Julio Encio News: ਬ੍ਰਾਇਟਨ ਫਾਰਵਰਡ ਜੂਲੀਓ ਐਨਸੀਸੋ ਨੂੰ ਪੈਰਿਸ ਓਲੰਪਿਕ ਖੇਡਾਂ ਲਈ ਪੈਰਾਗੁਏ ਦੀ ਟੀਮ ਵਿੱਚ ਸ਼ਾਮਲ ਕੀਤਾ ਗਿਆ ਹੈ। ਪੈਰਾਗੁਏ ਫੁੱਟਬਾਲ ਸੰਘ ਨੇ ਸੋਮਵਾਰ ਨੂੰ ਇਹ ਜਾਣਕਾਰੀ ਦਿੱਤੀ। 20 ਸਾਲਾ ਖਿਡਾਰੀ ਕਰੂਜ਼ੇਰੋ ਮਿਡਫੀਲਡਰ ਫੈਬਰਿਜਿਓ ਪੇਰਾਲਟਾ ਦੀ ਜਗ੍ਹਾ ਲੈਣਗੇ, ਜੋ ਮਾਸਪੇਸ਼ੀ ਦੀ ਸੱਟ ਕਾਰਨ ਬਾਹਰ ਹੋ ਗਏ ਸਨ।
ਇਸ ਸਾਲ ਦੀ ਸ਼ੁਰੂਆਤ ’ਚ ਐਨਸੀਸੋ ਨੂੰ ਪੈਰਾਗੁਏ ਟੀਮ ਦੀ ਅਸਥਾਈ ਸੂਚੀ ਵਿੱਚ ਸ਼ਾਮਲ ਕੀਤਾ ਗਿਆ ਸੀ, ਜਿਨ੍ਹਾਂ ਨੂੰ ਇਸ ਮਹੀਨੇ ਦੇ ਸ਼ੁਰੂ ਵਿੱਚ 18 ਖਿਡਾਰੀਆਂ ਤੱਕ ਘਟਾ ਦਿੱਤਾ ਗਿਆ ਸੀ। ਪੈਰਾਗੁਏ ਦੀ ਟੀਮ ਵਿੱਚ 23 ਸਾਲ ਤੋਂ ਵੱਧ ਉਮਰ ਦੇ ਦੋ ਖਿਡਾਰੀ ਸ਼ਾਮਲ ਹਨ: ਗੋਲਕੀਪਰ ਗੈਟੀਟੋ ਫਰਨਾਂਡੇਜ਼ ਅਤੇ ਡਿਫੈਂਡਰ ਫੈਬੀਅਨ ਬਾਲਬੁਏਨਾ।
ਦੱਖਣੀ ਅਮਰੀਕੀ ਟੀਮ ਨੇ ਫਰਵਰੀ ਵਿੱਚ ਵੈਨੇਜ਼ੁਏਲਾ ਵਿੱਚ ਦੱਖਣੀ ਅਮਰੀਕੀ ਫੁੱਟਬਾਲ ਕਨਫੈਡਰੇਸ਼ਨ ਪ੍ਰੀ-ਓਲੰਪਿਕ ਟੂਰਨਾਮੈਂਟ ਜਿੱਤ ਕੇ ਪੈਰਿਸ ਓਲੰਪਿਕ ਲਈ ਕੁਆਲੀਫਾਈ ਕੀਤਾ। ਪੈਰਾਗੁਏ 24 ਜੁਲਾਈ ਨੂੰ ਜਾਪਾਨ ਦੇ ਖਿਲਾਫ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕਰੇਗਾ, ਫਿਰ ਗਰੁੱਪ ਪੜਾਅ ਵਿੱਚ ਇਜ਼ਰਾਈਲ ਅਤੇ ਮਾਲੀ ਦਾ ਸਾਹਮਣਾ ਕਰੇਗਾ।
ਹਿੰਦੂਸਥਾਨ ਸਮਾਚਾਰ
