Nawada, Bihar News: ਬਿਹਾਰ ਦੇ ਨਵਾਦਾ ਜ਼ਿਲ੍ਹੇ ‘ਚ ਸੜਕ ਹਾਦਸੇ ‘ਚ ਨਵਾਦਾ ਦੇ ਰਹਿਣ ਵਾਲੇ ਇਕ ਹੀ ਪਰਿਵਾਰ ਦੇ 5 ਮੈਂਬਰਾਂ ਦੀ ਮੌਤ ਹੋ ਗਈ ਅਤੇ 6 ਹੋਰ ਜ਼ਖਮੀ ਹੋ ਗਏ। ਜ਼ਿਲ੍ਹੇ ਦੇ ਰੋਹ ਥਾਣਾ ਖੇਤਰ ਦੇ ਹਮੀਦਪੁਰ ਬਾਰਾ ਦਾ ਰਹਿਣ ਵਾਲਾ ਇਕ ਪਰਿਵਾਰ ਮੰਗਲਵਾਰ ਤੜਕੇ ਸਕਾਰਪੀਓ ਗੱਡੀ ‘ਚ ਮੁੰਡਨ ਕਰਵਾਉਣ ਲਈ ਪਟਨਾ ਜ਼ਿਲ੍ਹੇ ਦੇ ਬਾੜ ਉਮਾਨਾਥ ਜਾ ਰਿਹਾ ਸੀ। ਇਹ ਲੋਕ ਰਸਤੇ ਵਿੱਚ ਹਾਦਸੇ ਦਾ ਸ਼ਿਕਾਰ ਹੋ ਗਏ।
ਦੱਸਿਆ ਜਾ ਰਿਹਾ ਹੈ ਕਿ ਬਾੜ ਬਖਤਿਆਰਪੁਰ ਥਾਣਾ ਖੇਤਰ ਦੇ ਮਾਨਸਰੋਵਰ ਪੈਟਰੋਲ ਪੰਪ ਨੇੜੇ ਕਿਸੇ ਅਣਪਛਾਤੇ ਵਾਹਨ ਨੇ ਸਕਾਰਪੀਓ ਨੂੰ ਟੱਕਰ ਮਾਰ ਦਿੱਤੀ। ਇਸ ਕਾਰਨ ਸਕਾਰਪੀਓ ‘ਚ ਸਵਾਰ ਨਵਾਦਾ ਜ਼ਿਲ੍ਹੇ ਦੇ ਪਿੰਡ ਹਮੀਦਪੁਰ ਬਾਰਾ ਦੇ ਇਕ ਪਰਿਵਾਰ ਦੇ 5 ਮੈਂਬਰਾਂ ਦੀ ਮੌਤ ਹੋ ਗਈ ਅਤੇ 6 ਲੋਕ ਜ਼ਖਮੀ ਹੋ ਗਏ। ਅਣਸੁਖਾਵੀਂ ਘਟਨਾ ਦੀ ਸੂਚਨਾ ਮਿਲਦਿਆਂ ਹੀ ਪਿੰਡ ਵਿੱਚ ਹਫੜਾ-ਦਫੜੀ ਮੱਚ ਗਈ।
ਹਿੰਦੂਸਥਾਨ ਸਮਾਚਾਰ
