Bollywood: ਪਿਛਲੇ ਸਾਲ ਆਈ ਰਣਬੀਰ ਕਪੂਰ ਦੀ ਫਿਲਮ ‘ਐਨੀਮਲ’ ਨੇ ਕਾਫੀ ਹੰਗਾਮਾ ਮਚਾਇਆ ਸੀ। ਕੁਝ ਨੂੰ ਫਿਲਮ ਪਸੰਦ ਆਈ ਤਾਂ ਕੁਝ ਨੇ ਇਸ ਦੀ ਕਾਫੀ ਆਲੋਚਨਾ ਕੀਤੀ। ਕਿਰਨ ਰਾਓ, ਕੋਂਕਣਾ ਸੇਨ, ਕੰਗਨਾ ਰਣੌਤ, ਜਾਵੇਦ ਅਖਤਰ ਨੇ ਫਿਲਮ ‘ਤੇ ਨਿਸ਼ਾਨਾ ਸਾਧਿਆ ਸੀ। ਇੱਥੋਂ ਤੱਕ ਕਿ ‘ਐਨੀਮਲ’ ਦੇ ਨਿਰਦੇਸ਼ਕ ਸੰਦੀਪ ਰੈਡੀ ਵਾਂਗਾ ਅਤੇ ਕਿਰਨ ਰਾਓ ਵਿਚਾਲੇ ਝਗੜਾ ਵੀ ਹੋਇਆ ਸੀ। ਹੁਣ ਅਭਿਨੇਤਾ ਰਾਜਕੁਮਾਰ ਰਾਓ ਨੇ ਵੀ ਫਿਲਮ ਬਾਰੇ ਰਿਵਿਊ ਦਿੱਤਾ ਹੈ।
ਰਾਜਕੁਮਾਰ ਰਾਓ ਇਸ ਸਮੇਂ ‘ਸਤ੍ਰੀ-2’ ਨੂੰ ਲੈ ਕੇ ਸੁਰਖੀਆਂ ‘ਚ ਹਨ। ਪਿਛਲੀ ਫਿਲਮ ‘ਸ਼੍ਰੀਕਾਂਤ’ ‘ਚ ਵੀ ਰਾਜਕੁਮਾਰ ਦੀ ਅਦਾਕਾਰੀ ਸ਼ਲਾਘਾਯੋਗ ਸੀ। ਉਨ੍ਹਾਂ ਨੇ ਹਾਲ ਹੀ ‘ਚ ਫਿਲਮ ਐਨੀਮਲ ਦੇ ਬਾਰੇ ‘ਚ ਇਕ ਇੰਟਰਵਿਊ ‘ਚ ਕਿਹਾ, “ਮੈਨੂੰ ਫਿਲਮ ਦੇਖ ਕੇ ਮਜ਼ਾ ਆਇਆ। ਮੈਨੂੰ ਰਣਬੀਰ ਕਪੂਰ ਦੀ ਐਕਟਿੰਗ ਪਸੰਦ ਆਈ। ਉਨ੍ਹਾਂ ਨੇ ਸ਼ਾਨਦਾਰ ਪ੍ਰਦਰਸ਼ਨ ਦਿੱਤਾ ਹੈ।”
ਉਨ੍ਹਾਂ ਨੇ ਕਿਹਾ, “ਲੋਕ ਫਿਲਮਾਂ ਤੋਂ ਪ੍ਰੇਰਿਤ ਹੁੰਦੇ ਹਨ। ਸ਼ਾਹਰੁਖ ਖਾਨ ਦੀ ਦੇਵਦਾਸ ਆਉਣ ‘ਤੇ ਵੀ ਅਜਿਹਾ ਹੀ ਹੋਇਆ ਸੀ। ਜੇਕਰ ਤੁਸੀਂ ਦੇਵਦਾਸ ਦੇਖਣ ਤੋਂ ਬਾਅਦ ਅਸਲ ਜ਼ਿੰਦਗੀ ‘ਚ ਦੇਵਦਾਸ ਬਣਨ ਜਾ ਰਹੇ ਹੋ, ਤਾਂ ਤੁਹਾਡੇ ਲਈ ਸਮੱਸਿਆ ਹੈ। ਤੁਹਾਡੇ ਸਾਹਮਣੇ ਕੁਝ ਦਿਖਾਇਆ ਜਾਂਦਾ ਹੈ।” ਦੇਵਦਾਸ ਵਰਗਾ ਕੋਈ ਹੈ, ਇਸਦਾ ਮਤਲਬ ਇਹ ਨਹੀਂ ਕਿ ਤੁਹਾਨੂੰ ਵੀ ਅਜਿਹਾ ਕਰਨਾ ਪਵੇਗਾ।”
ਰਾਜਕੁਮਾਰ ਰਾਓ ਦੀ ਫਿਲਮ ‘ਸਤ੍ਰੀ-2’ ਹਾਲ ਹੀ ‘ਚ ਰਿਲੀਜ਼ ਹੋਈ ਹੈ। ਇਸ ‘ਚ ਉਹ ‘ਵਿੱਕੀ’ ਦਾ ਕਿਰਦਾਰ ਨਿਭਾ ਰਹੇ ਹਨ। ਪਹਿਲੇ ਭਾਗ ਦੀ ਤਰ੍ਹਾਂ ‘ਸਤ੍ਰੀ-2’ ਨੂੰ ਵੀ ਦਰਸ਼ਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਗਿਆ ਹੈ। ਰਾਜਕੁਮਾਰ-ਸ਼ਰਧਾ ਦੀ ਕੈਮਿਸਟ੍ਰੀ ਵੀ ਮਜ਼ੇਦਾਰ ਹੈ। ਫਿਲਮ ਨੇ ਦੁਨੀਆ ਭਰ ‘ਚ ਹੁਣ ਤੱਕ 400 ਕਰੋੜ ਰੁਪਏ ਦੀ ਕਮਾਈ ਕਰ ਲਈ ਹੈ।
ਹਿੰਦੂਸਥਾਨ ਸਮਾਚਾਰ
