Mumbai Road Accident News: ਨਵੀਂ ਮੁੰਬਈ ‘ਚ ਮੁੰਬਈ-ਪੁਣੇ ਹਾਈਵੇਅ ‘ਤੇ ਸੋਮਵਾਰ ਰਾਤ ਕਰੀਬ 1 ਵਜੇ ਇਕ ਨਿੱਜੀ ਬੱਸ ਸਾਹਮਣੇ ਤੋਂ ਆ ਰਹੇ ਇਕ ਟਰੈਕਟਰ ਨਾਲ ਟਕਰਾ ਗਈ ਅਤੇ ਕਰੀਬ 40 ਫੁੱਟ ਖਾਈ ‘ਚ ਜਾ ਡਿੱਗੀ। ਇਸ ਹਾਦਸੇ ‘ਚ 5 ਲੋਕਾਂ ਦੀ ਮੌਕੇ ‘ਤੇ ਹੀ ਮੌਤ ਹੋ ਗਈ, ਜਦਕਿ 42 ਲੋਕ ਜ਼ਖਮੀ ਹੋ ਗਏ। ਜ਼ਖਮੀਆਂ ਦਾ ਐਮਜੀਐਮ ਅਤੇ ਪਨਵੇਲ ਦੇ ਉਪਜ਼ਿਲ੍ਹਾ ਹਸਪਤਾਲ ਵਿੱਚ ਇਲਾਜ ਚੱਲ ਰਿਹਾ ਹੈ।
ਨਵੀਂ ਮੁੰਬਈ ਪੁਲਿਸ ਮੁਤਾਬਕ ਮ੍ਰਿਤਕਾਂ ‘ਚੋਂ ਤਿੰਨ ਦੀ ਪਛਾਣ ਹੌਸਾਬਾਈ ਪਾਟਿਲ, ਗੁਰੂਨਾਥ ਮਹਾਰਾਜ ਪਾਟਿਲ, ਰਾਮਦਾਸ ਨਾਰਾਇਣ ਮੁਕਦਮ ਵਜੋਂ ਹੋਈ ਹੈ। ਬੱਸ ਨੂੰ ਕਰੇਨ ਦੀ ਮਦਦ ਨਾਲ ਟੋਏ ‘ਚੋਂ ਬਾਹਰ ਕੱਢਿਆ ਗਿਆ। ਨਵੀਂ ਮੁੰਬਈ ਦੇ ਡੀਸੀਪੀ ਵਿਵੇਕ ਪਾਨਸਰੇ ਨੇ ਦੱਸਿਆ ਕਿ ਡੋਂਬੀਵਲੀ ਤੋਂ ਕਰੀਬ 54 ਲੋਕ ਇਕਾਦਸ਼ੀ ‘ਤੇ ਬੱਸ ਰਾਹੀਂ ਪੰਢਰਪੁਰ ਜਾ ਰਹੇ ਸਨ। ਰਾਤ ਕਰੀਬ 1 ਵਜੇ ਬੱਸ ਸਾਹਮਣੇ ਤੋਂ ਆ ਰਹੇ ਟਰੈਕਟਰ ਨਾਲ ਟਕਰਾ ਗਈ। ਇਸ ਕਾਰਨ ਬੱਸ ਦਾ ਡਰਾਈਵਰ ਕੰਟਰੋਲ ਗੁਆ ਬੈਠਾ ਅਤੇ ਬੱਸ ਖੱਡ ਵਿੱਚ ਜਾ ਡਿੱਗੀ।
ਹਿੰਦੂਸਥਾਨ ਸਮਾਚਾਰ
