Prithvi-2 Missile : ਭਾਰਤ ਨੇ ਓਡੀਸ਼ਾ ਦੇ ਤੱਟ ਦੇ ਨੇੜੇ ਇੱਕ ਰੱਖਿਆ ਸੁਵਿਧਾ ਤੋਂ ਵੀਰਵਾਰ ਨੂੰ ਪ੍ਰਮਾਣੂ ਸਮਰੱਥਾ ਵਾਲੀ ਬੈਲਿਸਟਿਕ ਮਿਜ਼ਾਈਲ ਪ੍ਰਿਥਵੀ-2 ਦਾ ਰਾਤ ਦਾ ਪ੍ਰੀਖਣ ਕੀਤਾ। ਡੀਆਰਡੀਓ ਵਿੱਚ ਵਿਕਸਤ ਇਹ ਮਿਜ਼ਾਈਲ 350 ਕਿਲੋਮੀਟਰ ਦੀ ਦੂਰੀ ਤੱਕ ਸਟੀਕ ਵਾਰ ਕਰਨ ਵਿੱਚ ਸਮਰੱਥ ਹੈ। ਪ੍ਰਿਥਵੀ-2 ਮਿਜ਼ਾਈਲ ਨੇ ਇੱਕ ਵਾਰ ਫਿਰ ਸਫਲ ਪ੍ਰੀਖਣ ਵਿੱਚ ਉੱਚ ਪੱਧਰੀ ਸ਼ੁੱਧਤਾ ਨਾਲ ਟੀਚੇ ਨੂੰ ਨਿਸ਼ਾਨਾ ਬਣਾ ਕੇ ਆਪਣੀ ਉਪਯੋਗਤਾ ਸਾਬਤ ਕਰ ਦਿੱਤੀ।
ਰੱਖਿਆ ਮੰਤਰਾਲੇ ਦੇ ਅਨੁਸਾਰ, ਪ੍ਰਿਥਵੀ-2 ਮਿਜ਼ਾਈਲ ਦਾ ਰਾਤ ਦਾ ਪ੍ਰੀਖਣ ਇੰਟੈਗ੍ਰੇਟਿਡ ਟੈਸਟ ਰੇਂਜ, ਚਾਂਦੀਪੁਰ, ਓਡੀਸ਼ਾ ਤੋਂ ਸ਼ਾਮ ਕਰੀਬ 7.46 ਵਜੇ ਕੀਤਾ ਗਿਆ। ਪ੍ਰਮਾਣੂ ਸਮਰੱਥਾ ਵਾਲੀ ਛੋਟੀ ਦੂਰੀ ਦੀ ਬੈਲਿਸਟਿਕ ਮਿਜ਼ਾਈਲ ਨੇ ਇੱਕ ਵਾਰ ਫਿਰ ਸਫਲ ਪ੍ਰੀਖਣ ਵਿੱਚ ਉੱਚ ਪੱਧਰੀ ਸ਼ੁੱਧਤਾ ਨਾਲ ਟੀਚੇ ਨੂੰ ਨਿਸ਼ਾਨਾ ਬਣਾ ਕੇ ਆਪਣੀ ਉਪਯੋਗਤਾ ਸਾਬਤ ਕਰ ਦਿੱਤੀ ਹੈ। ਮਿਜ਼ਾਈਲ ਨੇ ਪ੍ਰੀਖਣ ਦੌਰਾਨ ਸਾਰੇ ਨਿਰਧਾਰਿਤ ਸੰਚਾਲਨ ਅਤੇ ਤਕਨੀਕੀ ਮਾਪਦੰਡਾਂ ਨੂੰ ਪੂਰਾ ਕੀਤਾ। ਮਿਜ਼ਾਈਲ ਦਾ ਪ੍ਰੀਖਣ ਰੁਟੀਨ ਸਿਖਲਾਈ ਪ੍ਰੋਗਰਾਮ ਦੇ ਹਿੱਸੇ ਵਜੋਂ ਕੀਤਾ ਗਿਆ।
ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ (ਡੀਆਰਡੀਓ) ਨੇ ਪ੍ਰਿਥਵੀ-2 ਬੈਲਿਸਟਿਕ ਮਿਜ਼ਾਈਲ ਨੂੰ ਸਵਦੇਸ਼ੀ ਤੌਰ ‘ਤੇ ਵਿਕਸਤ ਕੀਤਾ ਹੈ। ਪ੍ਰਿਥਵੀ-2 ਮਿਜ਼ਾਈਲ ਪ੍ਰਣਾਲੀ ਨੂੰ ਬਹੁਤ ਸਫਲ ਮੰਨਿਆ ਜਾਂਦਾ ਹੈ ਅਤੇ ਇਹ ਬਹੁਤ ਉੱਚ ਪੱਧਰੀ ਸ਼ੁੱਧਤਾ ਨਾਲ ਟੀਚਿਆਂ ਨੂੰ ਮਾਰਨ ਦੇ ਸਮਰੱਥ ਹੈ। ਮਿਜ਼ਾਈਲ ਰਾਤ ਨੂੰ ਲਾਂਚ ਕੀਤੇ ਗਏ ਸਾਰੇ ਸੰਚਾਲਨ ਅਤੇ ਤਕਨੀਕੀ ਮਾਪਦੰਡਾਂ ਨੂੰ ਪੂਰਾ ਕਰਨ ਲਈ ਸਾਬਤ ਹੋਈ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਅਤਿ-ਆਧੁਨਿਕ ਮਿਜ਼ਾਈਲ ਆਪਣੇ ਨਿਸ਼ਾਨੇ ਨੂੰ ਨਿਸ਼ਾਨਾ ਬਣਾਉਣ ਲਈ ਐਡਵਾਂਸ ਇਨਰਸ਼ੀਅਲ ਗਾਈਡੈਂਸ ਸਿਸਟਮ ਦੀ ਵਰਤੋਂ ਕਰਦੀ ਹੈ।
ਡੀਆਰਡੀਓ ਅਨੁਸਾਰ 350 ਕਿ.ਮੀ. ਰੇਂਜ ਤੱਕ ਹਮਲਾ ਕਰਨ ਵਾਲੀ ਇਸ ਮਿਜ਼ਾਈਲ ਨੂੰ ਇੱਕ ਮੋਬਾਈਲ ਲਾਂਚਰ ਤੋਂ ਦਾਗਿਆ ਗਿਆ। ਪ੍ਰਿਥਵੀ-2 ਮਿਜ਼ਾਈਲ ਦੀ ਰੇਂਜ 350 ਕਿਲੋਮੀਟਰ ਹੈ। ਇਹ 500 ਤੋਂ 1,000 ਕਿਲੋਗ੍ਰਾਮ ਤੱਕ ਦੇ ਹਥਿਆਰ ਲਿਜਾਣ ਦੇ ਸਮਰੱਥ ਹੈ। ਸਤ੍ਹਾ ਤੋਂ ਸਤ੍ਹਾ ‘ਤੇ ਮਾਰ ਕਰਨ ਵਾਲੀ ਇਸ ਮਿਜ਼ਾਈਲ ’ਚ ਤਰਲ ਅਤੇ ਠੋਸ ਬਾਲਣ ਵਾਲੇ ਦੋ ਇੰਜਣ ਹਨ। ਇਸਨੂੰ ਤਰਲ ਅਤੇ ਠੋਸ ਇੰਧਨ ਦੋਵਾਂ ਨਾਲ ਚਲਾਇਆ ਜਾਂਦਾ ਹੈ। ਮਿਜ਼ਾਈਲ ਦੇ ਲਾਂਚ ਮਾਰਗ ਦੀ ਨਿਗਰਾਨੀ ਟ੍ਰੈਕਿੰਗ ਪ੍ਰਣਾਲੀਆਂ ਅਤੇ ਟੈਲੀਮੈਟ੍ਰਿਕ ਕੇਂਦਰਾਂ ਵਲੋਂ ਕੀਤੀ ਗਈ।
ਪ੍ਰੀਖਣ ਦੇ ਮੌਕੇ ‘ਤੇ ਰੱਖਿਆ ਖੋਜ ਅਤੇ ਵਿਕਾਸ ਸੰਗਠਨ ਅਤੇ ਆਈਟੀਆਰ ਦੇ ਸੀਨੀਅਰ ਅਧਿਕਾਰੀਆਂ ਅਤੇ ਵਿਗਿਆਨੀਆਂ ਦੀ ਟੀਮ ਮੌਜੂਦ ਸੀ। ਪਿਛਲੇ ਸਾਲ 10 ਜਨਵਰੀ ਨੂੰ ਕੀਤੇ ਗਏ ਪ੍ਰੀਖਣ ਵਿੱਚ ਵੀ ਮਿਜ਼ਾਈਲ ਨੇ ਸਾਰੇ ਨਿਰਧਾਰਤ ਸੰਚਾਲਨ ਅਤੇ ਤਕਨੀਕੀ ਮਾਪਦੰਡਾਂ ਨੂੰ ਪੂਰਾ ਕੀਤਾ ਸੀ। ਇਸ ਤੋਂ ਪਹਿਲਾਂ 15 ਜੂਨ, 2022 ਨੂੰ ਕੀਤੇ ਗਏ ਪ੍ਰੀਖਣ ਦੌਰਾਨ ਪ੍ਰਿਥਵੀ-2 ਮਿਜ਼ਾਈਲ ਪ੍ਰਣਾਲੀ ਨੇ ਟੀਚੇ ਨੂੰ ਸਟੀਕਤਾ ਨਾਲ ਮਾਰ ਕੇ ਆਪਣੀ ਉਪਯੋਗਤਾ ਸਾਬਤ ਕਰ ਦਿੱਤੀ ਸੀ।
ਹਿੰਦੂਸਥਾਨ ਸਮਾਚਾਰ
