Bhojshala ASI Survey: ਮੱਧ ਪ੍ਰਦੇਸ਼ ਦੇ ਧਾਰ ‘ਚ ਸਥਿਤ ਇਤਿਹਾਸਕ ਭੋਜਸ਼ਾਲਾ ਦੇ ਸਰਵੇਖਣ ਦਾ 97ਵਾਂ ਦਿਨ ਪੂਰਾ ਹੋ ਗਿਆ ਹੈ, ਜਿਸ ‘ਚ ਖੁਦਾਈ ‘ਚੋਂ ਨਿਕਲ ਰਹੀਆਂ ਹਿੰਦੂ ਦੇਵੀ-ਦੇਵਤਿਆਂ ਦੀਆਂ ਮੂਰਤੀਆਂ ਅਤੇ ਪੱਥਰਾਂ ‘ਤੇ ਉੱਕਰੀਆਂ ਸਨਾਤਨ ਧਰਮ ਦੀਆਂ ਪ੍ਰਤੀਕ ਮੂਰਤੀਆਂ ਸਨਾਤਨ ਧਰਮ ਦੀ ਮੌਜੂਦਗੀ ਦੀ ਗਵਾਹੀ ਭਰਦੀਆਂ ਹਨ | 97ਵੇਂ ਦਿਨ ਦੀ ਖੁਦਾਈ ਦੌਰਾਨ ਭੋਜਸ਼ਾਲਾ ਦੇ ਬਾਹਰ ਸਥਿਤ ਦਰਗਾਹ ਦੇ ਇੱਕ ਕੋਨੇ ਵਿੱਚ ਜ਼ਮੀਨ ਹੇਠੋਂ ਭਗਵਾਨ ਨਰਸਿੰਘ ਅਤੇ ਮਾਤਾ ਦੀ ਮੂਰਤੀ ਦਾ ਮੁੱਖ ਮਿਲਿਆ ਹੈ।
ਰਿਪੋਰਟ ਮੁਤਾਬਕ ਬੁੱਧਵਾਰ ਨੂੰ ਕੀਤੇ ਗਏ ਸਰਵੇ ਦੌਰਾਨ ਜਾਂਚ ਟੀਮ ਨੂੰ ਕੁੱਲ 8 ਅਵਸ਼ੇਸ਼ ਮਿਲੇ ਹਨ। ਇਸ ਖੁਦਾਈ ਦੇ ਕੰਮ ਵਿੱਚ ਪੁਰਾਤੱਤਵ ਵਿਭਾਗ ਦੀ 9 ਮੈਂਬਰਾਂ ਦੀ ਟੀਮ ਤੋਂ ਇਲਾਵਾ 35 ਮਜ਼ਦੂਰ ਵੀ ਲੱਗੇ ਹੋਏ ਸਨ। ਹਿੰਦੂ ਪੱਖ ਤੋਂ ਗੋਪਾਲ ਸ਼ਰਮਾ ਨੇ ਇਸ ਗੱਲ ਦੀ ਪੁਸ਼ਟੀ ਕਰਦਿਆਂ ਦੱਸਿਆ ਕਿ ਖੁਦਾਈ ਦੌਰਾਨ ਮਿਲੇ 8 ਅਵਸ਼ੇਸ਼ਾਂ ‘ਚੋਂ 2 ਭਗਵਾਨ ਨਰਸਿੰਘ ਦੀਆਂ ਮੂਰਤੀਆਂ ਹਨ ਅਤੇ ਇਕ ਦੇਵੀ ਦੀ ਮੂਰਤੀ ਦਾ ਮੂੰਖ ਹੈ, ਇਸ ਤੋਂ ਇਲਾਵਾ 5 ਹੋਰ ਅਵਸ਼ੇਸ਼ ਵੀ ਕਈ ਥੰਮ੍ਹ ਹਨ।
ਇਸ ਤੋਂ ਪਹਿਲਾਂ, 93ਵੇਂ ਦਿਨ ਦੀ ਖੁਦਾਈ ਦੌਰਾਨ, ਜਾਂਚ ਟੀਮ ਨੂੰ ਭੋਜਸ਼ਾਲਾ ਦੇ ਉੱਤਰ-ਪੂਰਬੀ ਖੇਤਰ ਤੋਂ ਜਟਾਧਾਰੀ ਭਗਵਾਨ ਸ਼ੰਕਰ ਦੀ ਮੂਰਤੀ, 7 ਸਿਰ ਵਾਲੀ ਵਾਸੂਕੀ ਨਾਗ ਦੀ ਮੂਰਤੀ ਅਤੇ ਇੱਕ ਕਲਸ਼ ਸਮੇਤ 9 ਪੱਥਰ ਦੇ ਅਵਸ਼ੇਸ਼ ਮਿਲੇ ਸਨ। ਇਸ ਤੋਂ ਪਹਿਲਾਂ, 55ਵੇਂ ਦਿਨ ਦੇ ਸਰਵੇਖਣ ਦੌਰਾਨ, ਭਾਰਤੀ ਪੁਰਾਤੱਤਵ ਸਰਵੇਖਣ ਨੇ ਥੰਮ੍ਹਾਂ ਅਤੇ ਕੰਧਾਂ ‘ਤੇ ਭਗਵਾਨ ਸ਼੍ਰੀ ਰਾਮ, ਸ਼੍ਰੀ ਕ੍ਰਿਸ਼ਨ, ਪਰਸ਼ੂਰਾਮ, ਸ਼ਿਵ ਅਤੇ ਹਨੂੰਮਾਨ ਦੇ ਆਕਾਰ ਵੀ ਪਾਏ ਗਏ। ਮਾਹਿਰਾਂ ਵੱਲੋਂ ਖੰਭਿਆਂ ਅਤੇ ਦੀਵਾਰਾਂ ਦੀ ਸਫ਼ਾਈ ਕਰਨ ਤੋਂ ਬਾਅਦ ਇਹ ਆਕਾਰ ਸਾਫ਼ ਨਜ਼ਰ ਆਉਣ ਲੱਗੇ। ਪਾਵਨ ਅਸਥਾਨ ਦੇ ਬਿਲਕੁਲ ਸਾਹਮਣੇ ਇਕ ਥੰਮ੍ਹ ‘ਤੇ ਭਗਵਾਨ ਰਾਮ-ਕ੍ਰਿਸ਼ਨ, ਪਰਸ਼ੂਰਾਮ ਅਤੇ ਭਗਵਾਨ ਸ਼ਿਵ ਦੀਆਂ ਮੂਰਤੀਆਂ ਦਿਖਾਈ ਦਿੰਦੀਆਂ ਸਨ।
ਹਿੰਦੂਸਥਾਨ ਸਮਾਚਾਰ
