Karan Aujla News: ਮਸ਼ਹੂਰ ਪੰਜਾਬੀ ਗਾਇਕ ਕਰਨ ਔਜਲਾ ਵਿਦੇਸ਼ ਵਿੱਚ ਆਪਣੇ ਇੱਕ ਗੀਤ ਦੀ ਸ਼ੂਟਿੰਗ ਦੌਰਾਨ ਹਾਦਸੇ ਦਾ ਸ਼ਿਕਾਰ ਹੋ ਗਏ। ਇਸ ਬਾਰੇ ਉਨ੍ਹਾਂ ਨੇ ਖੁਦ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਇਕ ਵੀਡੀਓ ਸ਼ੇਅਰ ਕਰ ਕੇ ਜਾਣਕਾਰੀ ਦਿੱਤੀ ਹੈ। ਔਜਲਾ ਦੁਆਰਾ ਸਾਂਝੀ ਕੀਤੀ ਗਈ ਵੀਡੀਓ ਵਿੱਚ, ਉਹ ਇੱਕ ਟਰੈਕਿੰਗ ਕਾਰ ਨਾਲ ਰੇਸ ਲਗਾਉਂਦੇ ਦਿਖਾਈ ਦੇ ਰਹੇ ਹਨ। ਰੇਸ ਦੌਰਾਨ ਅਚਾਨਕ ਹੀ ਉਹਨਾਂ ਦੀ ਕਾਰ ਬੇਕਾਬੂ ਹੋ ਕੇ ਪਲਟ ਗਈ।
ਹਾਦਸੇ ਤੋਂ ਪਹਿਲਾਂ ਇਹ 3-4 ਥਾਵਾਂ ‘ਤੇ ਖਿਸਕਦੀ ਹੈ, ਫਿਰ ਅੰਤ ਵਿੱਚ ਪਲਟ ਜਾਂਦੀ ਹੈ। ਹਾਦਸੇ ਮਗਰੋਂ, ਮੌਕੇ ‘ਤੇ ਮੌਜੂਦ ਚਾਲਕ ਦਲ ਦੇ ਮੈਂਬਰ ਅਤੇ ਸੁਰੱਖਿਆ ਮੁਲਾਜ਼ਮ ਕਾਰ ਵੱਲ ਦੌੜੇ। ਇਸ ਤੋਂ ਬਾਅਦ ਗੱਡੀ ਵਿੱਚੋਂ ਕਰਨ ਔਜਲਾ ਨੂੰ ਬਾਹਰ ਕੱਢਿਆ ਗਿਆ। ਇਹ ਖੁਸ਼ਕਿਸਮਤੀ ਹੈ ਕਿ ਇਸ ਘਟਨਾ ਵਿੱਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ, ਕਰਨ ਨੇ ਸੋਸ਼ਲ ਮੀਡੀਆ ਪੋਸਟ ‘ਤੇ ਲਿਖਿਆ ਹੈ ਕਿ ਸੂਟਿੰਗ ਦੌਰਾਨ ਉਹਨਾਂ ਨੂੰ ਕਾਫ਼ੀ ਸੱਟਾਂ ਲੱਗ ਸਕਦੀਆਂ ਸਨ। ਪਰ ਬਚਾਅ ਹੋ ਗਿਆ।
ਦੱਸ ਦਈਏ ਕਿ ਅੱਜ ਕੱਲ੍ਹ ਗਾਇਕ ਔਜਲਾ ਆਪਣੇ ਗੀਤ ‘ਤੌਬਾ-ਤੌਬਾ’ ਕਾਰਨ ਚਰਚਾਵਾਂ ਵਿੱਚ ਹਨ। ਇਸ ਗੀਤ ‘ਤੇ ਕਰੋੜਾਂ ਲੋਕ ਸ਼ੋਸਲ ਮੀਡੀਆ ਤੇ ਰੀਲ ਕਰ ਚੁੱਕੇ ਹਨ ਨਾਲ ਹੀ ਇਸ ਗੀਤ ਨੂੰ ਬਾਲੀਵੁੱਡ ਸਟਾਰ ਵਿੱਕੀ ਕੌਸ਼ਲ ਨੇ ਆਪਣੀ ਆਉਣ ਵਾਲੀ ਫਿਲਮ ‘ਬੈਡ ਨਿਊਜ਼’ ‘ਚ ਸ਼ਾਮਿਲ ਕਰ ਲਿਆ ਹੈ। ‘ਤੌਬਾ-ਤੌਬਾ’ ਗੀਤ ਲਿਖਿਆ ਅਤੇ ਗਾਇਕ ਕਰਨ ਔਜਲਾ ਨੇ ਹੀ ਹੈ।
ਹਿੰਦੂਸਥਾਨ ਸਮਾਚਾਰ
