Kalki 2898 AD/Mumbai: ਪ੍ਰਭਾਸ, ਅਮਿਤਾਭ ਬੱਚਨ, ਕਮਲ ਹਾਸਨ, ਦੀਪਿਕਾ ਪਾਦੁਕੋਣ ਦੀ ਦਮਦਾਰ ਸਟਾਰ ਕਾਸਟ ਨਾਲ ਬਹੁਤ ਉਡੀਕੀ ਜਾ ਰਹੀ ਫਿਲਮ ‘ਕਲਕੀ 2898 ਏਡੀ’ ਆਖਿਰਕਾਰ 27 ਜੂਨ ਨੂੰ ਪਰਦੇ ‘ਤੇ ਆ ਗਈ ਹੈ। ਫਿਲਮ ਦੇ ਪਹਿਲੇ ਦਿਨ ਦੇ ਪਹਿਲੇ ਸ਼ੋਅ ਨੂੰ ਦੇਖਣ ਲਈ ਕੀਤੀ ਐਡਵਾਂਸ ਬੁਕਿੰਗ ਨੂੰ ਜ਼ਬਰਦਸਤ ਹੁੰਗਾਰਾ ਮਿਲਿਆ। ਹੁਣ ਇਸ ਸੈਫੀ ਫਿਲਮ ਦੀ ਓਟੀਟੀ ਰਿਲੀਜ਼ ਨੂੰ ਲੈ ਕੇ ਵੱਡਾ ਅਪਡੇਟ ਸਾਹਮਣੇ ਆਇਆ ਹੈ।
‘ਕਲਕੀ 2898 ਏਡੀ ‘ ਇਸ ਸਾਲ ਦੀ ਸਭ ਤੋਂ ਵੱਡੀ ਫਿਲਮ ਹੈ। ਲਗਭਗ 600 ਕਰੋੜ ਰੁਪਏ ਦੇ ਬਜਟ ‘ਤੇ ਬਣੀ ਇਹ ਫਿਲਮ ਇਕ ਸਾਲ ਪਹਿਲਾਂ ਸੈਨ ਡਿਏਗੋ ਕਾਮਿਕ ਕੋਨ ‘ਤੇ ਇਸਦੀ ਪਹਿਲੀ ਝਲਕ ਰਿਲੀਜ਼ ਹੋਣ ਤੋਂ ਬਾਅਦ ਤੋਂ ਹੀ ਸੁਰਖੀਆਂ ‘ਚ ਹੈ।ਓਟੀਟੀ ‘ਤੇ ਹਿੰਦੀ ਵਿੱਚ ‘ਕਲਕੀ 2898 ਏਡੀ’ ਕਦੋਂ ਅਤੇ ਕਿੱਥੇ ਦੇਖੀਏ
‘ਕਲਕੀ 2898 ਏਡੀ’ ਨਾਗ ਅਸ਼ਵਿਨ ਦੁਆਰਾ ਲਿਖੀ ਅਤੇ ਨਿਰਦੇਸ਼ਿਤ ਇੱਕ ਵੱਡੀ ਮਲਟੀਸਟਾਰਰ ਫਿਲਮ ਹੈ। ਪੈਨ-ਇੰਡੀਅਨ ਦਰਸ਼ਕਾਂ ਨੂੰ ਧਿਆਨ ਵਿੱਚ ਰੱਖਦੇ ਹੋਏ, ਇਹ ਫਿਲਮ ਆਪਣੇ ਸ਼ਾਨਦਾਰ ਵੀਐੱਫਐਕਸ, ਸੀਜੀਆਈ ਇਫੈਕਟਸ ਲਈ ਬਹੁਤ ਚਰਚਾ ਵਿੱਚ ਰਹੀ ਹੈ। ਉਮੀਦ ਕੀਤੀ ਜਾ ਰਹੀ ਹੈ ਕਿ ਪ੍ਰਭਾਸ ਦੀ ਫਿਲਮ ਪਹਿਲੇ ਦਿਨ 100 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਕਮਾਈ ਕਰ ਸਕਦੀ ਹੈ। ਇਸ ਫਿਲਮ ‘ਤੇ 600 ਕਰੋੜ ਰੁਪਏ ਖਰਚ ਕੀਤੇ ਗਏ ਹਨ।
‘ਕਲਕੀ 2898 ਏਡੀ’ ਨੂੰ ਲੈ ਕੇ ਜਿੱਥੇ ਦਰਸ਼ਕਾਂ ‘ਚ ਕਾਫੀ ਦਿਲਚਸਪੀ ਹੈ, ਉਥੇ ਹੀ ਦੂਜੇ ਪਾਸੇ ‘ਓਟੀਟੀ’ ਰਿਲੀਜ਼ ਹੋਣ ਦੀ ਜਾਣਕਾਰੀ ਵੀ ਸਾਹਮਣੇ ਆਈ ਹੈ। ‘ਕਲਕੀ 2898 ਏਡੀ’ ਦਾ ਹਿੰਦੀ ਸੰਸਕਰਣ ਓਟੀਟੀ ‘ਤੇ ਰਿਲੀਜ਼ ਕੀਤਾ ਜਾਵੇਗਾ। ‘ਕਲਕੀ 2898 ਏਡੀ’ ਦੇ ਹਿੰਦੀ ’ਚ ਓਟੀਟੀ ਰਾਈਟਸ ਨੂੰ ਨੈੱਟਫਲਿਕਸ ਨੇ 175 ਕਰੋੜ ਰੁਪਏ ਵਿੱਚ ਖਰੀਦਿਆ ਸੀ।
ਮੌਜੂਦਾ ਵਿਚਾਰ-ਵਟਾਂਦਰੇ ਦੇ ਅਨੁਸਾਰ, ਫਿਲਮ ਦਾ ਪ੍ਰੀਮੀਅਰ ਨੈੱਟਫਲਿਕਸ ‘ਤੇ ਇਸਦੇ ਥੀਏਟਰਲ ਰਿਲੀਜ਼ ਤੋਂ ਲਗਭਗ ਦੋ ਮਹੀਨਿਆਂ ਬਾਅਦ ਹੋ ਸਕਦਾ ਹੈ। ਫਿਲਮ ਦੇ ਅਗਸਤ ਦੇ ਅੰਤ ਤੱਕ ਓਟੀਟੀ ਪਲੇਟਫਾਰਮ ‘ਤੇ ਰਿਲੀਜ਼ ਹੋਣ ਦੀ ਸੰਭਾਵਨਾ ਹੈ। ਹਾਲਾਂਕਿ, ਫਿਲਮ ਦੀ ਅਧਿਕਾਰਤ ਓਟੀਟੀ ਰਿਲੀਜ਼ ਡੇਟ ਦਾ ਐਲਾਨ ਹੋਣਾ ਬਾਕੀ ਹੈ।
ਹਿੰਦੂਸਥਾਨ ਸਮਾਚਾਰ
