Mumbai: ਮਸ਼ਹੂਰ ਵੈੱਬ ਸੀਰੀਜ਼ ‘ਪੰਚਾਇਤ’ ਦਾ ਤੀਜਾ ਸੀਜ਼ਨ ਆ ਗਿਆ ਹੈ। ‘ਪੰਚਾਇਤ 2’ ਤੋਂ ਬਾਅਦ ਦਰਸ਼ਕਾਂ ਨੂੰ ਇਸ ਸੀਰੀਜ਼ ਦੇ ਅਗਲੇ ਭਾਗ ਦਾ ਇੰਤਜ਼ਾਰ ਸੀ। ਕੁਝ ਦਿਨ ਪਹਿਲਾਂ, ‘ਪੰਚਾਇਤ 3’ ਨੂੰ ਲੈ ਕੇ ਇੱਕ ਘੋਸ਼ਣਾ ਕੀਤੀ ਗਈ ਸੀ। ਇਸ ਵੈੱਬ ਸੀਰੀਜ਼ ਦੇ ਤੀਜੇ ਭਾਗ ਦਾ ਟ੍ਰੇਲਰ ਦੇਖਣ ਤੋਂ ਬਾਅਦ ਦਰਸ਼ਕਾਂ ਦੀ ਉਤਸੁਕਤਾ ਹੋਰ ਵੀ ਵਧ ਗਈ। ਆਖਿਰਕਾਰ 28 ਮਈ ਨੂੰ ਸੀਰੀਜ਼ ‘ਪੰਚਾਇਤ 3’ ਦਰਸ਼ਕਾਂ ਦੇ ਸਾਹਮਣੇ ਆਈ, ਪਰ ਜਿਵੇਂ ਹੀ ਇਹ ਰਿਲੀਜ਼ ਹੋਈ, ਵੈੱਬ ਸੀਰੀਜ਼ ਆਨਲਾਈਨ ਲੀਕ ਹੋ ਗਈ ਹੈ।
‘ਪੰਚਾਇਤ’ ਓਟੀਟੀ ‘ਤੇ ਸਭ ਤੋਂ ਪ੍ਰਸਿੱਧ ਸੀਰੀਜ਼ ਵਿੱਚੋਂ ਇੱਕ ਹੈ। ‘ਪੰਚਾਇਤ’ ਦਾ ਪਹਿਲਾ ਸੀਜ਼ਨ 3 ਅਪ੍ਰੈਲ 2020 ਨੂੰ ਰਿਲੀਜ਼ ਹੋਇਆ ਸੀ। ਇਸ ਤੋਂ ਬਾਅਦ ਦਰਸ਼ਕਾਂ ਦੇ ਹੁੰਗਾਰੇ ਨੂੰ ਦੇਖਦੇ ਹੋਏ ‘ਪੰਚਾਇਤ-2’ 20 ਮਈ 2022 ਵਿੱਚ ਦਰਸ਼ਕਾਂ ਦੇ ਸਾਹਮਣੇ ਰਿਲੀਜ਼ ਹੋਈ। ਇਸ ਤੋਂ ਬਾਅਦ ਦਰਸ਼ਕ ‘ਪੰਚਾਇਤ-3’ ਲਈ ਉਤਸ਼ਾਹਿਤ ਹੋ ਗਏ। ਪੰਚਾਇਤ ਦਾ ਤੀਜਾ ਸੀਜ਼ਨ ਹਾਲ ਹੀ ਵਿੱਚ ਅਮੇਜ਼ਨ ਪ੍ਰਾਈਮ ‘ਤੇ ਰਿਲੀਜ਼ ਹੋਇਆ ਸੀ। ਪਰ, ਇਸ ਦੇ ਰਿਲੀਜ਼ ਹੋਣ ਦੇ ਕੁਝ ਘੰਟਿਆਂ ਬਾਅਦ ਹੀ ‘ਪੰਚਾਇਤ-3’ ਵੈੱਬ ਸੀਰੀਜ਼ ਆਨਲਾਈਨ ਲੀਕ ਹੋ ਗਈ ਹੈ। ਇਸ ਨਾਲ ਨਿਰਮਾਤਾਵਾਂ ਦੀ ਚਿੰਤਾ ਵਧ ਗਈ ਹੈ। ‘ਪੰਚਾਇਤ-3’ ਵੈੱਬ ਸੀਰੀਜ਼ ਤਾਮਿਲਰੋਕਰਸ, ਟੈਲੀਗ੍ਰਾਮ, ਮੂਵੀਰੂਲਜ਼ ਵਰਗੇ ਆਨਲਾਈਨ ਪਲੇਟਫਾਰਮ ‘ਤੇ ਲੀਕ ਹੋ ਗਈ ਹੈ।
ਵੈੱਬ ਸੀਰੀਜ਼ ‘ਪੰਚਾਇਤ’ ‘ਚ ਪਿੰਡਾਂ ਦੀ ਰਾਜਨੀਤੀ ਦੀ ਹਲਕੀ-ਫੁਲਕੀ ਕਹਾਣੀ ਪੇਸ਼ ਕੀਤੀ ਗਈ ਹੈ। ਫੁਲੇਰਾ ਪਿੰਡ ‘ਚ ਸਕੱਤਰ ਦੇ ਤੌਰ ‘ਤੇ ਆਏ ਅਭਿਸ਼ੇਕ ਤ੍ਰਿਪਾਠੀ ਨੂੰ ਦਰਸ਼ਕਾਂ ਨੇ ਕਾਫੀ ਪਸੰਦ ਕੀਤਾ। ਅਭਿਨੇਤਾ ਜਤਿੰਦਰ ਕੁਮਾਰ ਨੇ ‘ਪੰਚਾਇਤ’ ‘ਚ ਅਭਿਸ਼ੇਕ ਤ੍ਰਿਪਾਠੀ ਦਾ ਕਿਰਦਾਰ ਨਿਭਾਇਆ ਸੀ। ਜਦਕਿ ਰਘੁਵੀਰ ਯਾਦਵ, ਨੀਨਾ ਗੁਪਤਾ ਨੇ ਮੁੱਖ ਭੂਮਿਕਾ ਨਿਭਾਈ ਸੀ। ਦੂਜੇ ਸੀਜ਼ਨ ਦੇ ਆਖਰੀ ਐਪੀਸੋਡ ਨੇ ਦਰਸ਼ਕਾਂ ਨੂੰ ਰੁਆ ਦਿੱਤਾ। ਹੁਣ ‘ਪੰਚਾਇਤ-3’ ‘ਚ ਦੇਖਣਗੇ ਕਿ ਫੁਲੇਰਾ ਪੰਚਾਇਤ ਦਾ ਨਵਾਂ ਸਕੱਤਰ ਕੌਣ ਹੋਵੇਗਾ। ‘ਪੰਚਾਇਤ-3’ ‘ਚ ਜਤਿੰਦਰ ਕੁਮਾਰ, ਨੀਨਾ ਗੁਪਤਾ, ਰਘੁਵੀਰ ਯਾਦਵ ਦੇ ਨਾਲ ਸੁਨੀਤਾ ਰਾਜਵਰ, ਪੰਕਜ ਝਾਅ, ਸਾਨਵਿਕਾ, ਚੰਦਨ ਰਾਏ ਅਹਿਮ ਭੂਮਿਕਾਵਾਂ ‘ਚ ਹਨ।
ਹਿੰਦੂਸਥਾਨ ਸਮਾਚਾਰ
