Elon Musk: ਐਕਸ ਦੇ ਮਾਲਕ ਐਲੋਨ ਮਸਕ ਨੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੂੰ ਮਾਈਕ੍ਰੋਬਲਾਗਿੰਗ ਸਾਈਟ ਐਕਸ ‘ਤੇ 100 ਮਿਲੀਅਨ (10 ਕਰੋੜ) ਫਾਲੋਅਰਜ਼ ਹੋਣ ‘ਤੇ ਵਧਾਈ ਦਿੱਤੀ ਹੈ। 19 ਜੁਲਾਈ ਨੂੰ ਰਾਤ 11.11 ਵਜੇ (ਭਾਰਤੀ ਸਮਾਂ) ‘ਤੇ, ਮਸਕ ਨੇ ਪ੍ਰਧਾਨ ਮੰਤਰੀ ਮੋਦੀ ਨੂੰ ਆਪਣੇ ਅਧਿਕਾਰਤ ਐਕਸ ਹੈਂਡਲ ‘ਤੇ ਟੈਗ ਕੀਤਾ ਅਤੇ ਉਨ੍ਹਾਂ ਨੂੰ ਵਧਾਈ ਦਿੱਤੀ।
ਮਸਕ ਨੇ ਕਿਹਾ, ਸਭ ਤੋਂ ਵੱਧ ਫਾਲੋ ਕੀਤੇ ਜਾਣ ਵਾਲੇ ਗਲੋਬਲ ਲੀਡਰ ਬਣਨ ਲਈ ਵਧਾਈ, ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ। ਐਕਸ ਦੇ ਮਾਲਕ ਵਲੋਂ ਕੁਝ ਸ਼ਬਦਾਂ ਦੀ ਇਹ ਪੋਸਟ ਪਲਕ ਝਪਕਦਿਆਂ ਹੀ ਵਾਇਰਲ ਹੋ ਗਈ ਅਤੇ ਸਿਰਫ 20 ਮਿੰਟਾਂ ਵਿੱਚ ਇਸਨੂੰ 7.75 ਲੱਖ ਤੋਂ ਵੱਧ ਐਕਸ ਉਪਭੋਗਤਾਵਾਂ ਨੇ ਦੇਖਿਆ।
&
Congratulations PM @NarendraModi on being the most followed world leader!
— Elon Musk (@elonmusk) July 19, 2024
;
ਪ੍ਰਧਾਨ ਮੰਤਰੀ 2009 ਵਿੱਚ ਐਕਸ (ਉਦੋਂ ਟਵਿੱਟਰ) ਨਾਲ ਜੁੜੇ ਸਨ। ਪੀਐਮ ਮੋਦੀ ਨੇ 100 ਮਿਲੀਅਨ ਭਾਵ 10 ਕਰੋੜ ਤੋਂ ਵੱਧ ਫਾਲੋਅਰਜ਼ ਦੇ ਨਾਲ ਸਭ ਤੋਂ ਵੱਧ ਫਾਲੋ ਕੀਤੇ ਜਾਣ ਵਾਲੇ ਗਲੋਬਲ ਲੀਡਰ ਬਣਨ ਤੋਂ ਬਾਅਦ, ਅਮਰੀਕੀ ਰਾਸ਼ਟਰਪਤੀ ਜੋ ਬਿਡੇਨ (38.1 ਮਿਲੀਅਨ), ਦੁਬਈ ਦੇ ਕਿੰਗ ਸ਼ੇਖ ਮੁਹੰਮਦ (11.2 