ਜਲੰਧਰ ਕੈਂਟ ਦੇ ਦੀਪ ਨਗਰ ਸਥਿਤ ਰੰਜੀਤ ਐਵੇਨਿਊ ‘ਚ ਇਕ ਘਰ ‘ਚੋਂ ਚਾਰ ਸੱਪ ਨਿਕਲੇ ਹਨ. ਸੱਪ ਨਿਕਲਣ ਤੋਂ ਬਾਅਦ ਇਲਾਕੇ ‘ਚ ਦਹਿਸ਼ਤ ਫੈਲ ਗਈ। ਇਸ ਬਾਰੇ ਜਾਣਕਾਰੀ ਦਿੰਦੇ ਹੋਏ ਮਕਾਨ ਨੰਬਰ 707 ਵਿਜੇ ਵਿਲਾ ਦੇ ਮਾਲਕ ਮੁਕੇਸ਼ ਕੁਮਾਰ ਧਵਨ ਨੇ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਉਨ੍ਹਾਂ ਦੇ Double Bed ਤੋਂ ਸੱਪ ਦੀ ਕੰਜ ਨਿਕਲੀ ਸੀ।
ਉਹਨਾਂ ਕਿਹਾ ਕਿ ਇਸ ਤੋਂ ਬਾਅਦ ਅਸੀਂ ਸਾਰੇ ਕਾਫੀ ਡਰੇ ਹੋਏ ਸਨ। ਇਸ ਗੱਲ ਨੂੰ ਧਿਆਨ ਵਿੱਚ ਰੱਖਦਿਆਂ ਅੱਜ ਮੈਂ ਦੋ ਸਪੇਰਿਆਂ ਨੂੰ ਸੱਪ ਫੜਨ ਲਈ ਬੁਲਾਇਆ ਅਤੇ ਇਸ ਦੌਰਾਨ 4 ਸੱਪ ਫੜੇ ਗਏ। ਮੁਕੇਸ਼ ਦਾ ਕਹਿਣਾ ਹੈ ਕਿ ਉਨ੍ਹਾਂ ਨੂੰ ਇਸ ਗੱਲ ਦੀ ਜਾਣਕਾਰੀ ਨਹੀਂ ਹੈ ਕਿ ਸੱਪ ਕਿੰਨੇ ਸਮੇਂ ਤੋਂ ਘਰ ‘ਚ ਰਹਿ ਰਹੇ ਸਨ।
ਉਸ ਨੇ ਇਹ ਵੀ ਦੱਸਿਆ ਕਿ ਘਰ ਵਿੱਚ ਉਸ ਦੀ ਪਤਨੀ, ਮਾਂ ਅਤੇ ਛੋਟੀ ਬੇਟੀ ਰਹਿੰਦੀ ਹੈ। ਸ਼ੁਕਰ ਹੈ ਕਿ ਕਿਸੇ ਨੂੰ ਕੋਈ ਨੁਕਸਾਨ ਨਹੀਂ ਪਹੁੰਚਿਆ।
