Mirzapur 3 Teaser: OTT ਦੀ ਸਭ ਤੋਂ ਵੱਧ ਪਸੰਦੀਦਾ ਲੜੀ ਵਿੱਚੋਂ ਇੱਕ ਆਪਣੀ ਅਗਲੇਰੀ ਫਰੈਂਚਾਇਜ਼ੀ ਦੇ ਨਾਲ ਹਾਜ਼ਰ ਹੋਣ ਨੂੰ ਤਿਆਰ ਹੈ। ਮਿਰਜ਼ਾਪੁਰ 3 ਦਾ ਇੰਤਜ਼ਾਰ ਜਲਦ ਹੀ ਖਤਮ ਹੋਂਣ ਵਾਲਾ ਹੈ। ਇਸ ਸ਼ੋਅ ਦੇ ਰੀਲੀਜ਼ ਨੂੰ ਲੈਕੇ ਫੈਨ ਬੇਹੱਦ ਉਤਸ਼ਾਹਤ ਹਨ। ਰੀਲੀਜ਼ ਹੋਣ ਦੀ ਮਿੱਤੀ ਐਲਾਨਣ ਤੋਂ ਬਾਅਦ ਹੁਣ ਮੇਕਰਸ ਨੇ ਟੀਜ਼ਰ ਵੀ ਰੀਲੀਜ਼ ਕਰ ਦਿੱਤਾ ਹੈ।
ਮਿਰਜ਼ਾਪੁਰ ਦੀ ਕਹਾਣੀ ਪਹਿਲਾਂ ਨਾਲੋਂ ਵੀ ਹੋਵੇਗੀ ਖਾਸ
ਮਿਰਜ਼ਾਪੁਰ ਦੇ ਤੀਜੇ ਸੀਜ਼ਨ ਵਿੱਚ ਪਹਿਲਾਂ ਨਾਲੋਂ ਵੀ ਵੱਧ ਡਰ ਅਤੇ ਦਹਿਸ਼ਤ ਦੇਖਣ ਨੂੰ ਮਿਲਣ ਵਾਲੀ ਹੈ। ਜੋ ਟੀਜ਼ਰ ਸਾਹਮਣੇ ਆਇਆ ਹੈ ਉਸਨੇ ਦਰਸ਼ਕਾਂ ਦੇ ਦਿਲ ਅਤੇ ਦਿਮਾਗ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ। ਸੀਜ਼ਨ 3 ਦੇ ਨਾਲ ਹੀ ਕਹਾਣੀ ਦਾ ਕੈਨਵਾਸ ਹੋਰ ਵੀ ਵੱਡਾ ਹੋ ਗਿਆ ਹੈ। ਪੰਕਜ ਤ੍ਰਿਪਾਠੀ ਯਾਨੀ ਕਾਲੀਨ ਭਈਆ ਅਤੇ ਗੁੱਡੂ ਪੰਡਿਤ ਦੀ ਲੜਾਈ ਪਹਿਲਾਂ ਨਾਲੋਂ ਵੀ ਖਾਸ ਅੰਦਾਜ਼ ਵਿੱਚ ਵੇਖਣ ਨੂੰ ਮਿਲੇਗੀ।
ਸ਼ਕਤੀਸ਼ਾਲੀ ਟੀਜ਼ਰ ਵਿੱਚ ਕਿਰਦਾਰਾਂ ਦੀ ਝਲਕ
ਇਸ ਵਾਰ ‘ਮਿਰਜ਼ਾਪੁਰ’ ਦੀ ਕੁਰਸੀ ‘ਤੇ ਕੌਣ ਬੈਠੇਗਾ ਇਸ ‘ਤੇ ਸਭ ਦੀਆਂ ਨਜ਼ਰਾਂ ਟਿਕੀਆਂ ਹੋਈਆਂ ਹਨ। ਆਪਣਾ ਦਬਦਬਾ ਕਾਇਮ ਰੱਖਣ ਲਈ ਕਹਾਣੀ ਦਾ ਹਰ ਪਾਤਰ ਨਵੀਆਂ ਚਾਲਾਂ ਚਲਦਾ ਨਜ਼ਰ ਆਵੇਗਾ। ‘ਜੰਗਲੀ ਬਿੱਲੀ’ (ਸ਼ਵੇਤਾ ਤ੍ਰਿਪਾਠੀ ਸ਼ਰਮਾ) ‘ਚਲਾਕ ਲੋਮੜੀ ‘ (ਈਸ਼ਾ ਤਲਵਾਰ) ਦਾ ਰਾਹ ਰੋਕਣ ‘ਚ ਕਿੰਨੀ ਕਾਮਯਾਬ ਹੋਵੇਗੀ, ਇਹ ਤਾਂ ਜੁਲਾਈ ‘ਚ ਹੀ ਪਤਾ ਲੱਗੇਗਾ ਕਿਉਂਕਿ ਅਗਲੇ ਮਹੀਨੇ ਇਹ ਸ਼ੋਅ ਸ਼ੁਰੂ ਹੋ ਰਿਹਾ ਹੈ।
‘ਜੰਗਲ ਵਿਚ ਹਫੜਾ-ਦਫੜੀ ਹੋਣ ਵਾਲੀ ਹੈ’
‘ਮਿਰਜ਼ਾਪੁਰ 3’ ਦਾ ਟੀਜ਼ਰ ਰਿਲੀਜ਼ ਹੋਣ ਦੇ ਨਾਲ ਹੀ ਮੇਕਰਸ ਨੇ ਇਹ ਸੰਕੇਤ ਵੀ ਦਿੱਤਾ ਹੈ ਕਿ ਇਸ ਵਾਰ ਦਾ ਸੀਜ਼ਨ ਪਹਿਲਾਂ ਨਾਲੋਂ ਜ਼ਿਆਦਾ ਮਜ਼ੇਦਾਰ ਹੋਵੇਗਾ। ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀ ਗਈ ਕੈਪਸ਼ਨ ‘ਚ ਲਿਖਿਆ ਹੈ, ‘ਜੰਗਲ ‘ਚ ਹਫੜਾ-ਦਫੜੀ ਹੋਣ ਵਾਲੀ ਹੈ।’ ਟੀਜ਼ਰ ਰਿਲੀਜ਼ ਨੇ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਵਧਾ ਦਿੱਤਾ ਹੈ।
ਹਿੰਦੂਸਥਾਨ ਸਮਾਚਾਰ
