Parliament Session 2024: ਰਾਜ ਸਭਾ ‘ਚ ਸੋਮਵਾਰ ਨੂੰ ਵਿਰੋਧੀ ਧਿਰ ਦੇ ਨੇਤਾ ਮਲਿਕਾਰਜੁਨ ਖੜਗੇ ਨੇ ਸੰਸਦ ਕੰਪਲੈਕਸ ‘ਚ ਵੱਖ-ਵੱਖ ਥਾਵਾਂ ‘ਤੇ ਸਥਾਪਿਤ ਮਹਾਪੁਰਖਾਂ ਦੇ ਬੁੱਤਾਂ ਨੂੰ ਇਕ ਜਗ੍ਹਾ ‘ਤੇ ਸਥਾਪਿਤ ਕਰਕੇ ਉਨ੍ਹਾਂ ਨੂੰ ਪ੍ਰੇਰਨਾ ਸਥਾਨ ‘ਚ ਤਬਦੀਲ ਕਰਨ ‘ਤੇ ਇਤਰਾਜ਼ ਜ਼ਾਹਰ ਕੀਤਾ ਅਤੇ ਮੰਗ ਕੀਤੀ ਕਿ ਸਾਰੇ ਮਹਾਪੁਰਖਾਂ ਦੇ ਬੁੱਤਾਂ ਨੂੰ ਉਨ੍ਹਾਂ ਦੇ ਅਸਲ ਸਥਾਨਾਂ ‘ਤੇ ਸਥਾਪਿਤ ਕੀਤਾ ਜਾਵੇ।
ਵਿਰੋਧੀ ਧਿਰ ਦੇ ਨੇਤਾ ਨੇ ਸਵਾਲ ਉਠਾਇਆ ਕਿ ਸੰਸਦ ਕੰਪਲੈਕਸ ਵਿਚ ਬੁੱਤ ਲਗਾਉਣ ਅਤੇ ਸ਼ਿਫਟ ਕਰਨ ਨਾਲ ਸਬੰਧਤ ਇੱਕ ਕਮੇਟੀ ਹੈ। ਬੁੱਤ ਨੂੰ ਉਸ ਕਮੇਟੀ ਦੀ ਇਜਾਜ਼ਤ ਤੋਂ ਬਿਨਾਂ ਹੀ ਤਬਦੀਲ ਕੀਤਾ ਗਿਆ ਹੈ।
ਇਸ ‘ਤੇ ਸੰਸਦੀ ਕਾਰਜ ਮੰਤਰੀ ਕਿਰੇਨ ਰਿਜਿਜੂ ਨੇ ਸਪੱਸ਼ਟੀਕਰਨ ਦਿੱਤਾ ਕਿ ਇਹ ਬੁੱਤ ਪੁਰਾਣੀ ਸੰਸਦ ਦੇ ਆਲੇ-ਦੁਆਲੇ ਲਗਾਏ ਗਏ ਸਨ। ਪੁਰਾਣੀ ਸੰਸਦ ਦਾ ਇੱਕ ਗੋਲਾਕਾਰ ਰੂਪ ਸੀ ਜਦੋਂ ਕਿ ਮੌਜੂਦਾ ਸੰਸਦ ਦਾ ਵੱਖਰਾ ਰੂਪ ਹੈ ਅਤੇ ਇਸਦਾ ਇੱਕ ਨਿਸ਼ਚਿਤ ਸ਼ੁਰੂਆਤੀ ਸਥਲ ਹੈ। ਅਜਿਹੇ ਵਿੱਚ ਬੁੱਤਾਂ ਨੂੰ ਸ਼ਿਫਟ ਕਰਕੇ ਇੱਕ ਪ੍ਰੇਰਣਾਸਥਲ ਬਣਾਇਆ ਗਿਆ ਹੈ। ਇਸ ਨਾਲ ਕਿਸੇ ਦਾ ਅਪਮਾਨ ਨਹੀਂ ਹੋਇਆ ਹੈ।
ਇਸ ਤੋਂ ਪਹਿਲਾਂ ਵਿਰੋਧੀ ਧਿਰ ਦੇ ਨੇਤਾ ਮਲਿਕਾਰਜੁਨ ਖੜਗੇ ਨੇ ਲੋਕ ਸਭਾ ਦੇ ਸਪੀਕਰ ਅਤੇ ਰਾਜ ਸਭਾ ਦੇ ਚੇਅਰਮੈਨ ਨੂੰ ਪੱਤਰ ਲਿਖ ਕੇ ਸੰਸਦ ਕੰਪਲੈਕਸ ‘ਚ ਸਥਿਤ ਮਹਾਤਮਾ ਗਾਂਧੀ, ਸ਼ਿਵਾਜੀ, ਬੀ.ਆਰ. ਅੰਬੇਡਕਰ ਅਤੇ ਹੋਰਾਂ ਦੇ ਬੁੱਤਾਂ ਨੂੰ ਉਨ੍ਹਾਂ ਦੇ ਮੂਲ ਸਥਾਨਾਂ ‘ਤੇ ਵਾਪਸ ਲਿਆਉਣ ਦੀ ਬੇਨਤੀ ਕੀਤੀ ਸੀ। ਬੁੱਤਾਂ ਨੂੰ ਕੰਪਲੈਕਸ ਦੇ ਪਿੱਛੇ ਸਥਿਤ ਪ੍ਰੇਰਣਾਸਥਲ ਵਿੱਚ ਤਬਦੀਲ ਕਰ ਦਿੱਤਾ ਗਿਆ ਹੈ। ਵਿਰੋਧੀ ਪਾਰਟੀਆਂ ਨੇ ਇਸ ਫੈਸਲੇ ਦੀ ਸਖ਼ਤ ਆਲੋਚਨਾ ਕੀਤੀ ਹੈ ਅਤੇ ਇਸ ਨੂੰ ਵਾਪਸ ਲੈਣ ਦੀ ਮੰਗ ਕਰ ਰਹੀਆਂ ਹਨ।
ਹਿੰਦੂਸਥਾਨ ਸਮਾਚਾਰ
