Hollywood: ਮਸ਼ਹੂਰ ਹਾਲੀਵੁੱਡ ਅਦਾਕਾਰ ਜੌਨੀ ਵੈਕਟਰ (37) ਦੀ ਲਾਸ ਏਂਜਲਸ ਵਿੱਚ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਹੈ। ਉਨ੍ਹਾਂ ਦੇ ਕਤਲ ਨਾਲ ਪਰਿਵਾਰ ’ਤੇ ਦੁੱਖਾਂ ਦਾ ਪਹਾੜ ਟੁੱਟ ਪਿਆ ਸੋਗ ਹੈ। ਜੌਨੀ ਵੈਕਟਰ ਦੇ ਕਤਲ ਨੇ ਹਾਲੀਵੁੱਡ ਸਿਨੇਮਾ ਨੂੰ ਝੰਜੋੜ ਕੇ ਰੱਖ ਦਿੱਤਾ ਹੈ। ਜੌਨੀ ਵੈਕਟਰ ਦੇ ਪ੍ਰਸ਼ੰਸਕ ਵੀ ਸਦਮੇ ‘ਚ ਹਨ ਅਤੇ ਉਨ੍ਹਾਂ ਦੇ ਦਿਹਾਂਤ ‘ਤੇ ਸੋਗ ਮਨਾ ਰਹੇ ਹਨ।
ਇਹ ਘਟਨਾ ਸ਼ਨੀਵਾਰ 25 ਮਈ ਨੂੰ ਲਾਸ ਏਂਜਲਸ ਦੀ ਹੈ। ਅਭਿਨੇਤਾ ਜੌਨੀ ਵੈਕਟਰ ਨੂੰ ਚੋਰਾਂ ਨੇ ਗੋਲੀ ਮਾਰ ਦਿੱਤੀ ਜੋ ਉਸਦੀ ਕਾਰ ਤੋਂ ਕਨਵਰਟਰ ਚੋਰੀ ਕਰਨ ਆਏ ਸਨ, ਹਾਲਾਂਕਿ ਜੌਨੀ ਵੈਕਟਰ ਨੇ ਉਨ੍ਹਾਂ ਨੂੰ ਰੋਕਣ ਜਾਂ ਵਿਰੋਧ ਕਰਨ ਦੀ ਕੋਸ਼ਿਸ਼ ਨਹੀਂ ਕੀਤੀ। ਜੌਨੀ ਦੀ ਮਾਂ ਸਕਾਰਲੇਟ ਨੇ ਕਿਹਾ ਹੈ ਕਿ ਇਸ ਘਟਨਾ ਤੋਂ ਬਾਅਦ ਉਸਨੂੰ ਤੁਰੰਤ ਹਸਪਤਾਲ ‘ਚ ਭਰਤੀ ਕਰਵਾਇਆ ਗਿਆ ਪਰ ਡਾਕਟਰਾਂ ਨੇ ਉਸਨੂੰ ਮ੍ਰਿਤਕ ਐਲਾਨ ਦਿੱਤਾ। ਜੌਨੀ ਵੈਕਟਰ ਨੇ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ 2007 ਵਿੱਚ ਆਰਮੀ ਵਾਈਵਜ਼ ਸ਼ੋਅ ਨਾਲ ਕੀਤੀ ਸੀ। ਇਸ ਤੋਂ ਬਾਅਦ ਉਹ ਕਈ ਸ਼ੋਅਜ਼ ‘ਚ ਅਹਿਮ ਭੂਮਿਕਾਵਾਂ ਨਿਭਾਉਂਦੇ ਨਜ਼ਰ ਆਏ।
ਹਿੰਦੂਸਥਾਨ ਸਮਾਚਾਰ
