Anantnag, Jammu: ਜੰਮੂ-ਕਸ਼ਮੀਰ ਦੇ ਅਨੰਤਨਾਗ ਜ਼ਿਲ੍ਹੇ ਦੇ ਸਿੰਥਨ-ਕੋਕਰਨਾਗ ਰੋਡ ‘ਤੇ ਸ਼ਨੀਵਾਰ ਨੂੰ ਇੱਕ ਵੱਡਾ ਸੜਕ ਹਾਦਸਾ ਵਾਪਰਿਆ। ਇੱਥੇ ਇੱਕ ਕਾਰ ਸੜਕ ਤੋਂ ਤਿਲਕ ਕੇ ਨੇੜੇ ਹੀ ਇੱਕ ਖਜਈ ਵਿੱਚ ਪੱਥਰਾਂ ‘ਤੇ ਜਾ ਡਿੱਗੀ, ਜਿਸ ਕਾਰਨ ਕਾਰ ਵਿੱਚ ਸਵਾਰ ਇੱਕ ਪੁਲਿਸ ਮੁਲਾਜ਼ਮ ਅਤੇ ਪੰਜ ਬੱਚਿਆਂ ਸਮੇਤ ਅੱਠ ਲੋਕਾਂ ਦੀ ਮੌਤ ਹੋ ਗਈ।
ਕੋਕਰਨਾਗ ਦੇ ਉਪ ਮੰਡਲ ਮੈਜਿਸਟ੍ਰੇਟ (ਐੱਸਡੀਐੱਮ) ਸੁਹੇਲ ਅਹਿਮਦ ਨੇ ਦੱਸਿਆ ਕਿ ਹਾਦਸਾ ਦਕਸੁਮ ਨਾਕਾ ਤੋਂ 20 ਕਿਲੋਮੀਟਰ ਦੂਰ ਆਰਸ਼ਾਨ ਹੱਟ ਨੇੜੇ ਵਾਪਰਿਆ। ਉਨ੍ਹਾਂ ਕਿਹਾ ਕਿ ਪੁਲਿਸ ਮੁਲਾਜ਼ਮ ਇਮਤਿਆਜ਼ ਅਹਿਮਦ ਆਪਣੇ ਪੰਜ ਬੱਚਿਆਂ ਅਤੇ ਦੋ ਔਰਤਾਂ ਨਾਲ ਕਾਰ ਵਿੱਚ ਸਵਾਰ ਸੀ ਜਦੋਂ ਕਿਸ਼ਤਵਾੜ-ਅਨੰਤਨਾਗ ਸੜਕ ‘ਤੇ ਆਰਸ਼ਾਨ ਸਥਾਨ ‘ਤੇ ਇਹ ਹਾਦਸਾ ਵਾਪਰਿਆ।
ਉਨ੍ਹਾਂ ਦੱਸਿਆ ਕਿ ਮ੍ਰਿਤਕ ਇਮਤਿਆਜ਼ ਕਿਸ਼ਤਵਾੜ ਤੋਂ ਮਾਡਵਾ ਕਿਸ਼ਤਵਾੜ ਸਥਿਤ ਆਪਣੇ ਘਰ ਪਰਤ ਰਹੇ ਸੀ, ਜਿੱਥੇ ਉਹ ਤਾਇਨਾਤ ਸੀ।
ਹਿੰਦੂਸਥਾਨ ਸਮਾਚਾਰ
