Mumbai News: ਵਿਵਾਦਤ ਸਿਖਿਆਰਥੀ ਆਈਏਐਸ ਪੂਜਾ ਖੇਡਕਰ ਦੀ ਮਾਂ ਮਨੋਰਮਾ ਖੇਡਕਰ ਨੂੰ ਵੀਰਵਾਰ ਤੜਕੇ ਪੁਣੇ ਦਿਹਾਤੀ ਪੁਲਿਸ ਦੀ ਟੀਮ ਨੇ ਕਿਸਾਨ ਧਮਕੀ ਮਾਮਲੇ ਵਿੱਚ ਰਾਏਗੜ੍ਹ ਜ਼ਿਲ੍ਹੇ ਦੇ ਮਹਾਡ ਖੇਤਰ ਤੋਂ ਗ੍ਰਿਫ਼ਤਾਰ ਕਰ ਲਿਆ ਹੈ। ਪੁਲਿਸ ਮਨੋਰਮਾ ਨੂੰ ਪੁਣੇ ਦੇ ਪੌਡ ਥਾਣੇ ਲਿਆ ਕੇ ਅਦਾਲਤ ‘ਚ ਪੇਸ਼ ਕਰੇਗੀ।
ਪਿਸਤੌਲ ਲਹਿਰਾ ਕੇ ਕਿਸਾਨਾਂ ਨੂੰ ਧਮਕਾਉਣ ਦੇ ਦੋਸ਼ ਹੇਠ ਮਾਂ ਮਨੋਰਮਾ ਖੇਡਕਰ ਅਤੇ ਪਿਤਾ ਦਿਲੀਪ ਖੇਡਕਰ ਸਮੇਤ ਸੱਤ ਲੋਕਾਂ ਖ਼ਿਲਾਫ਼ ਪੌਡ ਥਾਣੇ ਵਿੱਚ ਕੇਸ ਦਰਜ ਕੀਤਾ ਗਿਆ ਸੀ। ਇਸ ਤੋਂ ਬਾਅਦ ਮਨੋਰਮਾ ਖੇਡਕਰ ਅਤੇ ਦਿਲੀਪ ਖੇਡਕਰ ਫਰਾਰ ਸਨ। ਉਨ੍ਹਾਂ ਦੀ ਭਾਲ ਲਈ ਤਿੰਨ ਟੀਮਾਂ ਬਣਾਈਆਂ ਗਈਆਂ ਸਨ। ਤਿੰਨੋਂ ਟੀਮਾਂ ਦੋਵਾਂ ਦੀ ਭਾਲ ਕਰ ਰਹੀਆਂ ਸਨ। ਇਨ੍ਹਾਂ ਵਿੱਚੋਂ ਇੱਕ ਟੀਮ ਨੂੰ ਰਾਏਗੜ੍ਹ ਜ਼ਿਲ੍ਹੇ ਦੇ ਮਹਾਡ ਵਿੱਚ ਮਨੋਰਮਾ ਪਾਟਿਲ ਦੇ ਲੁਕੇ ਹੋਣ ਦੀ ਸੂਚਨਾ ਮਿਲੀ ਸੀ।
ਇਸ ਮਾਮਲੇ ਵਿੱਚ ਅਹਿਮਦਨਗਰ ਜ਼ਿਲ੍ਹੇ ਦੇ ਭਾਲਗਾਓਂ ਦੇ ਵਾਸੀਆਂ ਨੇ ਅਹਿਮਦਨਗਰ ਜ਼ਿਲ੍ਹਾ ਮੈਜਿਸਟ੍ਰੇਟ ਨੂੰ ਪੱਤਰ ਸੌਂਪ ਕੇ ਇਸ ਘਟਨਾ ਦੇ ਦੂਜੇ ਪਹਿਲੂ ਦੀ ਵੀ ਜਾਂਚ ਦੀ ਮੰਗ ਕੀਤੀ ਹੈ। ਜ਼ਿਲ੍ਹਾ ਮੈਜਿਸਟ੍ਰੇਟ ਨੂੰ ਸੌਂਪੇ ਪੱਤਰ ਵਿੱਚ ਕਿਹਾ ਗਿਆ ਹੈ ਕਿ 5 ਜੂਨ 2023 ਨੂੰ ਮੁਲਸੀ ਪਿੰਡ ਦੇ ਅਪਰਾਧਿਕ ਪ੍ਰਵਿਰਤੀ ਵਾਲੇ ਹਥਿਆਰਬੰਦ ਲੋਕਾਂ ਨੇ ਮਨੋਰਮਾ ਖੇਡਕਰ ਨੂੰ ਘੇਰ ਲਿਆ ਸੀ। ਇਹ ਲੋਕ ਮਨੋਰਮਾ ‘ਤੇ ਹਮਲਾ ਕਰਨਾ ਚਾਹੁੰਦੇ ਸਨ। ਸੁਰੱਖਿਆ ਲਈ ਮਨੋਰਮਾ ਨੇ ਆਪਣਾ ਪਿਸਤੌਲ ਹਵਾ ਵਿੱਚ ਲਹਿਰਾਇਆ ਸੀ।
ਹਿੰਦੂਸਥਾਨ ਸਮਾਚਾਰ