ਮਿਲੀਅਨ) ਅਤੇ ਪੋਪ ਫਰਾਂਸਿਸ (18.5 ਮਿਲੀਅਨ) ਨੂੰ ਬਹੁਤ ਪਿੱਛੇ ਪਛਾੜ ਦਿੱਤਾ ਹੈ। ਮੋਦੀ ਦੇ ਐਕਸ ਹੈਂਡਲ ‘ਤੇ ਪਿਛਲੇ ਤਿੰਨ ਸਾਲਾਂ ‘ਚ ਕਰੀਬ 3 ਕਰੋੜ ਫਾਲੋਅਰਜ਼ ਦਾ ਵਾਧਾ ਹੋਇਆ ਹੈ। ਯੂਟਿਊਬ ‘ਤੇ ਉਨ੍ਹਾਂ ਦੇ ਕਰੀਬ 25 ਮਿਲੀਅਨ ਸਬਸਕ੍ਰਾਈਬਰ ਹਨ, ਜਦੋਂ ਕਿ ਉਨ੍ਹਾਂ ਦੇ ਇੰਸਟਾਗ੍ਰਾਮ ਅਕਾਊਂਟ ’ਤੇ 91 ਮਿਲੀਅਨ ਫਾਲੋਅਰਜ਼ ਹਨ।
14 ਜੁਲਾਈ ਦੀ ਰਿਪੋਰਟ ਮੁਤਾਬਕ ਪ੍ਰਧਾਨ ਮੰਤਰੀ ਮੋਦੀ ਦੇ ਅਧਿਕਾਰਤ ਐਕਸ ਹੈਂਡਲ ‘ਤੇ 10 ਕਰੋੜ ਤੋਂ ਵੱਧ ਫਾਲੋਅਰਜ਼ ਹਨ। ਉਸ ਤੋਂ ਬਾਅਦ ਸਟਾਰ ਭਾਰਤੀ ਕ੍ਰਿਕਟਰ ਵਿਰਾਟ ਕੋਹਲੀ (64.1 ਮਿਲੀਅਨ), ਬ੍ਰਾਜ਼ੀਲ ਦੇ ਫੁਟਬਾਲ ਸਟਾਰ ਨੇਮਾਰ ਜੂਨੀਅਰ (63.6 ਮਿਲੀਅਨ), ਅਮਰੀਕੀ ਬਾਸਕਟਬਾਲ ਖਿਡਾਰੀ ਲੇਬਰੋਨ ਜੇਮਸ (52.9 ਮਿਲੀਅਨ) ਵਰਗੀਆਂ ਮਸ਼ਹੂਰ ਹਸਤੀਆਂ ਹਨ।
ਕਈ ਗਲੋਬਲ ਸਪੋਰਟਸ ਆਈਕਨਾਂ ਨਾਲੋਂ ਵੱਧ ਫਾਲੋਅਰਜ਼ ਵਾਲੇ ਪੀਐਮ ਮੋਦੀ ਦੀ ਲੋਕਪ੍ਰਿਅਤਾ ਦਾ ਅੰਦਾਜ਼ਾ ਇਸ ਤੱਥ ਤੋਂ ਲਗਾਇਆ ਜਾ ਸਕਦਾ ਹੈ ਕਿ ਉਨ੍ਹਾਂ ਨੂੰ ਐਕਸ ਯੂਜਰਸ ਅਮਰੀਕੀ ਗਾਇਕਾ ਅਤੇ ਪਰਫਾਰਮਰ ਟੇਲਰ ਸਵਿਫਟ (95.3 ਮਿਲੀਅਨ), ਗੀਤਕਾਰ, ਗਾਇਕਾ ਅਤੇ ਅੰਤਰਰਾਸ਼ਟਰੀ ਪਰਫਾਰਮਰ ਲੇਡੀ ਗਾਗਾ (83.1 ਮਿਲੀਅਨ) ਅਤੇ ਸਟਾਰ ਮੀਡੀਆ ਪਰਸਨੈਲਿਟੀ ਕਿਮ ਕਾਰਦਾਸ਼ੀਅਨ (75.2 ਮਿਲੀਅਨ) ਵਰਗੀਆਂ ਮਸ਼ਹੂਰ ਹਸਤੀਆਂ ਨਾਲੋਂ ਵੀ ਕਿਤੇ ਜ਼ਿਆਦਾ ਲੋਕ ਫਾਲੋ ਕਰਦੇ ਹਨ।
ਹਿੰਦੂਸਥਾਨ ਸਮਾਚਾਰ
