ ਅੱਜ ਦਿੱਲੀ ਵਿੱਚ ਬਾਰਿਸ਼ ਲਈ ਯੈਲੋ ਅਲਰਟ ਜਾਰੀ ਕੀਤਾ ਹੈ। ਕਿਹਾ ਗਿਆ ਹੈ ਕਿ ਇਸ ਦੌਰਾਨ ਆਸਮਾਨ ‘ਚ ਬੱਦਲ ਛਾਏ ਰਹਿਣਗੇ ਅਤੇ ਦਰਮਿਆਨੀ ਬਾਰਿਸ਼ ਦਰਜ ਕੀਤੀ ਜਾ ਸਕਦੀ ਹੈ। ਵੱਧ ਤੋਂ ਵੱਧ ਤਾਪਮਾਨ 34 ਅਤੇ ਘੱਟੋ-ਘੱਟ ਤਾਪਮਾਨ 23 ਡਿਗਰੀ ਸੈਲਸੀਅਸ ਹੋ ਸਕਦਾ ਹੈ।
#WATCH | Delhi: Following incessant heavy rainfall in the National Capital, waterlogging and traffic jams are being seen in many places. Visuals from Shankar Vihar near Dhaula Kuan. pic.twitter.com/mre3TZcR4A
— ANI (@ANI) August 29, 2024
ਵਿਭਾਗ ਦਾ ਕਹਿਣਾ ਹੈ ਕਿ 10 ਸਾਲਾਂ ਬਾਅਦ ਅਗਸਤ ਵਿੱਚ ਸਭ ਤੋਂ ਵੱਧ ਬਾਰਿਸ਼ ਦਰਜ ਕੀਤੀ ਗਈ ਹੈ। ਇਸ ਸਾਲ ਮਾਨਸੂਨ ਸੀਜ਼ਨ ‘ਚ 28 ਅਗਸਤ ਤੱਕ 301.4 ਮਿਲੀਮੀਟਰ ਬਾਰਿਸ਼ ਹੋ ਚੁੱਕੀ ਹੈ। ਇਹ 2014 ਤੋਂ ਬਾਅਦ ਸਭ ਤੋਂ ਵੱਧ ਹੈ। ਅਗਸਤ 2014 ਵਿੱਚ 139.1 ਮਿਲੀਮੀਟਰ ਬਾਰਿਸ਼ ਹੋਈ ਸੀ। 2012 ਤੋਂ ਬਾਅਦ ਪਹਿਲੀ ਵਾਰ ਇਸ ਮਹੀਨੇ ‘ਚ ਸਭ ਤੋਂ ਵੱਧ 24 ਦਿਨ ਮੀਂਹ ਪਿਆ ਹੈ।
#WATCH | Several areas of Delhi face waterlogging following overnight heavy rainfall. Visuals around Dhaula Kuan, near Sri Venkateswara College. pic.twitter.com/W4u3BpCyxJ
— ANI (@ANI) August 29, 2024
2012 ਵਿੱਚ ਕੁੱਲ 22 ਦਿਨਾਂ ਦੀ ਬਾਰਿਸ਼ ਦਰਜ ਕੀਤੀ ਗਈ ਸੀ। ਹਾਲਾਂਕਿ ਇਸ ਮਹੀਨੇ ਦੇ ਦੋ ਦਿਨ ਬਾਕੀ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਇਹ ਰਿਕਾਰਡ ਵੀ ਟੁੱਟ ਸਕਦਾ ਹੈ। ਮੌਸਮ ਵਿਭਾਗ ਦੀ ਸਟੈਂਡਰਡ ਆਬਜ਼ਰਵੇਟਰੀ, ਸਫਦਰਜੰਗ ਵਿੱਚ ਸਿਰਫ 3, 22 ਅਤੇ 26 ਅਗਸਤ ਦੇ ਦਿਨ ਹੀ ਅਜਿਹੇ ਰਹੇ ਹਨ, ਜਦੋਂ ਬਾਰਸ਼ ਦਰਜ ਨਹੀਂ ਕੀਤੀ ਗਈ।
ਹਿੰਦੂਸਥਾਨ ਸਮਾਚਾਰ
