Colombo: ਦੋ ਸਾਲਾਂ ਦੇ ਗੰਭੀਰ ਆਰਥਿਕ ਸੰਕਟ ਅਤੇ ਸਿਆਸੀ ਅਸਥਿਰਤਾ ਦਾ ਸਾਹਮਣਾ ਕਰਨ ਤੋਂ ਬਾਅਦ, ਸ੍ਰੀਲੰਕਾ ਦੀ ਆਰਥਿਕਤਾ ਤੇਜ਼ੀ ਨਾਲ ਪਟੜੀ ’ਤੇ ਵਾਪਸ ਆ ਰਹੀ ਹੈ। ਦੇਸ਼ ਵਿੱਚ ਸੈਲਾਨੀਆਂ ਦੀ ਲਗਾਤਾਰ ਵੱਧ ਰਹੀ ਗਿਣਤੀ ਇਸ ਗੱਲ ਦਾ ਸੰਕੇਤ ਹੈ। ਰਾਸ਼ਟਰਪਤੀ ਰਾਨਿਲ ਵਿਕਰਮਸਿੰਘੇ ਨੇ ਇਸ ਹਫਤੇ ਜਨਤਕ ਤੌਰ ‘ਤੇ ਮੰਨਿਆ ਹੈ ਕਿ ਭਾਰਤ ਤੋਂ ਮਿਲੀ ਆਰਥਿਕ ਮਦਦ ਦੇ ਕਾਰਨ ਸ੍ਰੀਲੰਕਾ ਦੋ ਸਾਲਾਂ ਦੇ ਸੰਕਟ ਤੋਂ ਉਭਰਨ ਦੇ ਰਾਹ ‘ਤੇ ਹੈ।
ਸੈਰ-ਸਪਾਟੇ ’ਤੇ ਕਾਫ਼ੀ ਨਿਰਭਰ ਸ਼੍ਰੀਲੰਕਾ ਦੀ ਅਰਥਵਿਵਸਥਾ ਲਈ ਚੰਗੇ ਸੰਕੇਤ ਦਿਖ ਰਹੇ ਹਨ। ਕੋਰੋਨਾ ਦੌਰ ਦੌਰਾਨ ਸੈਰ-ਸਪਾਟੇ ਦੇ ਤਬਾਹ ਹੋਣ ਕਾਰਨ ਦੇਸ਼ ਨੂੰ ਦੋ-ਤਿੰਨ ਸਾਲਾਂ ਤੱਕ ਗੰਭੀਰ ਆਰਥਿਕ ਸੰਕਟ ਦਾ ਸਾਹਮਣਾ ਕਰਨਾ ਪਿਆ। ਸ੍ਰੀਲੰਕਾ ਵਿੱਚ ਇੱਕ ਵਾਰ ਫਿਰ ਸੈਲਾਨੀਆਂ ਦੀ ਦਿਲਚਸਪੀ ਵਾਪਸ ਆ ਰਹੀ ਹੈ।
ਸ੍ਰੀਲੰਕਾ ਟੂਰਿਜ਼ਮ ਡਿਵੈਲਪਮੈਂਟ ਅਥਾਰਟੀ ਦੇ ਅਨੁਸਾਰ ਇਸ ਸਾਲ ਹੁਣ ਤੱਕ 966,604 ਸੈਲਾਨੀ ਦੇਸ਼ ਦਾ ਦੌਰਾ ਕਰ ਚੁੱਕੇ ਹਨ। ਹੁਣ ਤੱਕ ਇਕੱਲੇ ਜੂਨ ਵਿਚ 69,825 ਸੈਲਾਨੀ ਆ ਚੁੱਕੇ ਹਨ। ਇਸ ਸਾਲ ਜਨਵਰੀ ‘ਚ 208253 ਸੈਲਾਨੀ, ਫਰਵਰੀ ‘ਚ 218350 ਸੈਲਾਨੀ, ਮਾਰਚ ‘ਚ 209181 ਸੈਲਾਨੀ, ਅਪ੍ਰੈਲ ‘ਚ 148867 ਸੈਲਾਨੀ ਅਤੇ ਮਈ ‘ਚ 112128 ਸੈਲਾਨੀਆਂ ਨੇ ਸ੍ਰੀਲੰਕਾ ਪਹੁੰਚੇ ਹਨ। ਸ੍ਰੀਲੰਕਾ ਟੂਰਿਜ਼ਮ ਡਿਵੈਲਪਮੈਂਟ ਅਥਾਰਟੀ ਅਨੁਸਾਰ ਦੇਸ਼ ਵਿੱਚ ਰੂਸ, ਭਾਰਤ, ਜਰਮਨੀ, ਬਰਤਾਨੀਆ, ਚੀਨ, ਫਰਾਂਸ, ਆਸਟ੍ਰੇਲੀਆ ਆਦਿ ਤੋਂ ਜ਼ਿਆਦਾ ਸੈਲਾਨੀ ਆਏ ਹਨ। 2023 ‘ਚ ਸ਼੍ਰੀਲੰਕਾ ਆਉਣ ਵਾਲੇ ਸੈਲਾਨੀਆਂ ਦੀ ਗਿਣਤੀ 14 ਲੱਖ 87 ਹਜ਼ਾਰ ਸੀ।
ਜ਼ਿਕਰਯੋਗ ਹੈ ਕਿ ਪਿਛਲੇ ਸ਼ਨੀਵਾਰ ਨੂੰ ਸ਼੍ਰੀਲੰਕਾ ਦੇ ਰਾਸ਼ਟਰਪਤੀ ਰਾਨਿਲ ਵਿਕਰਮਾਸਿੰਘੇ ਨੇ ਕੋਲੰਬੋ ‘ਚ ਆਯੋਜਿਤ 31ਵੀਂ ਆਲ ਇੰਡੀਆ ਪਾਰਟਨਰਸ਼ਿਪ ਬੈਠਕ ਨੂੰ ਸੰਬੋਧਿਤ ਕਰਦੇ ਹੋਏ ਕਿਹਾ ਕਿ ਦੋ ਮੁਸ਼ਕਲ ਸਾਲਾਂ ‘ਚੋਂ ਲੰਘਣ ਤੋਂ ਬਾਅਦ ਮੈਨੂੰ ਸਵੀਕਾਰ ਕਰਨਾ ਹੋਵੇਗਾ ਕਿ ਅਜਿਹਾ ਇਸ ਲਈ ਸੰਭਵ ਹੋਇਆ ਕਿਉਂਕਿ ਭਾਰਤ ਨੇ ਸਾਨੂੰ 3.5 ਅਰਬ ਡਾਲਰ ਦਾ ਕਰਜ਼ਾ ਦਿੱਤਾ ਸੀ। ਇਸਦਾ ਭੁਗਤਾਨ ਕੀਤਾ ਜਾਵੇਗਾ।
ਹਿੰਦੂਸਥਾਨ ਸਮਾਚਾਰ
