Fazilka/BSF Firing News: ਭਾਰਤ ਪਾਕਿਸਤਾਨ ਕੌਮਾਂਤਰੀ ਸਰਹੱਦ ’ਤੇ ਬਣੀ ਬੀ. ਐਸ. ਐਫ. ਸਾਦਕੀ ਚੌਕੀ ’ਤੇ ਬੀਤੀ ਦੇਰ ਰਾਤ ਨੂੰ ਪਾਕਿਸਤਾਨ ਵਾਲੇ ਪਾਸੇ ਤੋਂ ਭਾਰਤ ਵਿਚ ਇਕ ਨੌਜਵਾਨ ਨੇ ਘੁਸਪੈਠ ਕਰਨ ਦੀ ਕੋਸ਼ਿਸ਼ ਕੀਤੀ। ਡਿਊਟੀ ‘ਤੇ ਤਾਇਨਾਤ ਬੀ. ਐਸ. ਐਫ. ਦੇ ਜਵਾਨ ਨੇ ਉਸ ਨੂੰ ਰੋਕਿਆ ਫਿਰ ਵੀ ਉਹ ਘੁਸਪੈਠੀਆਂ ਅੱਗੇ ਵਧਦਾ ਗਿਆ। ਰੋਕਣ ਦੇ ਬਾਵਜੂਦ ਵੀ ਬੀ. ਐਸ. ਐਫ. ਦੀ ਚੈੱਕ ਪੋਸਟ ਵੱਲ ਵਧਦਾ ਗਿਆ ਅਤੇ ਉਸ ਨੂੰ ਰੋਕਣ ਲਈ ਜਵਾਨਾਂ ਵਲੋ ਗੋਲੀ ਚਲਾਉਣੀ ਪਈ । ਜਦੋਂ ਬੀਐਸਐਫ ਵਲੋ ਤਲਾਸ਼ੀ ਲਈ ਗਈ ਤਾਂ ਘਟਨਾ ਵਾਲੀ ਥਾਂ ਤੋਂ 25 ਤੋਂ 27 ਸਾਲ ਦੀ ਉਮਰ ਦੇ ਨੌਜਵਾਨ ਦੀ ਲਾਸ਼ ਬਰਾਮਦ ਹੋਈ।
ਜਿਕਰਯੋਗ ਹੈ ਕਿ ਉਕਤ ਲਾਸ਼ ਦੀ ਤਲਾਸ਼ੀ ਦੌਰਾਨ ਜੇਬ ’ਚੋਂ ਇੱਕ ਬੈਗ ਮਿਲਿਆ। ਬੈਗ ਵਿੱਚ ਸਿਗਰੇਟ ਲਾਈਟਰ ਅਤੇ ਈਅਰਫੋਨ ਸਨ। ਕੁੱਝ ਪਾਊਚ ਮਿਲੇ ਜਿਸ ਉੱਤੇ ਵੀ ਉਰਦੂ ਲਿਪੀ ਵਿੱਚ ਲਿਖਿਆ ਹੋਇਆ ਸੀ। ਬੀ. ਐਸ. ਐਫ. ਦੇ ਅਧਿਕਾਰੀਆ ਵਲੋਂ ਆਸਪਾਸੇ ਦੇ ਇਲਾਕੇ ਅੰਦਰ ਸਰਚ ਅਭਿਆਨ ਜਾਰੀ ਹੈ।
ਹਿੰਦੂਸਥਾਨ ਸਮਾਚਾਰ
